Si vous souhaitez signaler des coquilles dans ce passage, vous pouvez écrire à Morgane Pica (ingénieure d'étude du projet), en précisant l'URL et le titre du passage.
De muldre et d omicide lxvi.
D e muldre ou d omicide poet. le plus prouchain du lignage suirre. et se le plus prouchain n est en aage ou il a passe aage le plus prouchain apres la porra fere ou autre du lignage en quoi tout le lignage s acordera. et se pes en est fete quant celui qui n estoit pas en aage sera uenus en aage. il porra recommencier la suite. M es se la loi en a este demenee et parfete autre loi ne porra pas estre de ce recommencie.
1⸿ Se aucun estrange fet clamor d omicide si la face en ceste forme.
⸿ Je me plaing de Richart qui Thomas mon segnor a qui iestoi assailli en felonnie et locist. si comme ie ledefendoie il me fist cest sanc et ceste plaie. lors doit il mostrer le sanc et la plaie deuant la iustise. et deuant cheualiers qui ce puissent recorder. se l autre offre a defendre soi. labataille doit estre gagie en la maniere que nos deimes deuant.
⸿ Einsi poet estre fete suite de homicide par homme estrange.
Il fu iugie en l eschiqui er de pasques mccxxxv que les heirs d un home qui sieut i autre de ses membres ou de larrecin. et il en soit vaincu et pendu. auront lor pere pendu. Non con
Dun homme de la visconte dorbec qui demandoit les bienz de son adversaire que il avoit vaincu et fait pendre par gage de bataille. disant que a lui appartenoient par la costume de Normendie. les quiex bienz le visconte du lieu tenoit por le roy. Il fu acorde en l eschiqui er de pasques mcclxxvii que le dit homme aroit les bienz muebles de son adversaire et leritage demorroit