Si vous souhaitez signaler des coquilles dans ce passage, vous pouvez écrire à Morgane Pica (ingénieure d'étude du projet), en précisant l'URL et le titre du passage.
De querele de dete mouable iiii xx. et v
Q uerele de dete est fete quant aucun se plaint de moeble de quoi un autre est obligie a lui.
⸿ Totes les quereles sunt de dete. en quoi il a aucune chose par quoi l un est obligie a l autre.
⸿ Les unes de ces quere les n essent de conuenant les autres de prest les autres d estrangement.
1⸿ Quereles uienent de prest totes les fois que il a contens entre aucuns de chose prestee. si comme tu me dois x s. que ie te prestai. et si doit l en sauoir que ceste querele est muee selon ce que les detes uienent de diuerses manieres. les uns des detors sunt tenus por soi en ce que il emprunte si comme est l essample que nos deismes auant et ceste querele est de dete por soi les autres sunt detors por autrui. si comme Thomas est detor por son pere ou por son autre anceisor de qui il a leritage. ⸿ Et si doit l en sauoir que nul n est tenu a respondre de la dete a son anceisor de plus uaillant que ce que il tient de son heritage.
En plait de dete ou de chatel se une defaute est atainte contre le detour ou contre le demandeour puiz que il aura este en court la querele est perdue.
Acorde fu en l eschiquier de la Saint Michel mcclxviii que se aucuns demande de aucun mueble et l un d els traie l autre a amende. por ce ne perdra il pas le mueble ou le chatel se l amende n est fete par loy outree. ainz reuendront au principa s l de la querele sanz essoigne sans defaute.
Item eu dit eschiquier fu ensement ordone suz demande de chatel en desclarant l arrest deuant dit. que se l en fai t a aucun demande de mueble et il nie la demande. et aprez icel nie soit trait a amende. celui qui la demande fet. aura ataint sa demande. Item quant le demandeor a fait sa demande. et le defffendeour prent barre ou exception peremptoire por deffendre la querele et donc le demandeour porroit perdre sa demande se il estoit trait a amende. se le defendeour est puiz trait a amende il perdra sa querele.