CCCCLXXXVIII.

Les grains estans sur la terre apres le iour saint Iean Bapriste sont reputez meubles, encores qu’ils ne soient siez ny coupez, tout ainsi comme s’ils estoient separez du sol-

Combien que de droit les fruits non separez du fond facent partie d’iceluy I. fruclus pendentes de rei vind. consequemment appartiendroyent au clamant quand or il auroit attendu apres la saint Iean à coucner sa clameur : neanmoins laCoust. a considéré que si cela auoit lieu il laisseroit passer les gelées, les gresles et tout le mauuais tems, faisant cependant profiter ses deniers ou les gardant sans risques iusques sur le point de la recueilte, pour lors par sa clameur deposseder l’achetteur et le priuer de la leuéc qui seroit venu à felicité. Pour cette cause elle a voulu, si le clamant veut auoir les fruits, qu’il se presente plustost assauoir auant le iour saint Iean expiré.