De droit

D roit est parti en ii. parties. quer l un est naturel. et l autre establi.

⸿ Le droit natu rel est par quoi nos sommes tenus ai m er dieu et nos priesmes et nos parens. et a fere a autres ce que nos uoudrion que l en nos feist. et agarder nos defere a autres ce que nos uoudrion que l en ne nos feist.

⸿ Droit establi est ce qui est establi et garde par hommes por le preu de l umain lignage. et cest se change en diuerses contrees. si com il fu establi par diuers establisseors.

⸿ L en apele aucunefoiz droit la chose de quo i la possession apartient a aucun. si comme paris est ledroit au roi de franche. ⸿ Aucunefoiz apele l en droit satiffacion de tortfet qui a este fet a aucune selon ce que l en dit. cestui a eu bon droit de celui qui le desroba quant il en est pendu.

⸿ Aucunefoiz apele l en droit le loier que aucun a por sa desserte. si comme l en dit. le larron a este pendu il a bien eu son droit.

⸿ Aucunefoiz apele l en droit une uertu qui rent a chascun ce que il doit auoir. et est eissi apele en cort laie. par quoi touz contens doiuent estre finez.

⸿ Aucunefoiz apele l en droit la uoie de leaute qui fine les quereles selon ce que l en dit. celui a fait droit que leaument a fine une querele.

⸿ L en apele droit les lois et les costumes de Normendie por ce que par els sunt souuent les plez finez.

De iuridition. ⸿ ii

J uridition est la dignete que aucun. a por ce que il ait poeste detenir droit des plain tes qui sunt fetes pardeuant lui.

⸿ Une iuri dition est fieufal et autre baillie.

⸿ La fieufal est cele que aucun a par la reson de son fieu por quoi il doit fere droit des plaintes qui apartienent a son fieu. et de toutes les quereles qui sont menees contre les resseans de son fieu fors de celes qui apartienent a la duchee. de quoi nos mosterron quant nos dierron du plet de l espee.

⸿ Juridicion baillie est quant cele qui est baillie a aucun de par le prince ou de par le segnor a qui ele apartient. si comme cele que les baillis ou les seneschaux ou les preuoz ont de par lor segnors.

⸿ Le prince a pleine iuridition de toutes les plaintes qui li uienent qui apartienent a la cort laie. il en puet fere droit a touz cels qui se plaignent. se la cort ne l en est requise de tel qui la doie auoir. que nos mosterron bien quant nos treiteron des cors.

De iustise. ⸿ iii.

J ustise est une uertu qui fet droit a homme par quoi il est apele droiturier. ⸿ Aucunefoiz apele l en iustise une destrece qui descent de droit qui est fete sus aucun. et selon ce dit l en d aucun que il iustise bien ses hommes. tele iustise est fete par prendre moeble ou fieu ou cors.

⸿ Aucunefoiz apele l en iustise la peine eniointe a aucun por sa desserte. si comme l en dit. ie ui fere la iustise le roi d un larron que ie ui pendre.

⸿ Aucunefoiz apele l en iustise le baillif ou autre qui est sous lui qui a poeir de iustisier les hommes selon ce que l en dit. la iustise le roi tient les assises en ceste uile. de toutes ces mani eres de iustise use souuent la cort laie.

De justicier. iv.

J ustiscer est apele de iustise por ce que il a poeir de iustisier les autres. si deuon saueir que les uns des iustisciers sunt plus bas et les autres plus haut.

⸿ Les plus haut sunt cels que le duc a establi a garder sa terre que nul n est par desus fors le duc el pays qui lor est baillie a garder si comme sunt les mestres de l eschequier et les baillis.

⸿ De cels les uns sunt gregnors des autres.

⸿ Les gregnors sunt apeles cels qui ont la gregnor poeste si comme les mestres de l eschequier qui ont poeir d amender les tors que les baillis font. ⸿ Les baillis sunt apeles les menors iustisiers por ce il ont menor poeir. quer il nont pas poeir de fere iustise hors de lor baillies qui lors sont commises.

⸿ Les plus bas iustisiers sunt cels toz qui sunt pardesous les baillis.

⸿ Et si est iustisier apele le baillif d un pays qui est establi de par le prince ou par le duc. et a poeir de iustisier et de fere droit au poeple qui est soumis a lui. quer il est establi por garder la pes. por terminer les quereles. por destruire les larrons. les homicides. les ardeors. et les autres malfetors. et si est mis pardesus les autres por garder les droitures au duc. et por rapeler les par droit se il troeue que aucune chose en ait este estrangie.

⸿ Il sunt tenus a garder les lois et les costumes du pays leaument et rendre droit selon celes au people qui lor est soumis. ⸿ Toutes ces choses que nos auon dites doiuent touz les baillis iurer quant il sunt mis en baillie. que il lesgarderont feelment. et autresi doiuent fere touz les menors iustisiers. qui sunt desouz cels qui sunt establis a iustisier le pays.

⸿ Au iustisier doiuent estre les plaintes aportees et il les doiuent receuoir et prendre ple ges d une part et d autre. et asseoir as parties ior de pledier en et tenir en la cort et fere garder ce qui sera iugie.

⸿ Il doit fere iustisier les defaillans. et si doit retrere et recorder les choses de quoi iugement doit estre fet ou recort en cort. et si doit fere donner trieues seles sunt demandees pardeuant lui. cest asseurement de garder pes.

⸿ Il doit fere deliurer les nans qui sunt pris atort. et fere oster force. et de ce treteron nos apres plus plenierement en lieu et en tens.

⸿ Les sous iustisiers sunt cels qui sunt establis sous les iustisiers a fere les offices de droit. par quoi les uns sunt apeles uiscontes. les autres serians de l espee. les autres bedaux. des quex les offices sunt diuers selon ce que droit et la pes du pays le requiert

De l offr au visconte.

L office au uisconte est que il tiegne les plaiz et que il face tenir en droit point les anciennes uoies et les sentes et les chemins et que il face ramener a lor ancien cors les eues qui sunt tenues et remuees contre droit. et que il enquiere diligealment et en segre des malfetors des traisons des muldres des arsons et des puceles prises a force et des autres crimes. et cels que il trouera coupables par le serement de loiaux hommes qui ne soient pas sopechon nous il les doit fere tenir en prison tant que il atendent la quemune enqueste. ou tant que il soient deliures par la loi du pays. et doit acomplir les autres offices de droit.

⸿ Sous les uiscontes sunt les serians de l espee qui doiuent tenir les ueues et fere les semonses et les commandemens des assises et fere tenir ce qui sera iugie. et fere deliurer a droit les nans qui sunt pris. et si doit le seriant auoir de chescune u eue qui est sostenue xi deniers et autresi de chescun na m que il deliure. et por ce sunt il apeles serians de l espee que il doiuent justisier uertuosement o l espee et o les armes touz les malfetors et touz cels qui sunt diffamez quemunement daucuns cri mes. et les fuitis. et por ce soelent il estre establis principalment si que les pesibles fussent tenus par els en pes. et que les malfetors fussent espeneis par la redor de iustise. par els doiuent estre acompli les offices de droit. si comme nos diron apres plus clerement.

⸿ Les menors serians sunt les bedeaux qui doiuent prendre les nans et fere les offices qui ne sunt pas si honestes. et les menors semonses. Et nos diron apres quant tens ert . comment il se doiuent contenir en lor offices si com me les cas uendront.

⸿

De iustisement. ⸿ vi.

J ustisement est destrece qui est fete sus aucun por fere le estre a droit de son meffet.

⸿ Et p or ce apert il que nul ne doit estre iustisie se il n a de uant fet tel meffet de quoi il soit tenu a fere satiffation.

⸿ Trois choses sunt por quoi homme est iustisie. quant il passe terme qui li est mis afere ce que il doit. quant il despit iustise. quant il fet tort a autrui.

⸿ Por terme qui est passe est homme iustisie quant terme li est assis et il ne uient pas au terme. et autresi quant terme est assis a aucun de paier sa rente et il ne la paie au terme ne il ne l offre. il doit estre iustisie tant que il en ait fet gre auenamment. ou que il donne ple ges destre a droit. et itex trespassemens de termes sunt apeles defautes.

⸿ Tel maniere de iustise doit estre fete par prendre ses nans ou ses moebles. et selen ne troeue point de moeble el fieu. la iustise doit estre fete par le fieu.

⸿ Et por ce doit l en sa uoir que iustise poet estre fete en trois manie res. ce est par le mueble ou par le fieu ou par lecors. et nos mosterron apres en quel cas chascune de ces iustises doit estre fete.

⸿ Nul ne poet fere iusti se hors de son fieu.

⸿ Por despit de droit fere est homme iustisie quant il ne uelt obeir a droit. et ce fet on en quatre manieres. quant aucun enfraint ce qui est determine par iugement. si comme se il dessaisist son auersaire de ce donc il est saisi par iugement.

⸿ La seconde maniere si est quant aucun met la main en chose qui est prise en la main le roi. si comme les terres qui par iugement sunt prises en la main au prin ce.

⸿ La tierce maniere si est quant aucun cuelt tolir au prince sa iuridition por donner la a j autre. si comme se il uelt plaidier en la cort de sainte yglise de chose qui apartient a la cort laie.

⸿ En touz itex cas doivent touz cels que ce font estre iustisies par le cors por ce que il font contre les establissemens au prince.

⸿ La quarte maniere si est quant aucun refuse a atendre iugement. et lors doit il estre iustisie par nans.

⸿ Por torfet est aucun iustisie quant il fet rechoir a aucun tel tort de quoi celui a qui il la fet mort ou mehaig ou bleceure uilaine et perillouse poet uenir. et en tex cas doit estre fete iustise par le cors prendre.

⸿ Por ce que nos auon dit deuant apert il que es simples plaintes de terme passe doit iustise estre fete premierement par le mueble. et se aucun est iustise par le moeble et il ne uelt portant obeir a droit. Il doit estre iustisie par le fieu.

⸿ Et si doit l en sauoir que nul ne doit estre iustisie par le cors fors en cas criminaux ou por le plet de l espee.

⸿ Et por ce le noble roi Loeys de france qui fu le secont apres le noble roi Felipe fist tel establissement en Normendie que touz ses baillis iurerent et doiuent iurer des ore en auant que il le garderont feelment. que nul ne soit de ci en auant mis en prison ne tenu fos por cause criminal ou qui apartiegne au plet de l espee. ou por chose qui apartiegne a peril de ses membres. Et se aucun est pris por autre chose soit rendu quitement sans prendre de lui deniers ne par pleges soufisans iusques erme qui li doit estre mis.

⸿ Et por du cri que l en apele communement ha rou ne soit nul mis en prison ne trait a acheson se l en ne uoit apertement resnable cause por quoi le harou doit estre crie.

⸿ Et pardesus ce doit l en saueir que por le dete au prince de quoi terme est passe selt iustise estre fete par les cors as detors. Ja soit ce que por nule autre dete ne doie cors domme estre iustisie.

⸿ Tote la justise de cors domme apartient en Normendie au duc por la feelte que touz li doiuent garder. et por ce est il use et por ce est il use communement en Normendie que nul ne poet auoir hommage d autre fors salue la feelte au duc.

⸿ Et si le doit l en dire quant l en rechoit hommage d aucun. et por ce nul qui soit en Normendie ne poet metre en prison le cors de son homme se il n est rete de larrecin pardeuant lui ou troue saisi ou se il n est son seriant ou son preuost ou son monnier ou son recheueor de rentes. mes cels poet il arrester iusqu atant que il aient rendu conte. ou que il aient donne pleges de conter. et de forfet de bois ou de garenne ou deues qui sunt defendues ou de costume detenue. ou de blez ou de prez ou por tel maniere de forfet poent les malfetors estre arrestez par les segnors en qui fieu els font tex forfez. por tant que il soient pris a present forfet. et si poent estre tenus tant que il aient troue nans ou pleges d amender. et de restorer le damage et de paier l amende la ou ele doit estre paiee.

⸿ Se aucun est pris por aucun autre cas por fet criminous il doit estre rendu a la iustise sans delay.

⸿ Et se le segnor fet tort a son homme par la reson de son fieu. la cort apartient au duc. se il n a aucun segnor maien entre lui et le duc qui en doie auoir la cort par la reson de son fieu.

De deliurer nans

P or ce que les nans doiuent estre deliurez par la iustise et que la deliurance en apartient a la iustise nos treteron apres de la deliurance de nans.

⸿ L en doit saueir que se aucun tient les nans a ses hommes et il ne les uelt deliurer. il doiuent estre deliure par le duc ou par son iustisier en ceste forme.

⸿ Le seriant doit uenir au segnor qui tient les nans son homme. et li doit commander de par le duc que il recroie les nans par pleges.

⸿ Et se le segnor ne le uelt fere. le seriant doit prendre les pleges et metre les nans hors de tout en tout et assigner ior a l un et a lautre as premieres assises ou as premiers plez. se le segnor ne mostre aucune reson par quoi il ne doit pas relaschier les nans. de quoi il est prest de sostenir iugement. et lors doit le seriant prendre de lui pleges de sostenir iugement. et li doit asseoir ior si com il est dit deuant.

⸿ Se le segnor uelt deliurer les nams prenge pleges et les recroie. Se aucun plaintif dit que aucun a pris ses nans en autri fieu ou il ne poueit pas ne ne deuoit prendre por ce que le fieu n est pas tenu de lui. et celui qui les prist noie ce. et dist que il les prist la ou il poueit et deuoit. le seriant doit prendre pleges de celui qui se plaint et deliurer les nans et asseer ior de pledier a l un et a lautre

⸿ Quant il seront uenus a cort et le plaintif aura fet sa plainte et l autre aura noie. et dit que il prist nans la ou il poueit et deueit se il n ofre a deresnier ce que il dit il l amendera. et se il l ofre a deresnier ueue doit estre assise du lieu ou l autre dit que il ne poueit ne ne deuoit prendre ses nans.

⸿ Et si doit l en saueir que se cil qui se plaint n a tesmoing il encharra de la querele.

⸿ a la ueue doit celui qui se plaint mostrer le lieu ou il dit que les nans furent pris.

⸿ Et quant la ueue sera fete et les parties seront uenues a cort. se celui de qui la plainte est fete respont que il prist les nans el lieu qui li a este mostre et que il les poeit et deuoit prendre comme en son fieu et l autre noie que la terre n est pas soue et que il nia nule segnorie et que ele n est pas tenue de lui et que il en a la sesine. ia soit ce que l autre reconnoisse que il prist les nans en la terre que le plaintif tient et gaaigne et enqueut les bles ou par soi ou par autre. il remaindra en sesine et l autre en amende qui les nans pris a tort se il noffre aprouer saisine ou son droit par brief de nouele dessesine ou par loi appareissant.

⸿ Et se il noie que il ne prist pas les nans el lieu qui li a este mo stre et l ofre a deresnier la deresne doit estre tenue.

⸿ Et se il la fet. les nans soient rendus de quoi il aura pleges ains que il les recroie que pleuiront celui qui les nans sunt destre a droit. ne il ne li conuendra pas mostrer la ou il les prist des ce que son auersaire est enchaiet dela querele de quoi il l acusoit.

⸿ Auant l en prist des ce que son auersaire est enchaiet dela querele de quoi il l acusoit.

⸿ Auant l en doit saueir que le seriant qui uient les nans deliurer aura xi deniers por sa liureison.

⸿ Se uns hons tient plusors nans d aucun ou il sunt en plusors lieus il doiuent touz estre deliurez par une liureison des ce que il ne les requiert forz i

⸿ Dun plet qui est entre ii persones n aura le seriant que une liureison por les nans deliurer.

⸿ Tant comme il iaura de plaintis ou de plaintes ou de cels de qui l en se plaint. tant aura le seriant de liureisons.

⸿ L en doit saueir que se aucun prent nans en son fieu. il les doit tenir en tel lieu que cels qui il sunt i puissent auenir soufisamment por donner lor a mengier une fois le ior. et que il s en repuissent aler au leu ou les nans furent pris.

⸿ Ceus qui tienent nans ne doiuent pas estre quis en lieus estranges ne tenir i les nans que il ont pris.

⸿ Et se le seriant treoue celui qui tient les nans es leux deuantdiz ou en plus prouchainz ou son atorne ou son preuost ou son seneschal il doit deliurer les nans si comme nos auon dit. et se il ne treoue ne lui ne les nans il doit forment iustisier par lui ou par autre le tenant iusqu atant que les nans soient deliurez.

⸿ Et se il ne treoue nul qui soit de par lui. le seriant doit uenir a celui qui maint en la meson ou les nans sunt tenus et deliurer les si comme nos auon dit. et prendre pleges de celui qui il sunt que il seroit a droit.

⸿ L en doit saueir que cels qui tienent nans ne lor doiuent pas donner a mengier. mes il se doiuent porueer de metre les en leu conuenable que il nenpirent por la reson du leu ou il seront ne por la uilaine maniere de tenir les.

⸿ Se ceus qui tienent nans neent que il ne les ont pas ne ne tienent le seriant doit prendre pleges de sostenir en d enqueste. et les doit aiorner as ples ou as assises.

⸿ Et se aucun est conuencu par d enqueste que il les prist il les doit rendre et doit estre en grant peine de ce que il les noia. quer ia soit ce que l en ne die pas ce soit larrecin nequeden il semble que il ait sauor de larrecin. et se d enqueste dit que il ne prist pas les nans cels qui se plaignent doiuent estre condempnez par grande amende por la fausse clamor.

⸿ Et se d enqueste le met en non sauoir celui qui se plaint poet suirre ses nans comme chose emblee se il ne les treoue. mes se il les treoue il les poet demander comme chose adiree et les poet prouuer a soues par le tesmoig du uisne.

⸿ Aucuns tienent de lor segnors nu a nu. et aucuns ont maien entre els et lor segnors. et le segnor poet par tote sa terre et par cele qui est tenue de lui prendre por sa droiture les nans a cels qui la tienent. et quant il les aura replegies il seront tenus a obeir a droit en sa cort. et celui qui tient nu a nu de lui et cels qui ont autre segnor par desouz lui.

⸿ Nul ne poet prendre ne tenir les nans a cels qui ne tienent de son fieu ne ne sunt soumis de riens a lui. se deu vesine il ne les troeue a present forfet en son fieu si comme adamagier ses prez ou ses herbages ou ses bles ou ses autres fruis ou se il n en portent sa costume ou son panage ou son tholneu ou autres choses semblables qui doient amende si comme le tens le requiert a la fiee ou les costumes des uiles et des marchies et des foires et des passages.

De terres qui sunt en defens. ⸿ viii

T erres sunt en un tens en defens et en autre sunt communes.

⸿ Totes terres cotiuees sunt en defens de quoi bestes poent legierement tolir les fruis.

⸿ Terres uoides sunt en defens de la mie mars iusques a la Sainte Crois en setembre. en autre tens eles sunt communes se eles ne sunt closes ou defendues d anciennete si comme haies et tex choses.

⸿ Le tens en quoi les terres sunt communes est apele uulgaument tens de banon. En quoi les bestes poent aler communement par les chans sans pastor.

⸿ Aucunes bestes sunt qui n ont point de banon. ains doiuent en tous tens estre gardees et les damages que eles font doiuent estre restores si comme chieures qui brostent les borions des arbres et des uignes et porceaus qui foillent les pres et les bles semes et totes bestes fraitieres et malfesans qui tous iors doiuent estre gardees et les damages que eles font doiuent estre restores.

⸿ Nul ne poet defendre sa terre en tens de banon se ele n est close. esceptes les defens des bois qui par us et par costumes sunt tous iors en defens. banon doit estre oste de terres de quoi le ble est appareissant qui porroit estre empeirie par les auoirs si que il n en i doit point auoir.

⸿

De iugement. ⸿ ix

Jugement est sentence donnee par les iuges de choses que les parties proposent et responnent en cort.

⸿ Les iuges sunt sages persones et autentiques qui en cort font iugement de ce que il oent si comme sunt les arceuesques les enuesques et les chanoines des yglises cathedrax. et les autres persones qui ont dignete es yglises. les abes. les priors conuentuaus et les gouuerneors des yglises qui sunt creables par lor sens et par lor honeste. et les baillis et les cheualiers et les serians de l espee. et les seneschaux as barons qui sunt creables par lor discretion et par lor honeste. ⸿ Nul de cels que nos auon nomme ne doit estre oste de iugement se la querele n est soe propre ou se il nia partie ou se il ne la menee en cort. ou se il n a este atorne ou se il n en a donne conseil ou tesmognage en cort.

⸿ Le iustisier doit dire as iugeors en audience les choses de quoi iugement doit estre fet par celes meismes paroles que les parties auerses ont proposees et respondues sans riens metre ne oster ne changier par quoi le iugement doie estre mue. Se aucune partie des iugeors dit que il n a pas la chose recordee a droit les paroles doiuent estre retraites par le recort de la cort.

⸿ Se les iugeors ont este presens a oir la cause et il ont oi diligeaument les paroles de quoi le iugement doit estre fet. il n est pas mestier que eles soient plus recordees. ains en doiuent fere tantost le iugement. mes le baillif lor doit auant enioindre sor la foi et sus le serement que il doiuent garder au duc de Normendie que il facent leal iugement de ce que il ont oi selon lor entention et selon la costume du pais. ce que il iugeront par commun assens soit garde.

⸿ Se il se discordent en fere le iugement. ce que la gregnor partie et la plus sage iugera soit garde. et se les plus sages et les gregnors sunt meins que les autres. le iugement soit delaie iusqu au autres assises. ou a l eschequier se mestier en est. si que il soit esclairie par la sentence de plusors. M es les cas en doiuent estres ostes en quoi la demore poet engendrer peril et donner la chose a aucun autre. si comme il auient es contens qui sunt meus de presentement des yglises. quer se le contens endure plus de vi mois li enuesque en qui enuesquie liglise est la porra donner a qui que il uoudra.

⸿ Et por ce le sage iustisier doit faire garder ce qui aura este iugie par la greignor partie des iugeors et par les plus sages qui ne soient pas soupechonous.

⸿ Nul ne doit riens dire en iugement contre la uolente de sa conscience.

⸿ Nul ne doit estre flechi de droit ne par amor ne par grace ne par haine que il ne die ce a quoi sentention s acordera que il ne soit tenu por mauues.

⸿ Se le iustisier saperchoit que les iugeors desuoient en fere iugement ou par ignorance ou par malice ia soit ce que touz se consentent a un. il doit delaier iusques as autres assises es queles il se doit tenir a la sentence du plus sain conseil ou du plus discret. iasoit ce que le iugement a cels qui sunt soupechonous ou par amor ou par grace ou par haine soit oi

Ne por quant. neporquant il ne doit pas estre receu por la sopechon. Quant le iustisier uelt delaier le iugement en quoi touz ceus s acordent que sunt en la cort il doit mostrer raison par quoi lor sentence doit estre cassee.

⸿ Les barons doiuent estre iugiez par lor pers. et les autres par touz ceus que l en ne puet oster de iugement.