ARTICLE quatre cens quinze commençant Ceux qui auront accomply seixe ans, a esté accordé pour nouuelle.

EN semblable l’article quatre cens dixneufiesme commençant Neantmoins s’il n’a que des filles, passe pour nouuelle. Et acte accordé audit deputé d’Eureux de l’vsage local par luy allégué que La moitié des meubles appartiennent à la femme laquelle ne peut ectre chargee de laix testamentaires. Et s’il y a enfans ne peut estre testé que d’on sixiesme. Et s’il n’y a enfans, où sil y en a qui soient maieurs, il peut tester de ladite moitiè : Mais s’il n’y a femme ne enfans il peut tester de tout son meuble. De laquelle Coustume locale sera informé.

L’ARTICLE quatre cens vingt deuxiesme commençant Homme n’ayant enfans, a esté aussi accorde pour nouuelle.

EN faisant lecture du quatre cens vingt et troisiesme article commençant La femme veusue, a esté accordé pour nouuelle. Et neantmoins ordonné qu’il sera informé de l’vsage local allégué par le deputé du bailliage d’Eureux que audit bailliage La femme vesue ou no marice peut disposer de tous ses meubles, soit par donation entre vifs, ou testamentaires, principalement quand elle n’a enfans mineurs.

E r sur l’article quatre cens vingt quatre commençant Pere et mere par leur testament, a esté aussi allégué par ledit deputé d’Eureux, Que la Coustume locale dudit bailliage est telle que Pere ou mere peuuent disposer par testament ou autrement de leurs meubles au profit de l’un de leurs enfans au preiudice des autres ou de leurs presomptifs heritiers pour telle part et ainsi qu’ils pourroient faire à un estranger, Duquel vsage local a esté ordonné qu’il sera informé.

L’a RTICLE quatre cens vingt cinq commençant Et quant aux autres personnes, a esté accordé pour nouuelle, E r en l’article quatre cens sept commençant Nul ne peut disposer, a esté adiousté du consentement desdits de putez, Si ce n’est du tiers des acquests comme dit est cu dessus, pour nouuelle.

EN l’article quatre cens vingt huit commençant Nul ne peut disposer par testament, a esté adiousté pour nouuelle, Toutesfois il en pourra disposer en recompense de ses feruiteurs, ou autres causes pitoyables, pourueu que l’usufruict n’excede le tiers d’une annee.

L’ARTICLE quatre cens vingt neuf commençant Le mary n’ayant enfans, a esté accordé pour nouuelle Coustume.