V. C. XCVI.

Sous ce mot de Varech et choses gayues sont comprises toutes choses que l’eau iette à terre par tourmente et fortune de mer, ou qui arriue si prés de terre qu’un homme à cheual y puisse toucher auec sa lance,

E chapitre deuoit estre intitulé non seulement de varech, mais de varech et choses gayues, parce qu’il traite de l’Vn et de l’autre. Et semble que ces mots Er c Ro-SES GAIVEs qui sont en cet article deuoyent estre mis en la rubrique, dautant que la definition ou description qui est icy faite des choses gayues ne leur conuient pas bien, ains seulement au varech. Aussi les choses gayues sont cu apres en l’article 603. particulièrement definies et déclarées.

Varech semble estre ainsi appellé du mot Anglois vraich, qui signifie algue marine approchante ou plustost semblable à celle que Pline appelle suc marin. de laquelle usent les habitans des isles de Gersey et Grenesey au lieu de bois et pour se chauffer. Car cette herbe croist en telle quantité allentour de leurs rochers qu’il semble de forests touffues, de sorte qu’ils la coupent et la font secher au soleil pour biusser, et de la cendre ils en sement leurs guerets et iacheres pour les engraisser. Et parce que cette herbe croist aupres du riuage de la mer, il est vray semblable qu’on ait appellé varech tout ce que la mer iette par tourmente ou fortune de mer, ou autrement qui arriue si pres de terre qu’un homme à cheual y puisse toucherauec sa lance, qui estoit l’arme ordinaire que portoyent iadis les caualliers. Et ainsi estant la chose dans l’eau si prés du bord elle estestimée comme iettée à terre.