V. C. LXX.

Etoù lesdites parroisses seroient si élongnées les vnes des autres qu’unsergent seul ne pourroit faire lesdites criees en vn mesme iour, elles pourront estre faites par diuers sergens en chacune desdites parroisses par trois dimenches consecutifs, et assignation donnée ça venir en yn mesme iour apres la dernière desdites criées, et que les sergens qui feront lesdites criées ailleurs qu’en la parroisse du manoir principal facent lecture sur les copies des contrats, obligations, et sentences deuëment approuuées et collationnées par vn notaire, tabellion, ou greffier.

V. C. LXXI.

Les criées ainsi faites seront rapportées par le sergent à la prochaine assise pour estre recordées par lesdits sergens en iustice, ou lecture faite desdites saisies, criées, obligations, declarations et prixsera procedé à la certification d’icelles criées par l’auis des aduocats assistans à l’assise iusques au nombre de sept pour le moins compris le iuge, qui seront tenus signer en la minute, de laquelle les parties auront acte separément comme dessus est dit pour les terres roturieres.