Si vous souhaitez signaler des coquilles dans ce passage, vous pouvez écrire à Morgane Pica (ingénieure d'étude du projet), en précisant l'URL et le titre du passage.
De teneure par borgage. xxviii.
D e teneures par borgage doit l en sauoir que eles poent estre uendues et achatees comme moeble sans lassentement as segnors et les costumes en doi uent estre paiees selon lusage des bors.
1⸿ Et si doit l en sauoir que les uentes
⸿ Et si doit l en sauoir que les femmes doiuent auoir apres la mort lor maris la moitie des achas qui sunt faiz en lor tens. et les suers idoiuent auoir tele partie comme les feres.
⸿ Et si deuon sauoir que tex tenemens ne doiuent paier en Normendie relies ne aides costumieres.
⸿ Il a en borgage maintes choses qui sunt tenues par hommage. mes ce n est pas establissement de bors ains est par le conuenant qui est fet entre cels qui les tienent. et ia soit ce que il doiuent garder le conenant que il ont fet entrels ne porquant il doit estre tenu por borgage quant as autres. et aura toutes les conditions de par borgage se expresse conuenance ne fu fete entrels quant le borgage fu receu.
Il est acorde par les evesques et par les barons. que les clers maries facent au roy et as autres seigneurs de lour fieuz que euz tienent ce que il en doivent faire. et en bourga ge aussi ce que borgoiz doivent faire et en lour fieu lay l en les porra iustisier suz touz lor chatiex qui iseront trouvez. Et se il fait tant puiz que il sera marie que il ait coronne il fera et en bourgage et de son fieu comme homme lay et sera comme lay en toutes choses. En l eschiquier de Falaise.