Si vous souhaitez signaler des coquilles dans ce passage, vous pouvez écrire à Morgane Pica (ingénieure d'étude du projet), en précisant l'URL et le titre du passage.
De garde d orfelins. xxx.
L i prince de Normendie doit auoir la garde de tous les orfelins qui sunt dedens aage qui tienent de lui par hommage ou par membre de fieu de hauberc.
⸿ L en apele membre de fieu de hauberc luitiesme partie de fieu de hauberc et de toutes les autres parties qui sunt contenues souz menor conte si comme la setisme la sieste et les autres.
⸿ L en dit que cels sunt dedens aage qui nont pas acompli xx ans et por ce que il doiuent estre tenu en garde tant que les xx ans soient acompli. l en lor donne i an par lusage de Normendie en quoi il poent fere en cort lor clamor de rapeler la sesine a lor anceisors quer a celui qui a ia acompli xxi an n est pas otroiee d enqueste de la sesine a son anceisor se icel anceisor ne morut dedens l an et le ior que la clamor en est fete.
1⸿ Il doit auoir la garde de touz cels qui tienent de lui par hommage. baronies. contees. marchies franches serianteries fieufaus qui ne poent estre parties entre freres ou mesons ou tors batellies.
⸿ Il doit auoir la garde de tous les oirs qui sunt dedens aage de qui la garde apartient as segnors des fiex par les resons qui ont este dites deuant portant que il tienent du duc par hommage aucune chose du fieu qui apartient a la duchee. et se il ne tienent riens de cele duchee par hommage la garde en remaindra as segnors de qui il tienent par hommage.
⸿ Nos deuon sauoir quant li duc de Normendie a la garde d un oir par la reson de la duchee. touz les autres fieux qui apartienent a cel oir soient partables ou nient partables et neis les eschaietes qui li escharront par heritage tant comme il sera en garde seront o lui en la garde au duc.
2⸿ Les autres segnors n auront pas la garde fors solement des fiex qui ne sunt pas partables en quoi il doit auoir garde. Ne le duc meismes n a pas les autres choses en garde quant la garde des oirs uient a lui par au tre reson que par la duchee. mes cels qui sunt en sa garde de par autre reson aront les escheances et les autres fieux qui napartienent pas a la garde et les recheuront par lor procureors ou par lor meneors que il ont esleu a procurer lor besoignes.
⸿ Et si doit l en sauoir que se les orfelins ne ueolent metre en la garde a lour segnors les autres fieux qui napartienent pas a la garde a lor segnors. les segnors ne seront pas tenus a fere lor uiure ne a trouer riens que mestier lor soit.
⸿ Et se il les metent en la garde au segnor o le fieu dont il a la garde. le seignor est tenu a trouer lor auenant uiure. et ce que mestier lor est selon l aage et selon le fieu.
⸿ L en doit sauoir que le duc de Normendie a par la reson de la duchee la garde de cels qui sunt en non aage iusqu atant que il aient xxi an acompli par ceste reson que quant il seront issus de sa garde. et il poet enquerre par bones gens les dessesines qui apartienent a cels. il est tenu a rendre lor se eles ont este malement estrangies. ⸿ Les oirs doi uent estre en garde tant que il aient acompli xx ans entiers et lor doiuent cels qui les auoient en garde rendre tous lor fieus qui estoient uenus en lor main par la reson de la garde se il nes ont dedens ce perdus par iugement ou par enqueste qui en ait este fete.
⸿ El premier an apres xx ans poent les oirs rapeler par enqueste toutes les sesines a lor anceisors a cels de qui les eschaietes doiuent uenir a els comme a plus prochains oirs.
⸿ Et se il se tesent tant que les xxi an soient tous passes il ne doiuent puis estre ois ne ne doiuent rapeler les sesines par le reconnoissant. se il n en ont esmeu plet dedens les xxi an. et se il ne lont sui ordeneement.
⸿ Cels qui sunt en aage poent rapeler les saisines de toutes les escheances se il en ont meu pletdedens l an et le ior que celui morut de qui ce lor eschai donc il demandent les sesines par le reconnoissant.
⸿ Quant les oirs seront issus de la garde a lor segnor il n auront nul relief d els quer les issues de la garde doiuent estre contees en lieu de relief.
⸿ Neporquant il prendront relief de lor hommes. quer por ce que il et lor terres furent en garde il ne doiuent pas perdre les relies de lor hommes quant il lor aront fet hommage.
⸿ Se femme est en garde quant ele sera en aage de marier ele doit estre mariee par le conseil et par lassentement de ses amis et de ses parens plus prechains selon ce que la noblece de son lignage et la ualor de son fieu le requerra. et en cel mariage li doit estre rendu le fieu qui a este en garde.
⸿ Femme niest pas de garde fors par mariage. ne l en ne dit pas que ele ait aage deuant que ele ait acompli xx ans. mes se ele est mariee el tens et en l aage qui est establi a femmes ma rier le tens du mariage lor donne aage et deli ure son fieu de garde.
⸿ Se aucun est en non a age ia soit ce que il n a pas fieu qui doie estre en garde. se il prent aucune femme qui ait fieu qui doie garde. le fieu a la femme sera en garde tant que le uaslet soit en aage. quer la femme suit la condition et la lai son mari.
⸿ Les fiex a cels qui sunt en garde doiuent estre garde certainement par les segnors qui en rechoiuent les fruiz et les issues.
⸿ Et por ce doit l en sauoir que le segnor doit tenir en droit estat ancien les edefiemens les manoirs les bois les pres etles iardins les estans les molins les pesqueries et les autres choses de quoi il doit auoir les issues.
⸿ Ne il ne puet uendre ne esrachier ne remuer les bois ne les maisons ne les arbres. les segnors doiuent trouer as enfans qui sunt en lor garde soufisant uiure selon l aage et selon la ualue du fieu.
⸿ Se aucun des segnors uent les mesons ou les bois qui sunt en sa garde ou il les fet es rachier ou metre maliciousement hors du fie que il a en garde il le doit griement amender et rendre plenement ou perdre la garde du tout por ce que il n a pas garde la foi que il de uoit a celui que il auoit en garde.
3Il est iugie que leir en non aage qui est en la garde le roy face eschange atouz ceus suz qui la femme au pere recouure ra douaire. quer ele ara doaire de toutes les terres dont son mari estoit saisi et vestu quant il l espousa. En l eschiquier de la saint Michel a Falaise mccxii
Il est iugie que l aage de xxi an est prouue. par iiii tesmoinz. iurez. En l eschiquier de la saint michel. a Falaise mccviii
De Iehan de Fescamp qui requeroit que le roy en qui garde il auoit este le deliurast du relief que le seignor de qui il tenoit aucun de ses fieuz li demandoit Acorde est que le roy ne le delivrerra point. et que il face ce que il devra. En l eschiquier de pasques mcclxxvii
Il est iugie que leir qui est en la garde le roy face eschange du douaire que la femme son pere recouvra suz le priour de getaruille. En l eschiquier de pasques a caen. m. cc xxix
Iugie est que le roy ait la garde aleir de Guerponville quer lor pere tenoit en chief du duc terres et masures a Roen dont ses marrastres furent mariees. et a Fescamp une masure que ses anceisours donerent en ausmone a Saint. gire de boucaruille. de laquele son pere estoit garant. En l eschiquier de Roen de pasquesmccxxx .
De plusours barons conplaignans soy de ce que le roy uoloit auoir finances des dons que le seignor de la londe auoit done a ses serianz par reison de lor seruice et vouloit prendre et auoir les deuant dis dons durant la garde de leir. Acorde fu que faite reconpensation as diz serianz par lor seruice. et rabatue des rentes des dons. ledemorant nendra au roy tant comme la garde a leir durra.
Il fu iugie que ancun prouchain du lignage. Guillaume de Gouuiz mort ait la garde de sa fille en non
Il est iugie que la mere au filz Tassin ait la garde de safille o toute sarente tant que lenfant ait vii anz. et puiz porra aler o qui quele voudra ou demorer o la mere. et en tretant les bienz muebles de la dite fille seront mis en sauue garde. En l eschiquier de pasques a Roenmccxxxiii .
Il fu iugie que l un et lautres de ceus qui a baronnie en sa part latendra du roy en chies. En l eschiquier de pasquesmccxiii .