CVIII.

Le vassal est tenu faire les foy et hommage en la maison seigneuriale du fief dont il releue : et si le seigneur n’y est pour le receuoir, ou procureur pour luy, en ce cas le vassal apres auoir frappé à la porte de ladite maison, et demandé son seigneur pour luy faire les foy et hommage, doit artacher ses offres à la porte en la presence d’un Tabellion ou autre personne publique pour luy en bailler acte, et puis se presenter aux plés ou gage-plege de ladite seigneurie pour y faire lesdits foy et hommage. Et où il n’y auroit maison seigneuriale il fera ses offres au Bailly, Senechal, Viconte, ou Preuost du seigneur s’il y en a sur les lieux : sinon il se pourra addresser au iuge superieur du fief, soit royalou autre, pour auoir sa main-leuce.

L’honneur que le vassal doit à son seigneur est la vraye cause de l’aller trouuer en sa maison pour luy faire foy et hommage, et ce en la maison seigneuriale, parce qu’en France les fiefs sont plustost reputez reels que personnels. Et combien que les deuoirs et hommages que doit faire en peisonne le vassal à son seigneur soyent estimez personnels, toutesfois dautant qu’il ne sont deus à cause des personnes, ains des fiefs qui consistent enhéritages ou droits reels, ils semblent plustost tenir de la realité, comme si les fiefs ieruans estoyent suiets et asseruis aux dominans.

Le lieu certain et designé par la Coustume à faire et receuoir la foy et hommage oste toutes les difficultez pour mettre en demeure le vassal qui ne suit la forme prescritte par cet art. et le seigneur aussi qui n’est present au lieu, ou n’y a personne pour receuoir les deuoirs du vassal. La maison seigneuriale s’entend du manoir qu’à le seigneur sur le fief dominant. Que si le seigneur n’a point de manoir sur le fief, ains domicile ailleurs proche de la : semble que l’intention de la Coustume n’est que le vassal l’aille trouuer hors le fief, ains qu’il s’addresse aux officiers du seigneur s’il y en a sur les lieux, sinon au iuge superieur suiuant la loy sipresens et la loy dernière C. de epise. aud. ce qu’on appelle par main souueraine. Le vassal toutesfois se doit par tous moyens mettre à deuoir et faire en sorte qu’on ne l’argué d’aucun mepris ou negligence.