CCLVII.

Item. Et pour lesquelles Ordonnances, garder & observer & entre tenir de point en point selon la forme & teneur, Noùs avons ordonné & ordonnons que tous nosdits Presidens & Conseillers, Procureurs & Avocats, Greffiers, Huissiers de notredite Cour de l’Echiquier, feront leur Serment en la forme & ma-niere qui s’ensuit.

Premierement, lesdits Presidens jureront garder & entretenir ces Presentes nos Ordonnances, en ce qui leur en touche & peut toucher, & aussi les anciennes faites par nos Predécesseurs, par celles-ci non dérogées. Aussi jureront les faire ent retenir à nosdits Conseillers de point en point, & promettront s’il vient à leur connoissance, qu’aucun Conseiller soit infracteur d’icelles, de Nous en avertir ou ladite Cour n’y auroit pourvù, & de mettre toute diligence à eux possible ; de s’enquerir des transgresseurs d’icelles ; semblablement feront les autres Sermens qu’ils ont accoûtumé de faire. Pareillement nos Avocats & Procu-reur Genéraux, Greffiers & Huissiers de notredite Cour, feront le Serment dessusdit, de garder & entre tenir nosdites Ordonnances. S DONNONs EN MAn-DEMENT, en outre par ces mêmes Presentes, à nos amez & féaux Conseillers tenans notredite Cour de l’Echiquier, que nosdites presentes Ordonnances ils fassent lire & publier en leurs Cours, Jurisdictions, & Auditoires & icelles enregistrer, à fin de perpétuelle mémoire ; & au surplus, les gardent, observent & entretiennent, ou fassent garder, observer & entretenir inviolablement sans enfraindre de point en point, selon leur forme & teneur.

Lecte, publicat a & registrate in Curia Seacarii, die vigesimo secundo Decembris anno Domini millesimo quingentesimo septimo. Sic signatum, LOVVEL.