De tor fet. xlix

T orfet est outrage qui est fet a aucun de quoi touz les contens nessent autresi comme les ruisseax n essent de la fonteine.

⸿ Tout contens est engendre de tor fet qui est fet a aucun en sa persone ou en sa possession.

⸿ Por cen dit l en que les uns contens sunt personelx et les autres de possession.

⸿ Tort est fet a la persone d aucun en ii manieres. ou par fet ou par dit. par fet quant contens est engendre par ce que aucun a este feru. par dit quant contens n est de ledenge qui a este dite ou fete a aucun. ⸿ Contens de possession est double. quer il est engendre de possession mouable ou de possession qui n est pas mouable.

⸿ De possession qui n est pas mouable quant contens n est en tre aucuns par la reson d aucun fieu.

⸿ De posession mouable quant contens n est entre aucuns par la reson d aucun chatel ou d aucune possession mouable. et de ces iiii ruissaux nessent touz les autres contens. et por ce apert il que por ce iiii choses nessent de tort.

⸿ Tortest la maniere de touz contens par quoi et de quo i nos traiteron en la seconde partie de ceste oeure quant nos diron plus plenierement des quereles.

De force. l.

F orce est tort qui est fet a aucun malgre suen contre la pes du pais et contre la dignete au prince. quer por ce que il apartient au prince que il gouerne en pes le poeple qui est soumis a lui . il est tenu a chastier cels qui a force brisent la pes. et por ce doit l en sauoir que se hons met i autre hors de la possession de son fieu par force il apartient a la iustise a enquerre dedens l an que la force est fete. et doit fere rendre la possession a celui qui a este despoillie.

⸿ Autresi doit l en sauoir des autres forces ou il n a peril de uie.

⸿ Nul n est tenu a sostenir enqueste de chose ou il a peril de uie ou de membres se il noffre de son gre expressement a sostenir la.

⸿ Des autres despoillemens ou des autres dessesines qui sunt fetes sans force doit l en fere selon la loi de la dessesine des fieux et des choses qui ne sunt pas mouables. et selon les lois qui en sunt establies de quoi nos diron plus plenierement.

De cort laie. Li

P or ce que les contens nessent de tort et doiuent estre fines par iugement pardeuant la iustise en cort. N os diron ci de la cort.

⸿ Cort laie est assemblee de sages hommes en certain lieu et a certaine hore por quoi droit doit estre fet des contens a cels qui pledent.

⸿ Cels sunt apeles pledeors qui meinent quereles es ples pardeuant la iustise. ⸿ Nos deuon sauoir que a finer les ples couuient que la iustise soit en present par quoi iugemens seront fes des choses proposees et respondues et que les pledeors rameinent la querele pardeuant els.

⸿ Certain ior et certain lieu doit estre assigne as parties par semonse qui soit auant fete de quoi la plainte sera receue et pleges donnes de suirre la. ⸿ L en doit sauoir que le duc de Normendie doit tenir la cort de touz les tors fes qui apartienent a sa dignete. si comme la monnoie du foage et de telx choses. du plet de l espee et de toutes autres choses qui apartienent a la cort laie de quoi plainte est fete a lui. et des pesans quereles et des legieres et des criminax et des simples. M es se aucuns requiert la cort qui auoir la doie ele li sera rendue.

⸿ Le duc de Normendie a principalment la cort de touz les tors fez qui li sunt fez en choses mouables et en noient mouables encontre sa persone ou de tous cels qui tienent nuement de lui et de touz les tors personelx qui sunt fez a ses baillis ou a lor serians ou a lor atornes. ⸿ Il a la cort du plet de l espee si comme de roberie de muldre d omicides de trieues fraintes. d assaut en felonnie d enquestes de toutes choses qui apartienent au plet de l espee. esceptes cels a qui le prince de Normendie a otroie a auoir la cort de tous ples si comme il est appareissant par lor chartres et par lor longue tenue ou par eschange ou par autre reson appareissant.

⸿ Les cheualiers et cels qui tienent franchement les contees et les baronnies et les autres dignites fieufaus ou les fiex de hauberc. ou les franches serianteries et les autres frans fiex ont les cors de lor reseans es pesans quereles et es legieres de moeble ou d eritage. et de larrechin. ia soit ce que eles doiuent estre finees par batailles.

⸿ Li ainsne ont la cort de lor puisne en iii cas tant soulement. ou par le meffet ou par la ledenge que il ont fet ou dit a lui ou a sa femme ou a son ainsne fix. ⸿ En ces iii cas sunt les puisnes tenus a respondre en la cort a lor ainsne et aderesnier s en et amender le.

⸿ Tous cels qui tienent de pure aumosne ont lor cort de lor tenans de l aumosne.

⸿ Se aucun demande par i tesmoing et par une ba taille fiex qui soient de diuers segnors le duc aura la cort quer nul des segnors n a pooir de iugier de tous les contens en la cause. Et des ce que il nia que une querele ele doit estre terminee par une loi. ⸿ L en dit que ce n est que une querele que uns hons meine par i tesmoing et par une bataille. et si dit l en que ce n est que une querele qui est fete de fiex tant soulement ou de moeble ou de tex choses.

⸿ L en doit sauoir que nul qui tiegne son fieu par uil sersoulement ou de moeble ou de tex choses.

⸿ L en doit sauoir que nul qui tiegne son fieu par uil seruise ne doit auoir sa cort de ses tenans de cel meismes fieu si comme sunt les bordiers et cels qui seruent as sas et as sommes et les autres qui doi uent les uix seruises si comme demener le mar le les feins et femer les terres et iteles choses.

De harou et de l enqueste. lii

L e duc de Normendie a la cort de harou. et doit fere l enqueste se il fu crie a droit ou a tort. quer il ne doit estre crie fors par grant besoing si comme por feu ou por larron ou por homicide ou por roberie ou por peril d aucune tel chose. si comme uns hons cort sore a autre le coutel trait qui crie harou sans apert peril il le doit amender au prince. et se il noie que il ne le cria pas. le prince poet enquerre par les prochains et par cels qui loirent sauoir mon se il oirent le harou que cil nie. et se il en est ataint il a garantira. et se d enqueste le met en non sauoir. celui qui en est accuse s en partira par deresne.

⸿ Et se aucun est ataint que il neust point d acheson resnable por quoi il deust crier harou il doit amender griement. neporquant il ne doit pas estre mis en prison se il donne pleges de l amende. ⸿ Et se aucun est accuse de tel crime il n en doit pas estre mis en prison se il n i a meffet appareissant de plaies de sanc ou d autre grant meffet. et se le meffet est appareissant. et celui qui en est accuse dit que il est prest de sostenir en l en queste sauoir mon se il en est coupable ou non il n en doit pas estre mis en prison. quer il mostre asses clerement que il nia coupes.

⸿ a cest cri doiuent iessir touz cels qui loirent. et se il uoient meffet ou il ait peril de uie ou de membres ou de larrecin por quoi le malfetor doie perdre uie ou membre il le doiuent retenir et crier harou a haute uois a pres lui. autrement seroient il tenus a amender le au prince. ou deresnier soi que il n auroient pas oi le cri se il en estoient accuse. se il retienent le malfetor il sunt tenus a rendre le a la iustise quer il ne le poent garder que une nuit. se n est por apert peril.

⸿ Tous cels que la iustise commandera agarder telx malfetors ou a mener les en prison en la uile ou les malfetors sunt doiuent fere aide de lor cors ou d autre por els qui soient soufisanz et amener les en prison.

⸿ Ce apele l en plet de l espee. quer cels malfetors doiuent estre refrenes o l espee et o les armes et doiuent estre mis en prison et liez. et telx quereles sunt apelees criminaus de quo i aucun pert ou uie ou membre.

⸿ Les autres quereles sunt apelees simples por ce que cels qui meffont en sunt chasties simplement autresi comme au tendrun de la uerge. ⸿ Len doit sauoir que la cort d aucunes quereles est en la uisconte et d aucunes en l assise et dau cunes en l eschiquier ⸿ Es ples de lauisconte est tenue la cort des simples quereles et d amender les defautes de l assise et de toutes les quereles qui doiuent auoir terme de xv iors.

⸿ Nule grant querele ne poet estre terminee fors en assise ou en l eschiquier ou pardeuant le prince par quoi la fin en poet estre recordee.

De assise. liii.

A ssise est une cort en quoi ce qui est fet doit auoir pardurable fermete. quer ce qui ara este fet es plez ou nee porra estre depecie de tot en tot par deresne. M es ce qui est fet en assise ne rechoit nule deresne ains est ferme a tous iors par le recort de l assise. et entre ii assises doit auoir xl iors.

D eschiquier. Liiii.

L en apele eschiquier assemblee de soueraines iustises a qui il apartient a amender ce que les baillis et les autres menors iustises ont malement iugie et rendre droit a chassans delai autresi comme de la bouche au prince. et agarder ses drois et rapeler les choses qui apar tienent a son honeste.

⸿ Quant que l en fet en eschiquier par sollempnel iugement doit estre garde fermement.

⸿ Nos apelon sollempnel iugement ce qui est iugie par la cort en plain eschiquier. quant l en a oi loppinion de chascun. se aucun le contredit portant que lor oppinions soient casses par certaine reson. eles ne doiuent estre contes por riens en iugement.

De complainte. lv.

P or ce que a terminer les quereles a quoi les drois et les lois et les costumes tendent auient il que celui qui se plaint et celui de qui il se plaint aportent la querele en cort et que la plainte en soit auant fete et que pleges soient auant donnes de suirre la.

⸿ Nos diron primierement des plaintes.

⸿ L en doit sauoir que plainte ou clamor est quant aucun mostre a la iustise en plaignant le tort qui li a este fet por ce que droit l en soit fet en cort.

⸿ Le iu stisier poet receuoir la clamor et les plaintes et asseoir ior a pledier. et prendre pleges de celui qui se claime de suirre sa clamor.

Del plaintif. Lvi.

L e plaintif est celui qui mostre a la iustise en plaignant soi le tort qui li a este fet. cest est tenu a porsuirre la plainte que il a fete sans nule defaute. ⸿ Et si doit l en sauoir que se il se defaut desuirre sa plainte au ior qui mis li est. son auersaire qui uient a cort doit auoir congie daler s en sans ior.

⸿ Se celui qui demande droit de tort qui li a este fet ne uient a cort por suirre son droit. il semble que il se plaint folement. ⸿ Se plainte est fete de fieu lai et ueue en est sostenue. se le plaintif se defaut puis desuirre sa clamor il n en doit puis estre oi d iluec en auant.

⸿ Et se celui qui est querele se defaut. en cest cas il doit perdre la sesine du fieu qui a este mostre. ce porra l enuoier plus plenierement quant l en tretera des quereles. Le querele est celui de qui la plainte est fete a la iustise que il en face droit si com il doit. de qui pleges doiuent estre pris. et ior lor doit estre mis as premiers ples se il ia espace de xv iors ou as assises se la cause est si grant qui ele idoie estre mise.

De pleges. Lvij.

P leges sunt unes persones qui sobligent a quoi celui qui les met estoit tenu. Les uns sunt simples pleges. les autres plege et dete.

⸿ Simple pleuine est fete en ceste forme. ⸿ Je ples Richart que il rendra a Thomas xx souz a noel. en ceste pleuine doit l en sauoir que se le plege muert la pleuine muert. quer simple pleuine noblige pas les oirs.

⸿ L en doit sauoir que por simple pleuine n est nul mene a loi appareissant mes a deresne simple se la pleuine ne poet estre mostree par aucuns munimens ou par le recort de l assise ou ele fu fete. ⸿ Quant uns hons a pleui i autre destre a droit par simple pleuine se celui que il pleui muert le plege est quite.

⸿ Pleuine est autretant comme pramesse de loiaute. quer celui qui plege aucun pramet que il fera loiaument ce de quoi il le plege.

⸿ L en doit sauoir que le plege qui est troue en cort doit connoistre ou noier la pleuine. se il connoit que il fu plege il gagera la dete. et aura terme depaier la ou da uoir en cort le detor qui fera droit. ⸿ Et se le detor uient au terme et il dit que il doit la dete. il la pait. ou nans qui uaillent soient bailliez por le plege. se il n a de quoi il puisse paier tote la dete le plege la pait. ou le remanant que il ne porra paier. ou ses nans soient bailliez por la dete.

⸿ Et si doit l en sauoir que nul n est te nu agarder plus de xv iors les gages ou les nans qui li sunt baillies por la dete qui li est gagiee.

⸿ M es se il ne sunt desgagies dedens ce il les doit uendre par le commandement a la iustise pardeuant loiaus hommes et creables autresi loiaument comme se il fussent suens. et retenir ce que l en doit. et rendre le remanant a celui por qui les gages furent baillies. et ce doit estre entendu de toutes autres choses qui sunt uendues por autri dete.

⸿ L en doit sauoir que se le detor nie que il n a mis nul plege et celui qui le pleui a ia paie la pleuine. le detor sen porra deresnier par une simple loi por tant que reconnoissant ou plus forte loi ne soit encontre. ⸿ Et si deuon sauoir que tous cels qui ont fet hommage sunt tenus a plegier lor segnor de ses detes. M es nul n est tenu a plegier le de plus que la ualue de sa rente et des redeuances que il doit en un an. son cors sunt il tenus a plegier se il est en prison et suirre sa clamor et defendre soi en cort et destre a droit. et de ses amendes. et de ses nans se il sunt pris. et ce doit l en entendre se il sunt presens la ou il abesoing de plege donner.

⸿ Les resseans sunt tenus a pleuir lor segnor en la uisconte et es assises de la uisconte mes que ce soit a ses despens. et il est tenu a garder les que il ni aient damage. et se il les l ait encorre de la pleuine il ne seront ia puis tenus a pleuir le deuant que il lor aura fet gre de l autre pleuine et des damages que il auront eu.

⸿ L en dit que la pleuine retient la dete quant aucun met plege de sa dete en tel maniere que il s en oblige a estre en rendeor et que il en est plege et detor. sa mort ne deliure pas de ceste pleuine.

⸿ Et por ce doit l en sauoir que se le plege est mort. ses oirs ne sunt pas deliures de la dete. ains sunt tenus a rendre la par ce que il s en establi principal detor.

⸿ Aucun deuient plege d auenture quant l eritage ou le mueble a aucun li eschiet par quoi il est tenu a paier ses detes. si comme le fix qui a l eritage son pere ou les executors. ou les autres qui ont les chatex as mors. ou celui qui print sus soi a procu rer la besoigne a autri. ⸿ Ices ne doiuent pas respondre de la dete se il ne sunt semons a certain lieu et a certain ior si comme nos deismes auant ains aront terme soufisant de connoistre la dete ou de noier la. ne il ne s en porront pas deresnier. por ce que l en ne dit pas que la dete fust acreue par els. quer nul ne poet deresnier autrui dete. mes celui qui demande la dete la doit prouer soi tiers de iureors. ⸿ Ne por quant il porra deresnier soi que il ne fu pas plege se la pleuine est prouee par munimens ou par recort. se aucuns se mistrent en plege de toute une dete sans determiner de combien chascun pleui. se aucun d els muert ou il n a de quoi paier l autre por lui paiera.

⸿ Se uns hons plege i autre que il ne meffera a nul. se il meffet le plege doit amender ou amener celi que il ara plegie auant et fere li amender.

De semonse. Lviii.

S emonse est commandement qui est fet a aucun deuenir acort a certain terme et a certaine hore et a certain tens. ⸿ L en doit savoir que selon la diversite des causes sunt les semonses diverses. quer se aucun est semons de respondre d eritage la semonse doit au meins auoir xv iors de terme. et doit estre fete par leseriant atorne qui dira a celui que il le semont et li dira la plainte a l autre partie.

⸿ Toutes les semonses qui sunt fetes a respondre en cort doiuent estre fetes par le seriant atorne. ne ne doiuent pas estre receues se autre les fet. ⸿ Vnes semonses sunt fetes por rendre les rentes ou les seruises ou les detes as seignors cestes doiuent estre fetes au meins la nuit deuant. se la cheson n est si soudement que il ait peril en la demoree.

⸿ L en doit sauoir que les barons doiuent estre semons par le baillif ou par le uisconte. ou par le principal seriant de l espee pardeuant iiii cheualiers au meins que il en puissent porter tesmoing de la semonse. quer se il se defaillent il ne doiuent pas por ce estre menes aderesne. ains doit la semonse estre recordee par le tesmoing de cels qui ifurent ce ne seroit pas auenant que hons de si grant auctorite fust mene a deresne por ses defautes.

⸿ L en semont aucune fois les seneschax ou les preuos que il aient lor segnors a ior. et se il nes ont il le doiuent amender ou deresnier. ⸿ Et se il dient que il firent sauoir a lor segnors les semonses. les segnors a garantiront ou il se deresneront enuers els.

⸿ Toute semonse doit aportee a la persone a celui que l en semont. et se il ne poet estre troue ele doit estre fete au seneschal ou au preuost. et se il n a preuost ou seneschal l en doit aler a sa meson et fere la semonse a cels que l en trouera. ⸿ Et se celui que l en doit semondre n a point de resseantise ne il n est pas en la baillie por tant que il soit en la contree. le baillif doit enuoier ses letres au baillif en qui baillie il est resseant par celui qui est plaintif que il le face semondre contre lui. et celui doit raporter a cort les letres au baillis qui le fist semondre.

⸿ Se celui qui est querele n est en la contree. il doit au diemenche ou a une autre feste sollempnel estre apele en l iglise oiant tous que il soit as assises a respondre de ce de quoi l en se plaint de lui. si que le terme mis ait au meins xl iors.

⸿ Se aucun est semons de seruise que il ne doit pas tele semonse ne doit pas estre receue. T ote semonse qui est fete de respondre en cort doit estre receue por tant que cort soit tenue el leu ou celui qui est semons doie respondre. ⸿ Se un segnor a diuers fiex il ne poet pas semondre les hommes d un fieu a respondre en autre ne mener ses hommes a plus lointaigne cort que a celes oules quereles du uisne sunt terminees.

⸿ Semonse de seruise fere doit estre fete par chascun de la maisnie au seignor. et autresi celes de rentes paier.

De tesmoins. L. ix.

L en apele tesmoignage en cort laie cels qui tesmoignent ce que le demandeor propose par telx paroles. Je ui ce et oi et prest sui de fere en ce que la cort esgardera ⸿ L en doit sauoir que nul ne doit estre receu a tesmoing en sa cause ne ses oirs ne cels qui sunt parchonniers de laquerele. et ce doit estre entendu ausi de la partie au demandeor com audefendeor.

⸿ Tous cels qui sunt malrenommes de pariure ou de mescreantise et cels qui ont este ueincus en bataille et les escumenies ne sunt receus en cort laie ne por soi ne por autre. et toute audience lor doit estre deuee encort.

⸿ M es se aucun uelt pledier a els il sunt tenus a respondre que il ne gaaignent en lor malice.

⸿ Il i a uns tesmoins qui offrent a sostenir l esgart de la cort si com es grosses quereles ou bataille est jugie. ⸿ Tote chose qui a ior determine est proposee en cort sans tesmoing est tenue a uaine et por nule par iugement. mes il ne conuient mis tesmoing deuant que ior soit assis.

De pledeors. lx.

C els sunt apeles pledeors qui meinent quereles en cort en demandant et en defendant.

De conteors. lxi.

C els sunt apeles conteors que aucuns establissent a conter por els en cort. si doiuent ses paroles autretant ualoir comme s il iessoient de la bouche a cels qui les atornerent.

⸿ Et des ce que il est establi a parler celui qui li atorne ne poet contredire chose que il die. ⸿ Ne porquant quant il uoudra il porra eschangier et establir i autre. quer ii conteors ne poet il auoir ensemble.

⸿ Se aucun establit einsi son conteor. cesti doit parler por moi ce que ie li ai enioint ie le garantirai. la iustise le doit oir et puis demander a celui qui li establi se il a dit por lui ce que il a dit. Se il le garantist il ne poet puis riens contredire que il ait dit.

⸿ Se il dit que il a dit aucune chose que il ne li enioint pas ne il ne l en garantist. le conteor lamendera en la cort. et lors iugera l en des choses qui sunt garanties.

⸿ Celui sagement establist conteor qui lestablist en ceste forme. quer nul sage homme ne doit garantir les choses qui sunt a dire. mes celes qui sunt dites s il li est auis que ce soit bien.

D atornement lxij.

L atorne est celui qui pardeuant la iustise est atorne por aucune chose en eschiquier ou en assise ou il a recort a porsuirre ou a defendre sa droiture. et si doit estre receu en autre tel estat de la querele comme celui est qui li atorne quant il li atorne. ne ne doit de riens estre oi tant comme celui est present qui li atorna. ne si ne doit estre oi fors de la querele de quoi il est atorne.

⸿ Aucuns soloient fere lor atornes par derriere lor auersaire. Mes ce ne doit pas estre par droit fet fors pardeuant le roi de quoi sol tesmoing soufit a recorder ce qui a este fet pardeuant lui. quer por ce que la cort se doit porter oelment en andeux les parties ele ne doit pas muer l estat de l une partie en derriere de l autre. ⸿ Quant l en uelt fere atornement en cort qui ne porte recort se ce est fet en derriere de l autre partie. la condition est fete contre droit. quer se il a gaaignie contre latorne il ne porra pas demander le recort de latornement por ce que il ne fu present ne il ne uit les persones pardeuant qui il fu atorne. ⸿ Atorne poet estre fet par les letres le roi leues en assise qui porte recort se l autre partie est presente quer de tel atornement poet l en auoir recort.

De ueues lxiii

L en doit sauoir que diuerses ueues sunt. Il i a ueue de fieu ueue de homme en langor. ueue de meffet. ueue domme ochis. ueue de femme despucelee. Veue de fieu est quant aucun demande en cort. que le fieu donc l en plede a lui li soit mostre a certain ior qui doit estre assis a mostrer le.

⸿ Tex ueues doiuent estre sostenues en diuerses manieres selon la diuersite des plaintes.

⸿ En quereles d eritage que uos demandes par bataille ou par establie. et generalment en tou tes les quereles en quoi il a droiture deritage doit ueue este sostenue par iiii chevaliers et par xii loiaux hommes qui ne soient pas soupechonnous.

⸿ En noueles dessesines et en to tes quereles qui sunt menees par maniere de nouele dessesine poet la ueue estre sostenue sans cheualiers par xii loiaux hommes du uisne. ne ce nenuist pas que il ait cheualiers se l en les poet auoir legierement.

⸿ Veue domme en langor doit estre sostenue par iiii cheualiers et par la iustise. et que celui qui a lui plede i soit apele a certain ior et a certain lieu la ou les essoigneors distrent que il gesoit malade. et por ce idoit estre apele lauersaire que se le malade noie que il n a pas iure langor que il puisse auoir recort de cels qui leuirent.

⸿ En tel maniere doiuent estre fetes les ueues de muldre d omicide de mehaing et de totes plaies fetes par force. ⸿ L en doit sauoir que se aucun est naure et il ne mostre sa plaie en ceste maniere il ne porra pas suirre la felonnie celui qui le n aura.

⸿ Se aucun qui a este ocis est en foi et il n a este ueu en ceste maniere l en ne por ra pas suirre de sa mort se il ne fu mostre a la iustise ains que il fust enfoi. ⸿ Et tous cels qui furent present a lenfoir doiuent estre en merci.

⸿ Se aucuns hons est acuse de tel achaison et il nie que il ne fu present. la uerite en doit estre enquise par d enqueste. et se il est mis en non sauoir. se la iustise les en acuse plus il s en porront deliurer par une deresne. ⸿ Veue de femmes despucelee doit estre fete par vii femmes ueoues ou mariees bien creables par qui le despucelement soit recorde se mestier en est.

De quereles et de lois. lxiiii.

O r nos conuient tretier des quereles et des lois par quoi les quereles doiuent estre finees.

⸿ L en doit sauoir que quereles sunt contens entre celui qui se plaint et celui de qui l en se plaint qui est demenee pardeuant la iustise. et aura terme qui est mis. de quo i les unes apartienent as persones et les autres as choses. et nos diron primierement de cels qui apartienent as persones.

⸿ Querele personel est contens demene entre le plaintif et celui de qui l en se plaint por tort qui a este fet a la persone d aucun. et de ces paroles les unes sunt par fet les autres par dit. et nos diron premierement de celes qui sunt par fet.

⸿ L en doit sauoir que querele personel qui descent de fet est de force qui a este fete a la persone d aucun si comme bateure ou plaie ou tele chose.

⸿ Di cestes quereles est l une simple et l autre criminal.

⸿ La simple est cele qui est terminee par simple loi.

⸿ La criminal est qui est terminee par loi apppareissant. et est apelee criminal por ce quele naist de tel crime que l en en doie perdre uie ou membre. ⸿ Il i a diuerses manieres de quereles criminax selon que diuerses suites en sunt mostrees qui nessent de diuers mesfes.

⸿ Il i a querele de muldre. etdomicide. et de mehaing et de truiue frainte et de despucelement de femmes prises par force. et de roberie et d assaut encharue. ou en la possession a celui qui fu assailli. et de traison.

⸿ Nos diron primierement de muldre comment et par quel forme de paroles l en en doit suirre. et toutes ces manieres de suites sunt apelees de felonnie.

De multre lxv.

S uite de muldre doit estre fete en ceste forme ⸿ Richart se plaint de Thomas qui muldri son pere felenessement en la pes deu et le duc que il est prest de prouer et de fere li connoistre en une hore de ior.

⸿ Se Thomas le nie mot a mot et il offre son gage a defendre s en l en doit premierement prendre le gage au defendeor et puis celui a l apeleor. et chascun doit donner pleges demener la loi. ⸿ Ne por quant il doiuent andui estre retenus en la prison le duc et ce que droit sera a fere la bataille lor doit estre troue par la iustise et si poet bail lier l un et l autre en uiue prison se il uelt por tant que l en baut bons pleges et bones gardes qui les gardent si feelment que il les rendront au ior de la bataille ou mors ou uis a pareillies de la bataille fere. ⸿ Se aucune force est fete dedens ce d aucun d els. le baillif en poet enquerre par son office et espeneir celui qui en sera ateint selon la desserte et cels qui les gardoient se il en sunt coupables. et por ce que celui qui les garde par la costume ancienne en doit porter la peine que cels deussent porter. se il ne les peust rendre a la iustise au ior qui lor est mis.

⸿ L en selt user en Normendie que en bataille de felonnie puis que lesgages sunt donnes nul ne doit estre garde hors de la prison au duc.

⸿ Au ior qui est assis a fere labataille se doiuent les champions offrir a la iustise ains que hore de miedi soit passee tous apparellies en lor cuiries et en lor cotes o tot lor escus et lor bastons cornus armez si com il doiuent et si comme mestier sera de drap et de cuir et de laine et destoupes.

⸿ Es escus ne es bastons ne es armeures des iambes ne poet auoir fors fust et cuir ou l un des ii se il ne poet auoir l un et l autre. il ne poet auoir nul autre instrument agreuer son auersaire que lescu et le baston et chascun doit estre rooignie pardesus les oreilles.

⸿ Ceste forme doit estre gardee en tote bataille. et si poent estre oint se il uoelent.

⸿ Quant il seront andui offert a la iustise les paroles de labataille doiuent estre recordees par la iustise. et se il semble a aucun que s les paroles de la bataille ne soient pas bien recordees ou que la bataille fu gagie par autres mous. il porront demander le recort de la bataille et il laront par cels qui furent au gagier la bataille. et quant ele sera bien recordee si soient menes el champ por combatre quatre chevaliers soient el lieu qui gardent le champ et tous les autres si soient entor.

⸿ Le ban le duc soit crie que nul de cels qui ilueques soit sor uie et sor membres ne soit nul si hardi que il face a nul des champions mal ni aide ne nuisance ne par fet ne par dit. et ce aucun fet ce il sera mis en la prison au duc et a garantira a sa uolente. apres ce soi ent les champions amenes au champ et iurent les paroles de labataille et sagenoillent andui. et s entretiegnent par les mains. l apeleor a destre et le defendeor a senestre.

⸿ L en doit demander a chescun comment il a non et se il croit el pere et el filx et el saint esperit. et se il tienent la foi que sainte yglise garde. et quant chascun aura respondu oil. le defendeor iurera en ceste forme. ⸿ Oies homme que ie tieng par la main senestre que en bauptesme Thomas te fes apeler que ie ton pere ne muldri en felonnie si m ait dex et ces sains.

⸿ Lautre iurera einsi. Oies homme que ie tieng par la main destre qui Nicolas te fes apeler en bauptesme que des paroles que tu as iurees tu es pariure si m ait dex et ces sains. ⸿ Apres il iureront les sorceries. le defendeor iurera premier que par lui ne par autre n a fet sorceries a porter en champ qui li puissent ne ne doient aidier ne a son auersaire nuire. et l apeleor iurera apres autresi.

⸿ Lors baudra l en a chascun son baston et son escu. et les iiii cheualiers qui seront el lieu por garder le champ seront entre ii tant que il aient ore auenamment. et le ban le duc sera crie derechief. quant il aront ore les cheualiers se tendront as ours del champ en iiij parties. ⸿ Se le defendeor se poet defendre iusques atant que les esteiles perent el ciel il aura uencu. et ceste forme doit estre gardee en totes batailles. mes que le serement doit estre fet des paroles de quoi la bataille fu gagie.

⸿ L en doit sauoir que nul ne poet suirre de muldre deuant que certaines enseignes soient trouees. se aucun n est qui face suite ou clamor de muldre.

⸿ Se aucun en est blasme communement il doit estre arreste par la iustise et mis en prison iusque a i an et i jor a poi de boiure et de mengier se il noffre dedens ce a sostenir d enqueste du pais se il la uelt sostenir. la iustise se doit poruoier que celui que il cuidera quen sache aucune chose de cel muldre de quel lieu que il soit uiegne pardeuant lui soudement desporueuement et sans sauoir por quoi ce est si que les amis a celui qui est en prison ne les corrumpent ou par proiere ou par loier. si doit l en apeler chescun par soi pardeuant iiii cheualiers qui ne soient pas soupechonous et qui enquierent diligeaument se celui qui en prison est fist cel muldre. et quant aura oi lor dis et mis en escrit celui qui est en prison doit estre amene pardeuant els et si li doit l en demander se il en uelt nul oster et se il imet soufisant essoigne sus aucun chose que celui die ne doit estre a riens contee. mes se lessoigne que il met sus lui n est sofisant. ce que il dira sera conte o les autres.

⸿ Celeiuree doit estre fete par xxiiij hommes au meins loiaux et ne mie sopechonnous. que amor ne haine ne doit oster de laiuree. etla semonse doit estre fete par loial seriant qui ne soit corrumpu ne par proiere ne par loier ne par amor que il ne semoigne les plus ueritables et les plus prodesommes que il porra trouer es lex et entor les liex ou le meffet fu fet et cels que l en croit qui ensachent la uerite.

⸿ Se iuree doit estre sostenue de larrecin ou de roberie loi aux iureors doiuent estre semons de la ou celui est accuse et de la ou il a conuerse et de la ou il fist le larrecin et que il sachent la uerite de ses fes et de sa uie. et doiuent estre si soudement amenez pardeuant la iustise que les amis a celui qui est accuse ne les puissent corrumpre. le baillif les doit prendre segreement pardeuant iiii chevaliers et demander a chescun par soi ce que il fet de la uie et des fes a celui qui est accuse et ce que il en croient. quant il aura oi chascun par soi celui qui est accuse doit estre amene auant et li doit l en demander auant se il uelt seonner aucun des iures qui li doiuent estre tous mostres. et se il en seonne aucun loiaument. chose que il die ne li doit nuire. lors seront les iureors apeles en commun et quant que il aront dit sera recorde par la iustise a celui qui est accuse et il doiuent reconnoistre que einsi ont il iure et sus ce doit maintenant le iugement estre fet. et ce qui sera iugie doit estre acompli sans delai. et ce que les xx diront soit garde. et se aucun des xx iurez se font de ce non sachans autretant de iureors idoiuent estre mis se l en les poet trouer. issi que par le serement de xx la uerite de cels en soit enqui se et conneu.

De iureors. lxv.

L en doit sauoir que cels sunt apeles iureors que par le serement que il font en cort sont tenus a dire uerite des quereles selon ce que il lor sera enchargie par le baillif ou par celui qui sera en son lieu.

⸿ Quant contens doit estre fine par serement de iureors. il conuient que il sachent les circonstances des contens si comme des persones entre qui le contens est et lachose de quoi il est et le lieu et la cause et la maniere. ne les anemis ne les especiaux amis ne les cousins de l une partie ne de l autre. ne nul de qui l en puisse par certaine reson auoir soupechon d amor ou de lignage ou de haine ne doiuent pas estre receus a serement ne cels qui sunt parchonniers de la querele. ne cels par qui ele est menee ne defendue. ne cels qui sunt prochains uoisins de la chose qui est demandee ne cels qui riens ne seuent de la chose de quoi le contens est. ne cels qui ne sunt du tens ne du leu que il en puissent riens sauoir. doiuent estre oste du serement. et cels qui sunt repris de pariure ou de porter faux tesmoing.

⸿ Et por ce doit l en semondre as iurees les plus prodeshommes et les plus prouchains et cels que l en croie qui miex en sachent la uerite et qui ne soient pas soupechonous n a l une partie n a l autre.

⸿ Autresi doit l en fere a cels qui sunt communement blasme de larrecin d omicide d arson ou d aucune chose criminal. de quoi il n est qui les en sieue. du meffet qui a este fet a cels qui vivent ne poet enqueste estre fete fors pas lassens a l une et l autre partie.

⸿ Plusors se seolent acorder que se un ehomme apele i autre amor et celui qui est apele velt sostenir d enqueste du pais en la forme que nos avon dite il la doit avoir. et se il est ataint par l enqueste il doit estre dampne. et se d enqueste le salue si soit delivre. et se il est mis en non savoir li apeleor poet revenir a la bataille. a ce se seolent plusors acorder por abatre les fauses plaintes ia soit ce que plusors ne le veolent pas.

De muldre et d omicide lxvi.

D e muldre ou d omicide poet. le plus prouchain du lignage suirre. et se le plus prouchain n est en aage ou il a passe aage le plus prouchain apres la porra fere ou autre du lignage en quoi tout le lignage s acordera. et se pes en est fete quant celui qui n estoit pas en aage sera uenus en aage. il porra recommencier la suite. M es se la loi en a este demenee et parfete autre loi ne porra pas estre de ce recommencie.

⸿ Se aucun estrange fet clamor d omicide si la face en ceste forme.

⸿ Je me plaing de Richart qui Thomas mon segnor a qui iestoi assailli en felonnie et locist. si comme ie ledefendoie il me fist cest sanc et ceste plaie. lors doit il mostrer le sanc et la plaie deuant la iustise. et deuant cheualiers qui ce puissent recorder. se l autre offre a defendre soi. labataille doit estre gagie en la maniere que nos deimes deuant.

⸿ Einsi poet estre fete suite de homicide par homme estrange.

De roberie. lxvii.

D e roberie doit l en sauoir que la clamor doit estre fete en ceste maniere. Je me plaing de Richart qui en la pes deu et le duc m asailli et me bati en felonnie. et me fist cest sanc et ceste plaie et me toli ma chape en roberie por quo i il me conuint crier harou.

⸿ Se l autre noie mot a mot ce. et il offre a defendre s en. l en doit primiere ment fere enqueste par cels en qui uisne il dut estre crie ou qui furent present. et se il dient que il oirent le harou de la roberie. lors doiuent les gages de la bataille estre receus en la maniere que nos auon dit. et ceste loi doit estre menee souz la forme qui est mise deuant.

De suite de trieues lxviii.

D e suite de trieues enfraintes doit l en sauoir que ele ne poet estre fete se les trieues ne furent donnees auant en cort qui doie porter recort.

⸿ Et si doit l en sauoir que trieues si comme l en les prent en laie cort est asseurement qui est fet par la foi du cors que celui qui la donne ne fera mal ne par lui ne par autre a celui a qui il la donnee.

⸿ Se aucun se plaint apres cel asseurement qui est fet. il se doit plaindre en ceste forme. Je me plaing de Richart qui puis les trieues que il mauoit donnees en cort massailli en felonnie en la pes deu et le duc et me fist cest sanc et ceste plaie que ie mostre que ie sui prest de fere li connoistre en une hore de ior. S e l autre le noie mot a mot. et offre a defendre les gages doiuent estre receus si comme nos auon dit.

⸿ L en doit sauoir que en ceste forme de suite de roberie et de trieues enfraintes se l en fet par d enqueste du pais que harou ne fu pas crie. celui qui suit encharra de la suite. et autresi que s il ne poet estre recorde que les trieues fussent donnees ce lui qui suit encharra de la suite.

De la traison au duc. lxix.

D e la traison au duc de Normendie doit la suite estre fete en ceste maniere. Je a qui le duc de normendie auoit baillie son chastel a garder. me plaing de Thomas qui estoit o moi a garder le qui entraison et felenessement issi par nuit del chastel et mist ses anemis dedens de quoi ie poi a peine eschaper. et se il le uelt noier ie sui prist de fere luiconnoistre en une hore de ior se lautre il lui qui sunt encharra de la suite. le noie mot a mot et il offre a defendre. les gages doiuent estre receus si comme nos auon dit. et la bataille fete. por tant que ce soit aperte chose que les anemis le duc tiegnent le chastel.

De mehaing lxx.

S uite de mehaing est fete par l omme a celui qui est mehaignie ou par son cousin en ceste forme. J e me plaing de Thomas qui en felonnie mehaigna mon segnor ou mon cousin. et puis aussi comme deuant.

D assaut. lxxi

D assaut et de pais froissie en diuerses manieres selon la diuersite des lieus. quer l en sieut d assaut de charue et d assaut de chemin.

⸿ Dassaut en meson ou d assaut en champ les suites en sunt fetes tout en une maniere. mes que l en nomme les lieus ou lassaut fu fet. et si conuient mostrer le meffet du cors et le sanc et la plaie ou il ait peril de mort ou de mehaing. la plainte selt issi estre fete.

⸿ Je me plaing de Richart qui en la pes deu et le duc massailli felenessement a ma charue o a gait porpense et me fist cest sanc et la plaie que ie mostre a la iustise. se il le noie ie ou homme por moi qui fere le puisse et doie sommes prist de fere li connoistre en une hore de ior a l esgart de la cort.

⸿ Celui qui est acuse doit noier la felonnie qui est mise en la clamor et doit demander congie de consellier soi quant il sera consellie se il noie le fet mot a mot. les gages doiuent estre receus et labataille menee si comme nos auon dit.

⸿ L en doit sauoir que en tex suites se le sanc ni est ou le meffet ou il ait peril de cors si comme de mort ou de mehaing. n est mostre a la iustise et ueu soffisamment. bataille ne doit pas estre gagie.

⸿ L en doit sauoir que se la force nara este mostree expressement en la clamor bataille ne doit pas estre gagie des suites deuantdites.

⸿ En toute suite de quoi l en tent a mort de homme doit l en dire en la plainte que de ce de quoi l en se plaint fu fet en felonnie en la pes deu et le duc

⸿ L en doit sauoir que se aucun qui soit en non aage est apele de ses membres il doit estre garde tant que il soit en aage ou estre baillie en garde si com il plera a la iustise. et si com il uerra que la chose le requiert.

⸿ Il doit entendre et aprendre diligealment la uerite en tex choses que il ait as ignorans et soit rede contre les malfetors mes que il gart lordre de droit. en ses quereles mener ne poet nul metre autre por soi se il n a apert mehaing de son cors ou se il n a passe aage que il ait uescu lx ans. es suites qui sunt fetes por crime lapeleor poet aioindre a la plainte que il firent en cort et acroistre le. mes il ne poet riens oster ne sostrere. et se il relaschent aucune chose de la clamor que il ont fete ou il delessent aucun de qui il se plainstrent lor clamor ne doit riensualeir.

De suite de trieues fraintes lxxii.

D e trieues fraintes doit l en sauoir que suite ne poet estre fete se trieues ne furent donnees en tel maniere que le recort en puist estre eu se l en le noie et se l en ne mostre sanc et plaie. la suite de trieue frainte est fete en ceste forme

⸿ Je me plaing de Richart qui en la pes deu et le duc et es trieues que il mauoit donnees masailli en felonnie. et me fist ceste plaie et cest sanc. que ie mostre. et se il le noie. ie ou autre par moi qui fere le puisse et doie sui prest de fere lui reconnoistre en une hore de ior a l esgart de la cort. se l autre le noie et il offre a defendre. les gages en doiuent estre receus. et labataille menee si comme nos auon dit.

⸿ Se l en dit que les trieues ne furent pas donnees et que por plaie ou il n a pas peril de mort ne de mehaing ne doit pas bataille estre gagie. l apeleor demant le recort de la cort ou il die que les trieues furent donnees se il ne poet estre recorde la suite ne uaudra riens. et se il est recorde la bataille doit estre gagie et l amende prise de celui qui noia les trieues.

⸿ L en doit sauoir que puis que la clamor est fete ou que la bataille est gagie en toutes suites de felonnie. l en poet parler de pes et fere la par lecongie a la iustise. et en tous contens iusqu atant que labataille soit menee a fin fors sans plus en suite de traison et de larrecin en quoi la costume de Normendie ne soefre que l en parout en nule maniere de pes puis que batailles sunt gagies. quer qui de traison ou de larrecin prent loier ou le donne il mostre bien que il n est pas quite de tex crimes.

⸿ Et qui sans congie de la iustise tretera de la pes ou la fera en cause criminal il lamendera griement a la iustise et quant que il en aura fet ou tretie ne uaudra riens.

⸿ Et si doit l en sauoir que en toutes causes criminax de quoi bataille est gagie. et l apeleor et le defendeor doiuent estre gardez en la prison leduc. et se l apeleor donne bons pleges qui le pregnent en garde et le rendent au ior qui est assigne ou mort ou uif il lor poet bien estre baillie agarder. et ce apele l en uiue prison au duc de Normendie.

⸿ Cels qui le prenent en garde sunt tenus a rendre le au ior qui lor est assigne ou mort ou vif sans essoignes et sans delai autresi comme legaolier le rendist se il fust en sa garde. et se il ne le rendent ille doiuent griement amender par lechatel. et se il est ale en tel lieu que il ne lepuissent en nule maniere rendre a la iustise ne auoir il doiuent estre en tel peine comme le conseil de l assise dira. et celui qui est fuitif doit estre apele a l assise si com il doit. se il ne uient auant le iugement il est aussi comme ueincu et doit estre forbani. et se il se rent a la iustise ancies que il soit forbani. l en en doit fere autresi comme se il fust briseor de la prison le duc et s en fust fui.

⸿ De toute la force et de touz les meffez que l en fet a celui que la iustise a mis en prison apartient il a lui diligealment a enquerre. et autresi des meffez que il a fet a autres. que cels a qui il fu baillie a garder sunt tenus a espeneir griement o lui. et se il en est ataint il ne doit ia puis estre mis en uiue prison se il plest a la iustise.

⸿ Le defendeor poet estre mis en uiue prison et ce qui a este dit de la uiue prison a l apeleor doit l en entendre de cele au defendeor. quer ceste maniere de uiue prison fu trouee par lardant malice de conuoitise par l ancienne maniere de Normendie qui fu establie por garder la pes et por eschiuer les perilx.

⸿ Nul qui suist ne qui fust sui de cause criminal ne peust en nule maniere eissir de la prison le duc iusques atant que la cause fust finee sollempnement.

⸿ Se il sunt en prison la iustise lor doit trouer mestre qui les aprengne. et armes et les autres choses qui mestier lor ont. et il sunt tenus a tout paier.

⸿ L en doit sauoir que l en ne poet suirre de meffet qui dedens l an et le ior nait este mostre a la iustise de quoi clamor nait este fete si comme ele doit. M es de muldre poet l en suirre quant certains signes en sunt mostres par loial tesmoing du pais par quo i l en sache certainement que le muldre ait este fait.

De suite de femmes. lxxiii.

F emmes ne doiuent pas estre receues a suirre causes criminalx ne a defendre les. mes les hommes poent suirre de meffez qui ont este fez alor femmes en toz les cas que nos auon dit pardeuant et defendre les se eles en sunt apelees. et se il ne les ueolent defendre por tant que l en sache certainement queles ensoient coupables eles doiuent estre gardees en forte prison iusques a i an et i ior autresi comme nos auon dit des hommes. et ce meisme doit l en entendre des hommes qui sunt acuses contre les femmes.

⸿ Jadis quant femmes estoient acusees de crime et eles n auoient qui les defendist eles s espurioient par iuise et les hommes par eue ou par iuise quant la iustise ou femmes les suioient de causes criminax.

⸿ Et por ce sainte yglise a oste tex choses nos uson souent d enqueste.

⸿ De femme contre femme en cause criminal doit l en fere enqueste ou l en doit fere si grant iustise de cele qui est malrenommee comme nos auon dit deuant des hommes qui en sunt mal renommes.

De femmes ueoues et d orfelins. lxxiiii.

P or ce que le duc de Normendie par lart de charite rechut ancienement en sa garde et en sa protection les femmes ueouues et les orfelins por ce que lor fragilites ne lor lesse auoir autre defendeor. le baillif doit fere aspre iustise des meffes qui lor sunt fes. et de cels que eles font as autres si comme la deserte le requiert iusqu atant que la uerite en puisse estre esclerie par d enqueste du pais.

De forsenes lxxv.

S e aucun est hors du sens et il ocit ou mehaigne i homme par la forsenerie il doit estre tenuen prison a tout iors et estre iluec sostenu du suen. oulen li doit poruoier sa uie de quemunes aumosnes. se aucun est en tel maniere forsene que l en le doie douter de sa forsenerie que il ne trouble le pais ou par feu ou par aucune chose qui soit contraire au commun salu il doit estre garde et lie par cels qui ont ses choses que il ne mefface a nului. et se il n a riens tout le uisne i doit metre conseil et aide du suen a refrener sa forsenerie.

De dampnes. lxxvi

T ous cels qui rechetent les dampnes si comme les forsiures et les forbanis et cels qui se defuient deuenir a la pes au prince qui ont este apeles en assises se il sunt malrenom mes de receter les. ildoiuent estre mis en la prison le duc jusque a j an et j ior se il noffrent a atendre en d enqueste du pais. etse il lauolent atendre il doiuent estre deliures par bons pleges. et ior lor doit estre mis d auoir d enqueste se il ne sunt auant atains en autre maniere ou pris. ou fuitis. et se l en treoue par l enqueste que il n en soient coupables l en les doit lessier en pes els et lor choses. et se els en sunt troues coupables il doiuent perdre par droit tout lor moeble a lauolente au duc ou au baillif.

⸿ Se il nont moeble. il doiuent estre chasties par longue tenue en prison. et se l enqueste le met en non sauoir. se la iustise les uelt plus suirre il s en poet esporgier par loi de deraisne. les consentans as larrons en lor larrecin. et cels qui les recetent doiuent estre espeneis en autre maniere. quer se il en sunt atainz il seolent en Normendie porter autrecel peine comme les larrons meisme. et autresi les parchonniers et les consentans de lor meffez

De lois lxxvij.

L en doit sauoir que il i a un tens en quoi loi ne doit pas estre fete ne simple ne aparte. Ce sunt en tous les tens que mariage ne poet assembler. sainte yglise defent les lois appareissans tous les iors de la trieue de sainte yglise cest du ieosdi nonne iusques au lundi au matin au soleil leuant. et toutes les festes de ix lechons et les iors de ieunes et les ieunes des iiii tens. et la feste de la dedication de l iglise en qui parroisse la bataille doit estre fete.

De fuitis. lxxviij.

S e aucun dampne ou fuitif senfuit a l iglise ou au cimentiere ou il saiert a la crois qui sort fichie en terre la laie iustise le doit lessier en pes par le priuilege de sainte yglise. si que ele ne metemain en lui. M es la iustise poet metre gardes que il ne s en fuie d ilueques. et se il ne uelt dedens ix iors rendre soi a la laie iustise ou foriurer normendie. la iustise ne souferra d ilueques en auant que l en li aport que mengier a sostenir sa uie deuant que il soit rendu a lui ou a ordener en selon la desserte ou deuant que il offre a foriurer le pais que il forjurera en ceste forme8. il tendra ses mains sus les euuangiles. et iurera que il se partira de Normendie que iames ni reuendra et que il ne fera nul mal au pais ni as gens por chose qui soit passee ne ne lor porchacera ne par lui ne par autre. et que il en une uile ne gerra que une nuit. tant que il soit hors de Normendie ne ne retornera pas ains ira tous iors auant. et que il commencera maintenant a aler s en. et si doit dire quel part il uoudra aler. si li taillera l en ses ior nees selon la longor de la uoie. et selon sa for ce et selon sa uigor.

⸿ Et se il est troue en normendie puis que le terme que l en li dorra sera passe. ou se il retorne une lieue arriere il portera son iugement o soi. quer des ce que il sera contre s en serement a le. sainte iglise ne li deura puis aidier.

De clers et de persones de sainte yglise. lxxix

N ul clerc ne nule persone de sainte yglise ne nule persone relegiose. ne doit estre pris ne arreste se il n est pris a present meffet ou se il n est suy a harou. et lors doit il estre rendu a sainte yglise se ele le requiert et se il reconnoist en la cort de sainte yglise le meffet donc il est suy et il en est ataint. il doit estre despose de toutes ordres et de tous priuileges a clerc et chacie hors du pais comme essillie por tant que le meffet soit tel que homme en deust perdre uie ou membre. Jtex persones sunt quites de pledier en cort laie. fors por tant de ce qui apartient a fieu lai.

De segnors et de lor hommes iiii xx.

L en doit sauoir que nul ne poet apeler son segnor de felonnie a qui il a fet hommage ne le segnor son homme par la foi de lommage. quer l un doit garder l autre. M es se le segnor uelt suirre son homme il conuient que il li rende son hommage ains que il offre gage d apeler le et l omme autresi. et se le segnor enchiet. l omme ne tendra iames de lui la terre que il tenoit ains la tendra nuement du segnor qui est pardesus. et l en fera ce que son segnor l en fesoit. et se l omme est ueincu la terre remaindra qui te au segnor.

De simple querele. iiii xx. et i

O r diron de simple querele personel que l en apele simple por ce que ele doit estre terminee par simple loi qui a non deresne. Deresne est espurge de quoi aucun est querele qui est fete par son serement et par celi a cels qui li aident. et por ce que les unes des quereles sunt de fes et les autres de dis. nos diron premierement de celes de fes.

⸿ Simple querele personel de fet est contens qui est meu entre les pledeors deuant la iustise du fet qui fu fet a celui qui se plaint en ceste maniere.

⸿ Je me plaing de Thomas qui me feri de sa palme en la joe. et le tesmoing doit maintenant dire cest uoir. ie le ui et loi et prest sui de fere l esgart de la cort.

⸿ Tout tesmoing en cort laie doit porter tesmoing de ce que il a ueu et oi. et si n est pas son tesmoing soufisant se il noffre a fere l esgart de la cort.

⸿ Apres ce est tenu l autre a respondre et aura congie de consellier soi se il le demande. et quant il sera consellie. il doit noier le fet donc il est accuse et offrir le a deresnier en ceste forme.

⸿ Tel meffet ne fis ie onques. et se celui qui tesmoing se fet ne le uit ne oi. ie sui prest de deresnier men et si doit baillier son gage de deresnier sen. et la iustise le recheura et prendra pleges de fere la deresne au ior qui est mis.

⸿ En tel deresne poet auoir une essoigne et une defaute sans plus.

De simple lois. iiii xx. et ii

A u ior qui est mis doiuent les parties uenir a cort. et la loi doit estre recordee par la iustise des paroles donc ele fu gagie. lors doit celui qui est querele uenir as sains et estendre la main desus et iurer. et la iustise ou autre por lui li doit escharir la loi en ceste forme. Ce oies tu. N. que ie tel meffet ne te fis. ne ton tesmoing ne le uit n en oi. si m ait dex et ces sains.

⸿ Lors se doit leuer du serement et cels qui li aideront la loi a fere doiuent uenir as sains sans apeler. et se doiuent tere iusqu atant que la loi soit parfete. et doiuent iurer en ceste forme.

⸿ Du serement que Thomas a iure sauf serement a iure si m ait dex et ces sains.

⸿ Quant chascun de cels qui li aident auront fet cel serement il sera deliure par cele deresne. et celui qui se plaint sera en amende.

⸿ En telx plais doit l en sauoir que se le tesmoing ne dit que il l ait ueu. son tesmoing ne ualt riens. ou se il ne dit que il est prest de fere l esgart de la cort.

⸿ Et si doit l en sauoir que se celui qui fet la deresne lesse les paroles qui li sunt escharies ou il les change. sa deresne ne ualt rien. et se aucun de cels qui li aident ifaut ou lesse ou change les paroles qui li sunt escharies ou se il les conuient apeler a la deresne ou contraindre ou atraire. la deresne ne ualt riens.

⸿ Et si doit l en sauoir que selon la diuersite des persones conuient il auoir plus ou meins aides aderesnier soi.

⸿ Entre cels qui sunt per ou ueisin poet estre fete deresne soi tierce main. Mes enuers son segnor se conuient il deresnier soi sieste main en la cort son segnor. mes en plus haute cort se deresnera il uers son segnor soi tierce main. et le segnor uers son homme. quer il pledent par per. uers le seriant le roi se doit l en deresnier soi quinte main par ce que nos auon dit apert il que aueigles ne sours ne poent porter tesmoing. femmes ne poent pas ne ne doiuent estre receues a tesmoing porter ne persones loeices ne persones iointes si comme sunt le pere et le fix et le frere qui se tiegnent de si prouchain lignage. ne cels qui sunt en nonaage.

⸿ Tous cels qui sunt atains de par iure ou de foi mentie ou de faus tesmoing. et cels qui ont este ueincus en champ et toz les mescreans et cels qui sunt de male re nommee ne doiuent pas estre receus a porter tesmoing ne a aidier a deresne fere. et se il sunt amenez a tesmoing ou a deresne fere le tesmoing ou la deresne en est faussee portant que la partie por qui il uendront ne les ost.

⸿ Et si doit l en sauoir que ces simples quereles ne demandent pas xv iors de terme a respondre. mes a cel ior que l en iuendra il conuendra respondre. et si doit l en sauoir que puis que response est fete en cort se aucunes des persones se defaut ele est condampnee. ⸿ L en doit sauoir que nul ne doit estre contraint de fere loi por simple bateure que il ait fet a son seriant ne a son fix ne a son neuou ne a nul qui soit de la mesnie ne a sa fille ne a sa femme. quer l en doit entendre que il fet por chastier les.

⸿ Se celui qui est querele enchiet de la loi que il a gagie il doit amender le meffet a celui a qui il la fet. d un coup de paume v s. d un coup de poing xii d. d abatre a terre que l en apele caable xviii s. de plaie et de sanc. xxx vi s.

⸿ Ces amendes sunt deues en simples quereles et entre simple persones.

⸿ Des persones autentiques si comme de cels qui tienent franches serianteries ou qui deseruent lor fieux par seruises darmes doit l en autrement entendre. quer en ces quereles les amendes doiuent estre fetes par les armes et par le hernois donc il seruent.

⸿ Se aucun est ataint de tel querele contre cheualiers il le doit amender par plenie res armes. ce est par cheual et par le hauberc. et par lescu et par l espee et par le heaume. se celui a qui le meffet fu fet n est pas chevalier ne il n a pas fieu de hauberc. mes il desert son fieu par plaines armes. l amende li doit estre fete par i roncin et par i gamboison. et par i chapel et par une lance. et doit l en sauoir que de toutes tex gens qui deseruent lor fiex par seruises darmes telx paies lor doiuent estre fetes par tex armes com il doiuent porter arriereban le duc ou a aquiter lor fiex.

⸿ De l amende au segnor en qui cort l en plede de telx quereles doit l en sauoir que il en poet auoir xviii s. d amende.

⸿ L en selt user anciennement en Normendie que l amende de la cort ne doit pas gregnor estre que cele a celui a qui le meffet fu fet. les concordes et tex manieres de fins apartienent a la iustise a ordoner les amendes selon laesement des persones et selon la deserte.

De quereles personel de dit. iiii xx. et iii

N os auon dit de quereles personelx qui nessent de fet or diron de celes qui nessent de dit telx quereles nessent de ledenges que les uns dient as autres.

⸿ Et por ce doit l en sauoir que unes ledenges sunt criminals et autres simples.

⸿ Ledenges criminalx sunt de quoi homme auroit deserui aperdre uie ou membre se ce estoit uoir que l en dit. si comme se aucun reproche a autre larrecin ou homicide ou aucun crime de quoi il eust deserui mort ou a estre dampne. et por ce doit l en sauoir que se plainte est fete de ledenge et celui qui en est querele le connoist ou il en est ataint la iustise li doit fere griement espeneir par le chatel. et si le doit fere amender a celui que il a ledengie si que il se pregne pas le bout del nes. et die. de ce donc ie tapelai homicide ou de ce que il est ataint ie menti. quer tel crime n est pas en toi et de la bouche donc ie le dis ie menti. ce doit estre fet en assise ou es ples ou en l iglise a ior sollempnel si que il apere que le uice qui li fu mis sus n est pas en lui que il dist par sa folie por ce que celui qui li dist se reconnoisse amenchongier.

⸿ En simples quereles de ledenges se celui qui les dit en est ataint il le doit amender a la iustise. et a celui que il ledenga et il doit dire simplement. la uilanie n est pas en lui que il dist par sa folie.

⸿ Len doit sauoir que se aucun dit a autre laidenge criminal et il le reconnoist et est prest de prouer le il le porra bien prover. se la querele est tele que ele doie apartenir a lui si comme docirre son pere ou son frere. ou de larrecin qui li ait este fet. ou d aucune tel chose de quoi il soit le plus prouchain a suirre si comme nos mostrames deuant quant nos tretasmes de quereles criminaux.

De querele de possession iiii xx. et iiii

O r conuient uoier de querele de possession.

⸿ L en doit sauoir que les unes quereles de possession sunt de moebles les autres de terres. les unes simples les autres appareissans.

⸿ Querele de moeble est quant il a contens entre aucuns por aucune possession mouable. si comme se thommas demande a pierres xii d. que il li doit.

⸿ Nos apelon moeble toute possession qui poet estre remuee de lieu a autre. et toute tel possession est apelee communement chatel. si comme boef. asne. or et argent. et tex choses

⸿ Nos apelon tex choses non moebles qui ne poent estre remuees de lieu a autre. si comme i champ i pre. et tous fons de terres qui sunt communement apeles fieux.

⸿ L en apele simples quereles de possession qui sunt terminees par simples lois. quereles appareissans sunt terminees par loi appareissant ou par bataille ou par l enqueste du pais que nos apelon reconnoissant. V oion donc premierement de querele de moeble.

⸿ Querele de moeble est contens qui est meu entre aucuns pardeuant la iustise por aucune possession mouable en ceste forme.

⸿ Thommas se plaint de pierres qui a tort li deforce son asne et le tesmoing le doit tesmoigner si comme nos deismes deuant.

⸿ De tex quereles les unes sunt de detes les autres de choses adirees les autres de damage fet. les autres de pramesse. les autres de chose colue. les autres de deresnement. les autres de larrecin. D e totes ces quereles les unes sunt simples les autres appareissans. ⸿ Et por ce doit l en sauoir que toute querele qui est meue en cort de moeble qui ne passe la ualue de x s. est terminee par simple loi. mes se ele passe x s. ele est terminee par loi appareissant.

De querele de dete mouable iiii xx. et v

Q uerele de dete est fete quant aucun se plaint de moeble de quoi un autre est obligie a lui.

⸿ Totes les quereles sunt de dete. en quoi il a aucune chose par quoi l un est obligie a l autre.

⸿ Les unes de ces quere les n essent de conuenant les autres de prest les autres d estrangement.

⸿ Quereles uienent de prest totes les fois que il a contens entre aucuns de chose prestee. si comme tu me dois x s. que ie te prestai. et si doit l en sauoir que ceste querele est muee selon ce que les detes uienent de diuerses manieres. les uns des detors sunt tenus por soi en ce que il emprunte si comme est l essample que nos deismes auant et ceste querele est de dete por soi les autres sunt detors por autrui. si comme Thomas est detor por son pere ou por son autre anceisor de qui il a leritage. ⸿ Et si doit l en sauoir que nul n est tenu a respondre de la dete a son anceisor de plus uaillant que ce que il tient de son heritage.

De detor por autrui. iiii xx. et vi

L es uns de cels qui sunt detors por autrui sunt par soi. et les autres par auenture.

⸿ Celui est detor par soi por autrui qui de la dete a autrui s establist principal detor. si comme se Richart s oblige por Thomas enuers. N. a paier x s. l en dit que Richart est par soi detor por autrui por ce que il octroia que il paieroit la dete por lui.

⸿ De ces quereles sunt les unes de pleuine qui retient la dete. simple pleuine est fete en ceste forme. Je pleuis Richart que il te rendra x s. a noel. ⸿ En simple pleuine doit l en saueir que quant celui qui est plege est mort la pleuine muert. quer simple pleuine ne sestent pas iusqu au oirs.

⸿ L en doit savoir que de simple pleuine n est nul ne ne poet estre mene aloi appareissant. ains sepoet deliurer par simple loi se recort ou chartre ne porte tesmoig contre lui.

⸿ Le plege qui est troue en cort est tenu a reconnoistre la pleuine ou a noier la. se il connoist que il ait este plege il gagera la dete et aura terme de paier la. ou d auoir le detor a cort por fere ce que droit sera. se le detor uient au terme et il dit que il doie la dete pait la ou ses nans qui uaillent la dete soient baillies por le plege. ⸿ Se il n a de quoi la dete puisse estre paiee. le plege la pait toute. ou le remanant que le detor ne porra paier. ou ses nans soient baillies por la dete. mes se il ne sunt desgagies dedens ce il les doit uendre par lecommandement a la iustise pardeuant prodes hom mes et creables autresi bien et autresi loiau ment comme se il fussent suens et retenir en sa dete et rendre le sorplus a celui por qui les gages estoient tenus. et ce doit estre entendu de toutes autres choses qui sunt uendues por autrui.

⸿ L en doit sauoir que se le detor noie que il ne le mist pas en plege et le plege a ia paie la dete. le detor s en porra deresnier par une simple loi portant que reconnoissant ou plus forte loi ne soit encontre.

⸿ Et si doit l en sauoir que tous cels qui tienent par hommage sunt tenus a pleuir lor segnor de toutes detes.

⸿ Mes il ne sunt pas tenus a plegier lor segnor de plus que la rente et les seruises que il li doiuent ualent par an. son cors sunt il tenus a plegier se il est en prison et a plegier le de suirre ses clamors et ses amendes. et a plegier ses nans se il sunt pris. et ce doit estre entendu se il sunt present la ou il a mestier de metre pleges.

⸿ Reseans sunt tenus a plegier lor segnor par la uisconte a ses despens. et il est tenu a garantir les que il n aient damage. et se il les lesse encorre de la peine. il ne seront pas puis tenus a plegier le deuant que il lor ait fet gre de cele pleuine et de lor de pers.

De pleges. iiii xx. et vii.

L en doit sauoir que la pleuine retient la dete quant aucun s establist plege d aucune chose deue si que il soblige comme detor et en est dete et plege et en deliure celui qui le plege.

⸿ Et por ce doit l en sauoir que quant cel plege muert ses heirs ne sunt pas quites de la dete. ains sunt tenus a rendre la. quer des ce que il s establist por detor trespasse la dete a lui.

⸿ Dauenture d aucun detor por autrui quant l eritage ou le chatel au mort li eschiet par quoi il est tenu a paier ses detes. si comme le fix qui a l eritage au pere.

⸿ Les executors qui ont les chatex as mors et tous cels qui reconnoissent sor soi a procurer autrui besoignes.

⸿ Cels ne sunt pas tenus a respondre de detes au mort se il ne sunt semons a certain ior et a certain lieu ains ont terme de noier la dete ou de connoistre. cels ne se poent pas deresnier de la dete qui ne moet pas de lor fet. quer nul ne poet autri fet prouer. mes celui qui demande doit prouer sa dete.

De quereles iiii xx. et viii

L es unes de ces quereles nessent de conuenant et les autres de choses retenues.

⸿ De conuenant si comme ie di tu me dois x s. por une meson que ie te fis que tu me prameis por ce. querele de chose retenue est si comme ie di tu me dois x s. que tu as receu por moi ou de moi que tu me dois por ce que tu les receus et les enconuenanchas a rendre.

⸿ Toute tele querele est donc de dete ou de rechete. D e chose de dete si comme nos auon dit auant. conuenant qui est fet auant de rechete de chose obligiee s establissent et obligent les receueors comme detors. ⸿ Nul n est establi detor por pramesse. se il n a droite cause de prametre.

⸿ Nul n est tenu apaier riens que il ait pramis a fere uilaine chose. ne celui qui le demande ne doit pas estre sostenu ains le doit espeneir.

⸿ Nul n est detor por pramesse se l en ne mostre por quoi la pramesse fu fete.

⸿ Il conuient donques uoier qui est querele de tex choses et comment. Toutes persones laies en poent estre quereles. esceptes les chatex as mors et les mariages. et les chatex as pelerins qui sunt en sollempnel pelerinage.

⸿ Sollempnes pelerinages sunt quant les pelerins se partent de lor yglises o la crois et o l eue beneete. et sunt conueez hors de lor parroisse por aler outremer ou a romme ou a saint iaque. ou en autre pelerinage par general croiserie. et autresi les croisies ont le priuilege de la crois i an et i ior. et cels qui sunt en nonaage sunt quites de ces quereles por ce que il nont pas encore discretion. quer l en ne doit pas a tex gens fere marchie sans pleges. ne il ne sunt en laie cort destreint apaier les detes a lor anceisors deuant qu il uiegnent en aage.

De possession immoeble. iiii xx. et. ix

N os auon dit de possession mouable et des quereles que en nessent. or diron de possession qui n est pas mouable.

⸿ Possession qui n est pas mouable est apelee fieu ou heritage que aucun porsiet qui ne poet estre meu de son lieu.

⸿ Les quereles de possessions qui ne sunt pas mouables nessent quant contens est meu pardeuant la iustise de tort fet qui est fet par la reson du fieu et por ce que eles nessent de diuerses lois de cort laie.

⸿ Il i a une deresne d anceisor et autre de dessesine et autre de mariage encombre et autre de doaire et autre descheance et autre de presentement diglise. et autre de fieu et d aumosne. et autre de fieu et de gage. et autre de fie et de ferme. et autre de lignage noie. et autre de sordemande. et autre destablie. et autre d eritage. et por ce que il ont diuers commencemens et sunt menees en diuerses manieres diuerses lois sunt establies a terminer les.

⸿ Les princes de Normendie les establirent por les orfelins et por les ueoues femmes et por les autres qui sunt sans conseil que il ne perdissent lor droiture par la malice des plus puissans. que les unes de ces quereles sunt finees par brief. ce funt toutes celes qui sunt nommees deuant fors d eritage deforcie qui doit estre finee par bataille.

De quereles fieufaux. iiii xx. et x

L en doit sauoir que les unes de quereles fiefaux sunt terminees par enqueste les autres par loi de deresne. N os diron premierement de d enqueste.

⸿ Et por ce conuient il uoier quest enqueste. et par quoi et comment ele doit estre fete.

⸿ Enqueste est reconnoissant de uerite de la chose de quoi le contens est par le serement de xii hommes chevaliers ou autres creables qui par droit ne soient sopechonous ne a l une partie ne a l autre. donc apert il que nul ne doie estre receu a enqueste fere qui en doie estre oste par aucune reson de sopechon et si doit estre en assise por auoir recort.

⸿ Toutes les persones qui sunt malrenommees par par iure ou par faus tesmoing

qucdvc ou par autre uilain meffet doiuent estre oste de toutes enquestes.

⸿ Il i a unes enquestes de quereles personelx et autres de quereles possessionelx. des personelx auon nos dit deuant. D es possessions doit l en sauoir que les unes sunt de moebles les autres de choses qui ne sunt pas mouables. et por ce que nos auon dit d enqueste de moebles nos diron de choses qui ne sunt pas moebles.

⸿ L en doit sauoir que les unes enquestes sunt destablissement les autres de droit.

⸿ Celes sunt de droit qui suelent estre fetes par iugement de sages hommes et par costume gardee de lonc tens. reson comment. se aucun demande a son frere partie d eritage et l autre li fet exception et dit que il ont terre. et c s. por sa partie donc il se tint apaie que il est prest de prouer se il le noie. et celui qui demande respont que il nont onques riens de l eritage de quoi il est prest de sostenir lenqueste. enqueste en doit estre fete par costume.

⸿ Destablissement sunt fetes toutes les enquestes de quoi la matiere est contenue el brief donc nos parlames un poi deuant. et ces enquestes qui corent par brief sunt apeles reconnoissans entre les autres. nos diron primierement de cel reconnoissant qui est fet par brief de nouele dessesine.

De brief de nouele dessesine. iiij xx. et xi

L en doit sauoir que brief de nouele dessesine est establi par ces paroles.

⸿ Commande a Richart que a droit et sans delai resesisse Guillaume d une terre qui est au pont leuesque. dont il la dessesi a tort et sans iugement puis le desraain aost deuant cestui. et se il ne le fet semon le reconnoissant du uisne que il soit as primieres assises de labaillie. et fai dedens ce uoier la terre et prindre en la main le roi a la ueue.

⸿ Cest brief doit estre enuoie au seriant de l espee qui est en la baillie. et quant il l aura receu il doit asseer a celui qui se plaint ior detenir la ueue. et il doit semondre l autre partie por la ueue sostenir jusques a xx hommes des plus prouchains de la terre et des miex creables qui ne soient pas soupechonous n a l une partie n a l autre ne parent. et si doiuent estre telx que l en croie que il sachent la uerite des quereles. et pardeuant els doit la terre estre arrestee en la main au prince. uiegne ou ne uiegne l autre partie ele ne doit estre mise hors de la main au prince deuant que la querele soit finee.

⸿ Et se aucun de celx qui pledent imet main dedens ce. le cors de lui doit estre pris et retenu iusque tant que il l ait amende auenamment. et rendu ce qui a este empoirie par son fet.

⸿ Saucun uient dedens ce a la iustise de cele terre el tens que ele est arrestee en la main au prince. ior li doit estre mis as assises a quoi les autres qui pledent de la sesine sunt aiornes. et quant le reconnoissant sera coru et la sesine sera rendue a celui qui la gaaignera. lors sera ueue assise a celui qui derraainement requist lassesine. et cele enqueste sera fete a sauoir mon se celui qui ore la requiert en estoit sesi el tens que ele fu prise en la main au prince por les contens de la dessesine de celui qui estoit sesi.

⸿ Et se lenqueste dit que il enfust sesi. lasesine li sera rendue maintenant. et l autre l amendera. ⸿ Et se d enqueste dit autrement. celui qui la requiert a garantira.

⸿ L en doit sauoir que en telx quereles ne doit auoir que une essoigne et une defaute. et si doiuent estre aportees a l assise.

⸿ Se aucune des parties ne uient pas a la ueue qui est assise. sa defaute doit estre aportee a l assise plus proceine. et commandera l en que il soit iustisie por sa defaute. et se il ne uient a l autre assise ou il ne si fet essoignier l en commanddera que la ueue soit tenue et sera ior assis a tenir la por ce que il sest ia defailli ii fois que il ne poet fere. si doit la ueue estre tenue uiegne ou ne uiegne. et le reconnoissant doit estre termine a l autre assise. se il uient a l assise il ara ior de ueue. se il se defaute. a defaute sera raportee a l assise. et donc ira l en auant en la querele. si comme nos auon dit auant de ii defautes. se il se fet essoignier de uoie de cort. l essoigneor aura ior d auoir le a l autre assise. et a icele uiegne ou ne uiegne l en ira auant en la querele. quer tel querele ne poet plus estre porloignie.

⸿ Les defautes doiuent estre amendees et les essoignes sauuees et amendees se il est present en la cort ains que le reconnoissant coure por la defaute qui est fete en tel querele. puis la ueue n est pas tenu le defaillant a perdre la sesine. ne l autre la suite se il se defaut. ains a garantiront par le chatel.

⸿ Et si doit l en sauoir que se le demandeor se defaut et l autre uient a cort il s en ira sans ior et la terre qui fu prise en la main au prince por la suite a celui qui ore sedefaut doit estre deliuree au defendeor.

⸿ Et est a sauoir que unes dessesines sunt de terre. les autres d erbage. les autres de rentes. les autres de faisances. les autres de seruises. donc les bries sunt diuersez selon les diuers termes que il sunt pris.

⸿ Des terres de quoi le fruit est cuilli en aost est fet le reconnoissant du derraain aost deuant cestui por ce que il en est dessesi en icestui qui en fu sesi en l autre. ou puis que la sesine des fruiz est receue en aost. einsi est il des pastures et des herbages.

⸿ Des rentes doit estre fet reconnoissant del derraain terme a quo i les rentes sunt deues deuant cest qui desraainement passa en quoi la dessesine est fete quant la rente est contretenue. si comme se le terme est de paier la rente a noel. l enqueste doit estre fete par brief del derraain noel deuant cestui et autresi doit l en fere des autres termes.

⸿ L en doit sauoir que unes sesines sunt renouelees tous les ans et sunt apelees sesines anuex si comme de terres qui sunt coutiuees dan en an. et des rentes qui chescun an sunt deues. les autres sunt plus tardiues. si comme les aides qui chescun an sunt paiees de tiers an en tiers an. de quoi enqueste doit estre fete saueir mon se celui qui se plaint de nouele dessesine en fu sesi au derraain terme deuant ce que ele fust cuillie.

⸿ Autresi est il des faisances et des seruises qui ne uienent pas dan en an. mes d auenture ou de grace. de grace. si comme le pasnage et les autres fruitages qui uienent par la grace de deu. non pas chascun an mes aucune fois a sostenir le poeple.

⸿ Dauenture eschient seruises si comme quant escluses depiechent ou quant il conuient renoueler fosses ou raparellier mesons et tex choses qui n auienent pas chascun an mes d auenture. por quoi l en demande les seruises acostumes a raparellier les. et se il sunt noiez le reconnoissant doit estre fet du derraain pasnage deuant cestui et de la desraaine fois que les escluses furent fetes ou les fosses raparellies sauoir mon se la sesine que l en demande ore en fu lor seue.

⸿ Et autresi doit l en sauoir de toutes les choses qui ne sunt pas fetes chescun an. mes quant la nature des choses le requiert ou auenture ia uient. D essesine de pasnage est fete quant il est contretenu et autresi des choses deuantdites. de quo i l en doit sauoir que se eles auienent et eles sunt contretenues. se celui qui les doit auoir se test que il ne les mostre a la iustise dedens l an et le ior que eles li suntcontretenues nul reconnoissant de nouele dessesine ne doit puis estre sostenu se les parties ne si assentent de lor gre.

De pelerins et de marcheans. iiii xx. et xii

D e cels qui en pelerinage ou outremer ou en loingtaingne marcheandise sunt alez doit l en sauoir que dedens l an et le ior de lor reuenue il aront le reconnoissant de lassesine que il auoit en l an et le ior que il partirentdu pais. et si doit l en sauoir que cel reconnoisne que il auoit en l an et le ior que il partirentdu pais. et si doit l en sauoir que cel reconnoissant ne doit pas estre mis en delai ne por crois ne por ost ains doit tous iors corre. et si deuon sauoir que a telx enquestes il ne conuient pas auoir cheualiers a ueues ne au serement du reconnoissant. mes quant que il apartient as ueues porra estre recorde sans cheualiers par la iustise qui tient les ueues. et par les xii hommes qui par aucune droite reson ne doiuent pas estre ostez de la iuree. ce doit estre entendu sainement. quer les ueues des baronnies ou des membres des baronnies ou les ueues de fieu de hauberc et de lor membres et de lor serianteries fieufaus qui entre oirs ne poent estre parties masles de quoi les oirs qui sunt de dens aage sunt en la garde lor segnor ne doiuent pas estre sostenues sans cheualiers por tant que l en truist chevaliers el uisne qui ne doient pas estre ostez de la iuree par droite reson.

De ueue et de tenir la. iiii xx. et xiii

A pres conuient uoier de la ueue comment ele doit estre as pas estre ostez de la iuree par droite reson. sise et tenue.

⸿ Veue est quant le plaintif mostre pardeuant la iustise la chose que il demande et pardeuant hommes loiaux qui ne doiuent pas estre ostez du reconnoissant par nule droite reson.

⸿ Veue doit estre assise par le seriant a certaine hore et a certain lieu. ilia diuerses hores en quoi l en soloit tenir ueues. cest a prime et au matin et en ce se doiuent les parties consentir. le seriant et cels qui doiuent estre asueues idoiuent uenir a soleil leuant et atendre iusques a prime se mestier en est. se la ueue fuassise au matin. et celui qui neuendra dedens prime doit estre tenu por defaillant. U n autre terme de ueue est a prime. et lors doiuent atendre iusqu a tierce se mestier en est.

⸿ Lautre est assise assise a tierce et lors doiuent atendre iusqu a nonne. l autre est assise a nonne. et lors doit l en atendre iusqu a uespres. ce est iusqu a la moitie du tens qui est entre nonne et le soleil couchant l autre ueue est a uespres. et lors doit l en atendre iusqu a soleil resconsant.

⸿ Qui as termes que nos auon nommes ne uendra as ueues selon ce que il seront assises il doit estre tenus por defaillant et amender le. et si doit l en saueir que le terme doit estre mis a l iglise dela parroisse oula ueue doit estre tenue ou a autre lieu qui soit nomme par propre non et soit plus pres de lachose qui doit estre ueue ou la ou les parties ou la iustise et cels qui doiuent uoier la chose sasembleront. et quant il seront assembles le seriant doit recorder la plainte qui est contenue el brief ou fere le liere.

⸿ Apres ce le plaintif doit moster la chose que il demande. et les bonnes de bout et de le quer n en ne poet gaaignier par ceste plainte fors ce de quoi les bonnes sunt mostrees et ce qui est dedens.

⸿ La chose ou la terre qui est mostree a la ueue ne doit estre rendue deuant que le plet soit fine.

⸿ Quant la chose est mostree le seriant doit commander a celui qui la tient que il ressesisse le plaintif si comme il est contenu el brief. et que que il en face il doit asseoir ior as parties as assises.

⸿ Et si doit l en sauoir que se celui qui tient delesse au plaintif la chose que il demande a la ueue et il delaie puis a la sesine ia soit ce que il ne mist pas main en la chose il est tenu a amender ce que il a tenu puis le commandement au seriant. quer des ce que il ne lalesse a la ueue il semble que il la contretient. et por ce commande l en que cels qui ont este a la ueue soient as assises que il ne lessent por nule rien qui ait este dite a laueue qui ne soit recordee par els se mestier en est. ou le reconnoissant soit tenu.

⸿ Quant la ueue aura este sostenue et le reconnoissant sera aiorne le brief doit estre leu en l assise pardeuant les parties. et quant il ert leu le baillif qui tient les assises ou autre por lui demanddera au plaintif se il uelt suirre son brief. se il dit que n en il il amendera sa fausse clamor. et autresi se il dit que il ne set. se il dit que il est prest de suirre le. l en demanddera a l autre se il le uelt sostenir le brief qui a este leu. se il dit que la ueue n a pas este sostenue de cest brief ne de ces paroles qui i sunt leues et que reconnoissant ne doit pas estre sostenu fors de ce qui est contenu el brief et qui a este recorde a la ueue. et que il n est pas tenu a sostenir le brief qui pas ne s acorde a la ueue. C este response doit estre terminee par le recort de cels qui furent a la ueue. se il dit que il ne uelt pas sostenir le brief. et que iames riens ne reclamera en la chose qui fu mostree a la ueue. l en doit enquerre se le plaintif fu dessesi par lui ne par son fet ne par autre por lui.

⸿ Queque il auiegne l en doit sauoir que nul ne poet uouchier garant en nule nouele dessesine.

⸿ Nos apelon garant celui qui est apele en cort a defendre la chose donc l en plede ou eschanger la.

⸿ Se il est troue coupable en aucune chose el contens de lassesine il lamendera au prince. et restorera o les autres damages de ce que il a eu si comme il porra miex estre esclairie par les iureors et la sesine remain dre au plaintif qui li sera reconneu par les iureors.

⸿ Se celui qui tient dit que il est prest de sostenir le reconnoissant lors doiuent les hommes estre apeles pardeuant les parties chescun par non a fere le serement. et lor nons seront mis es escriz de l assise. et les parties porront sauoir ce en quoi il troueront droite achaison. et le premier qui sera mis en escrit iurera en ceste forme.

⸿ Ce oies uos sire baillif que ie uerite uos dirai de ceste querele ne por riens nel lerai. si m ait dex et ces sains.

⸿ Le secont iurera en ceste forme. de la querele que Richart a iure. que il dira uoir de soi ie dirai uoir de moi si m ait dex et les sains. et les autres iureront touz.

⸿ Nul puis le serement ne doit parler priueement ne deuant le poeple o nul de cels qui ont iure fors le baillif qui lor commandera a uoir dire en ceste forme.

⸿ Reconnoissies uos par la foi et par la creance que uos auez en deu nostre segnor iesu crist et que uos receustes en baptesme et sus le serement que uos auez ia fet deuant nos si que se uos en mentes de riens ou en celes uerite les ames de uos en soient dampnees pardurablement. et les cors en aillent a honte sus terre.

⸿ Reconnoissies uos se Guillaume au derraain aost deuant cestui out la sesine de cele terre que il uos a mostree et comment illout et sauoir mon se Richart l en a dessesi puis icel terme et conuient que lors aillent les iurez au conseil et soient gardez par feel garde que lor uerite ne soit corrumpue par malin amonnestement.

⸿ Quant il seront conselliez il doiuent uenir arriere deuant le baillif en l assise et se il sunt touz a un la response doit estre fete par i d els. et se il ne sunt a un l en doit de chescun oir sa response. ⸿ Il dient que Guillaume out la sesine fieufal si com il a ferme et que Richart l en a dessesi. la sesine sera rendue a Guillaume. et Richart lamendera.

⸿ Apres l en doit enquerre maintenant par cels meimes les damages que Guillaume a eus par cele dessesine ou en herbages ou en autres issues de la terre qui a este ueue. et a lor dit rendra Richart a Guillaume la ualue queles ualussent se eles fussent uenues a lor droit tens. ⸿ Se les iureors dient que Guillaume n estoit pas sesi fiefaument mes de prest ou de gage ou par louage ou par aucune tel reson et il ne uelt rendre a Richart le fieu que il li requiert ia soit ce que le terme que il auoit estoit passe. la sesine remaindra a Richart. et Guillaume lamendera.

⸿ Se cels qui ont iure de cele sesine sunt non sachant du terme la sesine remaindra a celui qui tient. et le plaintif prouera se il uelt le terme que il ne sauoit pas.

⸿ En plet de nouele dessesine doit l en garder sus toutes choses la maniere de la sesine et comment ele estoit eue quer toute sesine ne doit pas estre rendue a celui qui la requiert. ⸿ Se aucun baille de son gre ou iugement a un autre la sesine que il a en fieu se il la requiert puis il ne lara pas.

⸿ Se aucun requiert sesine ou il est entre a force ou que il le rechut de celui qui riens ni auoit de fieu. se il est einsi reconneu tele sesine ne li doit pas estre rendue. quer l en doit hair toute sesine qui est prise a force ou en larrecin.

⸿ L en apele sesine a foce qui n est pas eu par nul droit mes contre droit. ou par force si com uns hons met hors un autre hors de sa meson ou de son champ ou d autre sesine par force et celui qui en fu mis hors la eue sans force. ceste sesine ne doit pas estre rendue se celui qui fist la force le requiert.

⸿ Sesine est eue par larrecin quant ele est ostee a celui qui lauoit sans son seu et a celee. si comme se le preuost ou la garde d aucune terre baille a un autre la sesine sans le seu a celui qui ele ert.

⸿ L en dit que tel sesine est eue en larrecin. et se le segnor l ara par force et celui qui la requiert par brief portant que il soit einsi reconneu ele ne doit pas estre rendue en tel cas. se la sesine est reconneue et la maniere de la sesine est mis en non saueir par les iureors. la sesine sera rendue au dessesi et autresi doit l en dire de la dessesine quer se la sesine estoit loial il est certaine chose que la dessesine est desloial.

⸿ Et si doit l en sauoir se aucun est dessesi par iugement. il ne porra pas rapeler sa sesine par brief ia soit ce par auenture que ele deust estre soue par droit. se le iugement n est auant desiugie.

⸿ Et si doit l en sa uoir que se aucun a gaaignie la sesine dune chose contre un autre. et celui qui la perdue imet plus la main le cors de lui doit estre pris et tenu tant que il ait restore le damage que il a eu par lui et que il ait amende a la cort le despit. et por ce que il est ale contre le iugement de la cort. autrement depecheroit l en chescun ior quant que seroit iugie en cort. et quant que est iugie en cort doit estre garde sans contredit tant que il soit rapele par plus haut iugement.

⸿ Se aucun est acuse daler contre le iugement de la cort et il die que il n a fet ne porchacie riens de ceste chose et il met pleges de sostenir en l enqueste il doit estre deliure lui et ses choses par bons pleges iusqu a tant que l assise soit en quoi d enqueste doit estre tenue. et se l en treoue lors que il ensoit coupables il lespeneira griement. par le chatel ou par le cors tenir en prison se il n a chatel soufisant a paier l amende et se l enqueste est que il ni ait copescelui qui l acusout le doit amender en cele meisme maniere.

De la defaute au plaintif. iiii xx. et. xiiii

L en doit sauoir que se le plaintif se defaut. l autre s en departira sans ior. et se le plaintif uelt plus pledier contre lui il le fera semondre de nouel et einsi renouelera le plet. et celui qui est querele se defaudra autresi comme se le plet fust lors a primes commencie.

⸿ Et por ce doit l en sauoir que le plaintif perdroit sa querele par sa defaute. se le tens en quoi l en se poet plaindre de nouele dessesine. ce est dedens i an et i ior passoit dedens ce quer dedens l an et le ior que li hons est dessesi s en doit il plaindre. quer la defaute au demandeor amende le plet que il moet et le fet remaindre.

⸿ L en doit sauoir que en plet de nouele dessesine ne poet nul uouchier garant quer l en ne doit pas soufrir que nul retiegne autre possession ne par soi ne par autre ne que il la trouble par autri fol hardement. et qui que le face ille doit amender.

De dessesine de femme eu derriere son mari. iiii xx. et xv

L en doit sauoir que se femme est dessesie tant comme son mari soit hors de la duchee de Normendie por tant que ele ait este sesie en derriere son mari ele doit estre oie par brief de nouele dessesine. et autresi se ele a dessesi aucun puis que son mari se departi du pais ele est tenue a respondre en derriere lui se il est hors de la duchee.

De lassesine d anceisor. iiii xx. et xvi.

N os diron apres de la sesine d anceisor qui doit estre tenue par brief en ceste forme.

⸿ Se tiebaut a donne pleges de suirre sa clamor semon le reconnoissant du uisne que il soit as premieres assises de la baillie a reconnoistre sauoir mon se Guillaume estoit sesi en cest an que il morut de la terre que nichole li deforce au pont audemer et sauoir mon se thommas est le plus prechain oir d auoir les escheances Guillaume la terre soit ueue dedens ce. et soit en pais.

⸿ Cest brief doit estre enuoie au seriant de l espee. qui doit au plaintif asseoir la ueue dedens la quinzaine. et semondre celui qui tient. et les iureors en certains lieus et a certaines hore. et doit arrester en la main le duc la terre ou la rente ou l autre chose que le plaintif mosterra uiegne celui qui tient ou non. ne ele ne doit iessir de la main au prince deuant que le reconnoissant soit coru.

⸿ Len doit fere en cest reconnoissant autresi comme nos auon dit de cel de nouele dessesine de quoi nos parlasmes deuant. ⸿ L en doit sauoir que nul qui ait sens ne aage n aura mie le reconnoissant par la costume du pais se il ne le prent dedens l an et le ior que la mort a l anceisor de qui il doit auoir la sesine sera seue communement.

⸿ Mes a celx qui en aage ne sunt ne nuist nule atente que il n aient cest reconnoissant. Cest reconnoissant apartient as plus procheins oirs qui ont la dignete d aisneece ou par els ou par lor anceisors. si comme les ainsnez et les filz des ainsnez. ⸿ L en doit sauoir que se aucun muert outremer ou a saint iaque ou en autre pelerinage ou en marcheandise hors de Normendie. dedens l an et le ior que la nouele de sa mort sera seue au lieu donc il parti ia soit ce que il morut lonc tens deuant. aura son oir le reconnoissant de la sesine que il auoit au ior et a lore que il parti du pais. et tant comme leir sera en non aage porra il auoir cest reconnoissant.

⸿ L en doit sauoir que le bastart ne cels qui sont en relegion ou il ont fet profession ne les enfans a cels qui sunt dampnes ne les dampnes ia soit ce que il soient les plus prochains du lignage ne poent riens reclamer de la sesine a lor anceisor. ne les meseax meimes si comme nos deismes auant el chapitre descheance d eritage.

⸿ En cest reconnoissant conuient garder se l anceisor estoit sesi. Aucun est dit sesi quant la sesine est eue ou par li ou par autre en son non ou a son besoing. par ce apert il que les fermiers et les preuos et les seneschalx et itex qui tienent les terres et en rechoiuent les iessues en autri non et a autre besoing se il est en sesine. en qui non et par qui auctorite il la tienent. quer l en doit sauoir que celui porsiet la chose par qui commandement et par qui actorite ele est tretie. de ce deismes nos deuant el brief de nouele dessesine.

De prechainnete d anceisor. xx iiij. et. xvij

I l conuient uoier que precheinete doit estre regardee a auoir les sesines as anceisors l ainsne fix est le plus prochein oir son pere. et cels qui descendent de lui. et quant cele lignie faut la seconde lignie est la plus prechaine. et einsi doit l en entendre des autres lignies et des femeles et des masles.

⸿ Et si doit l en sauoir que tant comme il n ia aucun de la premiere lignie soit masle on femmele nul qui soit de l autre ne doit auoir la sesine son anceisor. et neporquant une costume est amenee de nouel qui est contraire a l ancienne costume. quer se un homme a ii fix et l ainsne se marie et a enfans de sa femme et puis muert ancies que son pere quant le pere sera mort. le neuou qui est fix de l ainsne n aura pas la sesine de l eritage son aiel. mes les autres fix. ia soit ce que ceste costume n est gardee en nul autre cas puis que ele fu amenee auant par la force de puissans hommes. et le fix doit estre receu par procheinete de lignage a auoir toutes les autres sesines que son pere eust se il uesquist. fors en cest malues cas que nos auon dit en quoi le fix est plus pres d auoir la sesine son pere que le neuou qui est fix de l ainsne fix. et se ce sunt suers les enfans a l ainsnee qui muert ains que son pere auront la sesine lor aiel et lor aiele pardeuant lautre fille.

⸿ Se aucun demande la sesine a son anceisor et l en dit encontre que encore uit celui de qui il demande la sesine. sa mort doit estre prouee auant que enqueste en soit tenue et poet estre prouee par le tesmoing de ii hommes ou de iii prodesommes et creables qui dient par lor serement que il le uirent uif et mort ou par letres appareissantes de lordinerai et puis sera d enqueste tenue

⸿ a la ueue ne doit nul plet estre tenu mes la chose que l en demande doit estre mostree. se aucun dit encontre celui qui est en non aage. nos dison que celui est en non aage qui n a pas oncor acompli xxi an de son aage. que ia soit ce que son pere eust la sesine quant il mourut que il demande. ne por quant il ne la doit pas auoir por ce que le pere ne tenoit cele terre fors a sa uie ou a terme ou en tele maniere quele ne doit pas uenir apres lui a son oir.

⸿ Nos dison que l en doit enquerre en cest cas la maniere de la sesi ne de l anceisor et la uerite du deforcement quer les oirs ne doiuent auoir sesine de chose qui ne doie uenir a els par heritage. et ce doit estre garde en cels meismes qui ont aage. quer la maniere de tenir la chose la fet souuent uenir a autres que as oirs.

⸿ Se aucun tient autre fieu tant solement a sa uie. tele sesine ne descent pas a ses oirs.

De brief de mariage encombré iiii xx et xviii.

I l conuient apres uoier de brief de mariage encombre de quoi la deguerpie doit fere la clamor dedens l an et le ior apres la mort son mari qui l encombra. quer se ele lessoit passer l an et le ior l en ne l en respondoit iames par enqueste de brief.

⸿ L en dit que l omme encombre le mariage sa femme quant il fet en aucune maniere que ele en est hors de la sesine. neis se ele uendoit ou foriuroit se il n est gaaignie enuers lui par la loi debataille la sesine. neis se ele uendoit ou foriuroit se il n est gaaignie enuers lui par la loi debataille ou par lereconnoissant. quer se concorde en estoit fete la femme ne seroit pas tenue a garder la. quer se femme est en la poeste a l omme il poet poet fere sa uolente de lie et de ses choses et de son heritage. ne ele ne poet riens uendre tant comme il uiue ne encombrer en derriere de lui que il ne puisse rapeler. mes ele ne poet rapeler ce que il fet ne estre oie en lausence de son mari tant com il uiue. M es il doiuent estre oi ensemble de toutes les choses qui apartienent a icele.

⸿ I l i a un cas en quoi femme doit estre oie en derriere son mari. si comme se son mari la mehaigne ou li crieue les eux ou li bruise les bras ou il a acostume a tretier la uilainement. quer einsi ne doit l en pas femme chastier. et se femme est dessesie ou aucune chose li eschiet. tant comme son mari n est pas present que la demoree ne litoille l enqueste dedens l an et le ior si comme quant il est en pelerinage ou en lointaigne marcheandise ele doit estre oie ia soit ce que le mari n est pas present. mes se le mari est en la contree ele ne doit de riens estre oie sans lui.

⸿ L en doit sauoir que de mariage encombre doit le brief estre fet et corre en ceste forme. Se Mahieu. donne pleges de suirre sa clamor semon le reconnoissant que il soit as premieres assises de la baillie a reconnoistre sauoir mon se la terre que Richart li deforce est de son mariage ou heritage qui li soit escheu. et sauoir mon se Guillaume son mari qui morut en cest an li encombra et comment que la terre en cest an li encombra et comment que la tre soit ueue dedens ce et soit en pes.

⸿ Cestes ueues ont la maniere de nouele dessesine. Mes que garant ipoet estre uouchie. et celui qui est uouchie a garant poet uouchier l autre. et l autre le tiers. Mes le tiers qui est uouchie ne poet uouchier le quart. quer issi aloignereit trop le plait

⸿ Nul ne poet auoir la quarte essoigne neuochier le quart garant. ne nul qui soit fuitif ne se poet defuir iusqu a la quarte assise puis la ueue. et se il se defaut plus la sesine de la terre doit estre rendue a l autre partie.

⸿ Se aucun uent l eritage sa femme qui li soit eschaiet de ses anceisors ia soit ce que il n en out onques la sesine ele l aura dedens l an et le ior de la mort son mari. la sesine que il li encombra.

⸿ Se aucun rapele par la reson de sa femme terre qui soit uendue por ce que ele est plus prochaine du lignage a celui qui la uent se le mari la uent puis sa femme la porra rapeler empres sa mort comme mariage encombre. quer le mari ne poet pas rapeler la uente a son oes mes a sa femme. et por ce ne rapelera il pas a lui mes a sa femme.

⸿ Se aucun achate terre qui par heritage deust uenir a sa femme ou de quoi ele peust rapeler la uente por ce que ele est la plus prochaine du lignage. l achat ne remaindra pas a la femme. mes a l omme. et a ses oirs. quer il achata a soi. et ne lapela pas a sa femme. ⸿ L en doit sauoir que tant comme son mari uit la femme ne poet point auoir d eritage par achat ne par fieufement que il ne conuiegne as oirs son mari remaindre quant il sera mort.

⸿ Es achas d eritage que son mari fet n a la femme point de partie fors en borgage ou ele a lamoitie.

⸿ Se aucun heritage est donne a femme puis que ele est mariee ele le poet bien porseer.

⸿ Nule femme ne poet riens reclamer contre ses freres ne contre les oirs par reson d eritage fors sans plus ce qui li fu donne ou otroie en mariage si comme il porra estre proue par le recort du mariage. et se riens ne li fu donne ele n en porra riens reclamer par reson d eritage contre ses freres ne contre les oirs. Mes enuers suers seront eles pers.

⸿ Femmes ne poet clamer uers ses freres ne uers lor oirs plus que le tiers de l eritage. se il ia i frere ou ii ou une suer ou plus toutes les soers aront le tiers de l eritage tant solement. et se il ia iiii freres et une suer ele n aura pas gregnor partie que la partie a un des freres uaut. se cenest par lor consentement. et combien que il iait de suers. eles ne poent auoir par reson d eritage fors le tiers de l eritage.

⸿ Se il en ia une contre x freres ou contre plusors ou contre meins ele ne porra pas auoir gregnor partie que i des freres. se le pere a donne a ses filles plus que le tiers de son heritage les filx porront rapeler par l enqueste dedens l an et le ior que le pere sera mort.

⸿ Quant que les freres ou les oncles ou les neuous ou autre que pere ne mere dorront a femme en mariage doit estre garde fermement. et cels qui li donnent li doiuent garantir.

⸿ Le pere et la mere poent lor filles marier de lor chatel combien que il soient et donner a l une la partie de l eritage que toutes les autres peussent auoir ne les filx ni porront riens clamer.

⸿ Nul ne se poet plaindre que ses suers aient desauenant mariage. se il ne moet le plet dedens l an et le ior de la mort son pere qui li donna. ou dedens l an et le ior que il est uenu en aage.

⸿ Se les suers demandent a lor freres mariage et les freres les ueolent garder et marier auenamment il les auront en garde i an et i ior por marier les auenamment et lor troueront ce que mestier lor sera selon laiesement de lor heritage. et se eles poent prouer par le tesmoing de lor ueisins que ce soit en la defaute as freres que les ne sunt mariees eles auront lor partie de l eritage a marier soi si comme nos auon dit el chapitre des parties.

De doaire. iiij xx. et xix

N os auon dit de mariage qui est encombre et de la loi et des usages par quoi il doit estre rapele.

⸿ Il conuient uoier de doaire et de la loi et des usages par quoi contens qui n est de doaire doit estre fine.

⸿ L en doit sauoir que femme doit auoir par la costume de Normendie en doaire le tiers de tout le fieu que son mari auoit el tens que il l espousa. se le mari n estoit de riens sesi quant il l espousa quer son pere ou son aiel tenoit oncore tout le fieu. se il furent present au mariage ou li porchacierent et le uoudrent la femme aura apres la mort de son mari le tiers de tout le fieu que le pere ou l aiel son pere tenoient el tens que le mariage fu fet. S e il n auoient autres oirs ele aura son doaire de la partie qui afferoit a son mari.

⸿ Doaire doit estre fet apres la mort au pere ou a l aiel se ele est remese ueoue.

⸿ Se le pere ou l aiel ne s acorderent pas au mariage et le blasmerent ele n en portera apres la mort de son mari point de do aire fors de ce dont il estoit sesi quant il l espousa ou de ce qui puis li est escheu de son pere ou de son aiel. ⸿ L en doit sauoir que femme ne doit pas auoir en doaire que le tiers du fieu quel conuenant que il eust as espousailles. quer nul ne poet donner en doaire plus que le tiers de son heritage. et se il le fet quant que il en donne plus que le tiers doit estre rapele apres son deces.

⸿ Meins que le tiers poet auoir femme en doaire selon les conuenans des espousailles quer se la femme otroia as espousailles que ele fust doee de chatel ou d une piece de terre qui fu nommee ce li doit soufire apres la mort son mari. des que ele si consenti a receuire le por son doaire as espousailles. M es se il niout fet mention du doaire ou conuenant as espousailles ele ne porra recorre fors au tiers du fieu de quoi son mari estoit sesi quant il l espousa. ⸿ L en doit sauoir que femme ne poet auoir doaire ne partie de conquest que son mari ait fet puis que il l espousa fors de borgage dont ele aura la moitie. M es de doa i re ni aura ele point. et se le mari a parchonniers el tens que il se marie se il est encore sesi de tout le fieu la femme n aura point de doaire des parties a ses parchonniers nis seles reschient a son mari puis que il lor auroit fet partie. et se le mari muert ains que il lor ait fet les parties. et li tiers de tout le fieu est donne a la femme en doere qui l en fu fet. et aura doere tant solement de la partie son mari. et les parchonniers aront puis lor partie la femme perdra le doere quilen fu fet. et ara doere tant solement de la partie son mari et non pas des autres. que ele n en poet point auoir de doere. quer nul ne poet donner ne uendre ne fieufer ne baillier en doere riens de ce que il porsiet en non d autri fors de ce sans plus qui apartient a sa partie.

⸿ L en doit sauoir que femme n a point de doere de mari donc ele est departie ia soit ce que les enfans qui sunt nez d els soient tenus por loiaux. quer cele solement doit auoir doaire qui estoit o son mari quant il morut.

⸿ Se l omme muert apres ce que il a pris femme ains que il aient couchie en un liet. la femme n aura point de doere. quer au couchier ensemble gaaigne la femme le doere par la costume de Normendie.

⸿ Leir n est pas tenu a doer la femme son anceisor fors de ce que il tient. et se le mari a uendu de son fieu ou baillie la femme en poet demander doere a celi qui le tient. ⸿ Et si deuon saueir que garant poet estre uouchie en cest plet autresi comme el plet de mariage encombre.

⸿ En ij manieres poet femme demander son doaire enuers cels qui letienent. ou par brief de doere ou par recort. ⸿ Femme demande son doere par recort. ou femme demande son doere quant la matiere de la plainte est el brief contenue et est terminee par enqueste. brief de doere est fet en ceste forme.

⸿ Se Marie donne pleges de suirre sa clamor. semon lereconnoissant du uisne que il soient as primieres assises de la baillie a re connoistre sauoir mon se Nicholas son mari estoit sesi quant il l espousa d une terre qui est a ualoignes en maniere que il l en peust doer et deust de quoi

⸿ Guillaume li deforce son doere a tort si com ele dit. tenes dedens ce la ueue de la terre. et soit en pes.

⸿ Cele enqueste doit estre fete des paroles qui sunt contenues el brief si comme nos deimes el brief de nouele dessesine.

⸿ Apres ce doit estre fete l en queste de la sesine que le pere ou la mere ou la el ou l aiele au mari ala femme auoient el tens des espousailles et s il furent au mariage et li porchacierent et se cele sesine deuoit descendre au mari par heritage. apres le deces a cele gent poet la femme demander doere enuers cels qui le tienent. ia soit ce que le mari n en fu onques sesi en sa uie.

De recort de doaire. ⸿.

P ar le recort de cels qui furent as espousailles poet doere estre reclame ou defendu portant que le doere fust determine de chatel au mariage ou de certaine piece de terre. ⸿ En cest recort ne poent estre seonne ne les parens ne les amis a la femme. quer au mariage fere demande l en especiaument les parens et les amis. et ce que la gregnor partie dira portant que il iait vij tesmoins doit estre garde. Mes que il soient tous pris par serement que il diront voir. por ce dit l en que recort est racontement en cort de chose qui a este faite.

⸿ Il i a un recort de cort de roi. et autre d eschequier et autre d assise et autre de bataille. et i de veue. et i de panage. et i de mariage de quoi nos avon dit devant.

De recort de cort a roi. Ci.

R ecort de cort de roi est le recort de choses qui ont este fetes pardevant le roi.

⸿ Toutes les choses qui sunt fetes par devant le roi por tant que il iait i autre o lui. qui que il soit ont recort et cest recort poet il fere soi et autre. et se il ne le velt fere. il le poet fere fere par iiii autres. et tele persone ne poet estre seonnee ne a ce ne a autre chose. ⸿ Toutes les choses qui ont este fetes en droit pardevant lui doivent maintenant avoir pardurable fermete.

De recort d eschequier Cij

D e recort deschequi er doit au meins estre fet par vii persones creables a qui l en doit enioindre que il dient voir par lor serement que il ont fet au roi. et il li doivent otrier. et se il nont fet serement au roi il doivent iurer que il recorderont verite. et se les parties volent seonner aucun des recordeors il doivent estre oi et ce a lieu en tout recort de cors esceptee la persone le roi et cele au baillif fors en lor propre cause. ⸿ Cest recort poet estre en ii choses qui sunt fetes ou dites ou criees en eschequier.

De recort d assise. Ciii.

R ecort d assise doit estre fet en ceste maniere fors que le recort d eschequier doit estre tenu en eschequier. et celui d assise en assise.

De recort de bataille Ciiii

D e recort de bataille doit estre fet par vii hommes iures loiaus et creables en quiconques cort que la bataille ait este fete.

De recort de veue. cv.

R ecort de veue doit estre fet par iiii chevaliers et par le seriant et par vii leaux hommes si que chescun doit jurer quant l en plede por la propriete de la chose. M es la veue fu de dessesine ou por aucune tel chose. il poet estre fet par xii leaux hommes qui jurent par lor serement. ecort depanage

De recort de panage. cvi.

R ecort de panage doit estre fet en ceste meisme maniere. l en doit saveir que toutes les choses qui sunt fetes pardevant le roi ou pardevant le duc portant que il soit soi et autre portent recort.

⸿ Toutes les choses qui sunt fete en eschequier ou en assise ont recort de ce qui est mostre par bataille. et panage n a pas recort fors de ce qui a lui apartient.

⸿ Et si doit l en savoir que les recors qui sunt fes en eschequier ou en assise poet estre recort de totes les choses qui sunt fetes. et por ce sunt il apele sollempnel. quer tout ce qui a este fet en assise ou en eschequier doit avoir fermete quant il est recorde.

⸿ L en doit savoir que recort doit estre fet par telx persones qui en la cort le duc ne deussent pas estre ostees por fere i jugement. si com il est plus plenierement mostre devant el chapitre de jugement. ⸿ Il conuient que vii recordeors soient au meins a un acort a ce que le recort soit garde. et por ce que tout recort doit estre fet. de ce qui a este veu et oi.

⸿ Il convient a ce que le recort soit avenant que les recordeors dient que il virent et oirent ce que il recorderont. se les vi sunt a i acort. et le setiesme se descorde il ne poet pas casser le recort. et se les vi recordeors ne dient chose qui soit por celui qui demande le recort. sa demande ne vaut riens. et se les vi sunt a un lor recort est tenable portant que il ni ait plus qui soient encontre quer l en se doit tenir a la gregnor partie es recors ou il a plus de xii hommes. et ia soit ce que a fere les iugemens les persones as iureors ne poent estre seonne se ce n est en lor propres causes ou en celes donc il aient este pledeors.

⸿ L en poet bien seonner cels qui sunt soupechonnos ou par amor ou par haine ou par grace.

De celui qui demande recortcvii

S e aucun demande recort. et il neust pas en escrit les recordeors. mes si grant partie en est morte ou alee hors de la contree que l en ne poet avoir le recort par le visne ou par cels qui sunt en la contree. l en ne doit pas por ce dire que il ait perdue sa querele ne que son aversaire l ait gaaignie quer ce n est pas en sa defaute mes en cele as recordeors.

⸿ Et si doit l en savoir que la chose de quoi le recort est doit estre gardee fermement en la main au prince tant que l en ait eu le recort ou que la querele du recort soit terminee en aucune autre maniere. quant recort est demande en cort de l assise ou de l eschequier ou de la cort le duc et les parties sunt presentes le recort doit estre tenu sans delai se cels sunt presens qui sunt nommes de cels qui demandent le recort.

De patronage d iglises. cviii.

I l convient tretier de patronage et de presentement d yglise. de quoi le plet selt estre fine par brief quant plet naist par la sesine de presentement. et le brief doit estre fet en ceste forme. ⸿ Se Thomas donne pleges de suirre sa clamor semon le reconnoissant du pais que il soit as premieres assises de la baillie a reconnoistre que presenta la persone desraaine ment morte a l iglise de Baufoucon que Richart li deforce. et fai dedens ce voier l iglise et soit en pes.

⸿ Et si doit l en savoir que des ce que le baillif a receu la clamor il doit envoier ses letres pendans a l evesque du lieu en ceste forme.

⸿ Por ce que Thomas nos a mostre sa clamor ia soit ce que il presenta la derraaine persone a l iglise de Baufoucon et que Richart li deforce par sa propre actorite et nos ipresenton novele persone. nos vos defendon fermement de par le duc de Normendie que vos ne receues nule persone a cele yglise devant que le plet soit fine entrels.

⸿ Et si doit l en savoir que se le plet n est fine dedens vi mois puis que liglise est escheue. l evesque du lieu qui doit porvoier des yglises de son dyocese la porra donner a qui que il voudra. puis que cel defens est fet a l evesque. l iglise ne poet estre donnee a nului tant comme le plet durt devant que vi mois soient passes ne l evesque n en poet nul recevoir. teles enquestes doivent estre hastees et menees en maniere de novele dessesine. que se celi de qui l en se plaint atent tant que la chose qui fu prise en la main le roi a la veue. et apres ait este en la main le roi par xl iors il ne se porra ia puis deresner en tel plet en la semonse. quer il aront en tel plet plusors defautes. et il ni poet avoir que une essoigne et une defaute. quant le serement sera fet l en doit demander as iures que ipresenta la derraaine persone et comment. savoir mon se ce fu comme patron ou en lieu de patron. quer aucuns presentent une fois qui ne presentent pas autre. si com il avient aucune fois par reson de partie d eritage a l iglise donc il sunt patrons. l un presentera une fois et l autre un autre.

⸿ Et aucune fois avient il que aucun presente a aucune yglise par la reson de garde ou de ferme ou de fieu que il a en gage ou il a yglise a donner ou com atorne. et cil ne presente pas comme patron mes en lieu de patron. et tel sesine ne doit pas estre rendue a cels qui derraainement presenterent. mes acels en lieu de qui il presenterent. ou a lor prouchains heirs se il sunt mors.

⸿ Se il est mis en non savoir qui presenta la derraaine persone se celui qui se plaint en velt pledier plus il la porra demander par la lei du pais autre si comme d un autre fieu. quer la sesine en remaint a l autre. ⸿ L en doit saveir que se il ia contens por patronage diglise entre persone laie et persone d iglise. la veue du brief doit estre sostenue par iiii chevaliers et par iiii prestres les plus procheins du leu qui ne soient pas souspechonnos qui par nul seonnement n en puissent estre ostes de la iuree.

⸿ Neporquant l en doit semondre plus de iiii se l en les troeve soufisans et par els doit estre reconnoissant fet en l assise pardevant l evesque ou pardevant un autre qui soit en lieu de lui o le baillif et o les chevaliers qui examineront les iureors et enquerront premierement de la droiture et de la propriete a celui a qui il verront que le apartendra. par le dit as iureors rendront la droiture du patronage par le serement as chevaliers. et les diz as iureors seront poeplees en l assise et il diront plenierement que einsi en distrent il la verite quant il furent examines si comme la iustise recorde. et sus ce doivent les chevaliers fere iugement.

⸿ Se il se font nonsachans de la droiture l en lor demanddera donques qui presenta la derraaine persone morte si fera l en selon lor dit. si com il estoit anciennement en usage. et si comme l en use encore en toutes persones laies. ⸿ Einsi establi le roi Phelippe a la requeste des prelas et lor otrea que d enqueste en fut fete par ses letres pendantes en ces paroles.

De Phelipe roy de Franche. Cxj.

⸿ Phelippe roi de france par la grace de deu a ses amis et a ses feels Robert archevesque de Roem et a tous les evesques de Normendie salus et amor. Sachies que des contens des patronages des yglises nos volon que enqueste en soit fete par iiii prestres et par iiii chevaliers si que l archevesque ou l evesque du lieu soient present ou aucune persone por els o lor letres pendans et o nostre baillif en certain lieu qui soit esleu en l assise par commun assens si com il lor convendra a faire.

⸿ Se le contens est entre persone de sainte yglise et persone laie ou entre ii persones de sainte yglise. comment que il soit de l iglise ou soit vacant ou non. se l arcevesque ou l evesque la donne a aucun puis que le plet est meu nos volon que les parties soient semonses a certain ior iiii prestres de par l arcevesque ou par l evesque ou par son atorne si comme nos avon dit. et iiii chevaliers par nostre baillif soient apeles au reconnoissant. et soient apeles diligealment. et puis apelent o els cels que il voudront. et la ou le plus s acorddera la remaigne le presentement de l iglise. ⸿ Nule excusation nara lieu que l arcevesque ou l evesque ne viegne a l assise ou que il ni envoit certaine persone por lui o ses letres pendans. et se treis de ces viii s acordent de chose que il aient veu la possession remaindra a celui por qui il diront et se la gregnor partie des viii qui parolent dient par lor serement que il croient fermement que celui a qui il donnent le patronage l ait eu et porsis iusques a cel tens la possession li remaindra. et pardesus ce nos volon que se celui qui dit que le patronage de l iglise apartient a lui et n en muet plet dedens vi mois apres ce que ele est escheue. l arcevesque ou l evesque aient franche poeste de donner la a qui que il voudra. Mes il n en a point de poeir se celui qui dit que il en est patron en muet plet dedens les vi mois contre l arcevesque ou contre l evesque et se il ia contens que plet ait este meu de la droiture du patronage dedens les vi mois la verite en sera enquise par iiii prestres et par iiii chevaliers examines si comme nos avon dit et recorde.

⸿ Et si vo lon que se il avient par aventure que l arcevesque ou l evesque reclaint en une ygli se la droiture du patronage por ce que il est demandeor. il ne doit pas esliere les iiii prestres qui iureront ne enquerre la verite mes i de ses veisins evesque ou arcevesque i soit par desus se li arcevesque n est de la querele.14

⸿ L en doit savoir que enquestes de patronages doivent estre fetes par chevaliers et par gentix hommes qui soient loiax et veritables et que l en croie qu il en sachent la verite par cels qui ont longuement converse el visne. En tel cas doit estre sus les defaillans plus for te iustise que es autres bries que la donnoison de l iglise neschiesce a l evesque par latente des vi mois. ⸿ Se l evesque ne vient a l assise. le baillif ne lera pas por ce a tenir la iustise de la iuree. et se il ne velt enveer les prestres a la veue quant il en sera requis le baillif rendra le reconnoissant par les lois a l ancienne costume quer desce que le roi Phelippe lor otroia tel privilege a la requeste des prelas se il lessent par lor defaute a avoir ce que il lor otroia il convendra recorre a l ancienne costume que la droiture ne soit perdue par lor demoree. et que le don de l iglise ne lor demort par latente des vi mois.

⸿ En cest brief nul vouchement de garant ne poet delaier le plet. M es se aucun a chartre ou autre droite reson par quoi il voille defendre le patronage et abatre le brief qui a este pris il doit estre oi. et ces choses vaudront se eles ont este fetes puis que la derraaine persone ifu presentee. ⸿ Se une partie du contens apartient a persone de sainte yglise et l en plede de la propriete. ce que la chartre tesmoigne doit estre garde por tant qu ele soit loial et que celui l ait fete a qui la droiture du patronage a partient.

⸿ Et si doit l en savoir que tot ce qui est contenu es chartres au prince de Normendie es quereles de patronage diglise doit estre garde fermement quer lor tesmoing valt moult a finer contens. ⸿ Se aucune condition ou aucun marchie est encontre par quoi la droiture du patronage soit venue a autre chose n en est pas la chartre au prince abatue. quer l en ne nie pas que ce qui est contenu ne soit voir. Mes puis que ele fu fete celui qui l avoit pout bien baillier a autre la droiture du patronage que il avoit par la chartre.

⸿ L en doit savoir que les chartres as princes ne doivent ne ne sunt pas tenues a rendre la sesine acels qui pledent de nule possession fieufal. Mes il defendent plenement la possession qui estoit eue par devant se aucun marchie n a puis este fet qui doie est regarde. ⸿ Et si doit l en savoir que se aucune yglise est voide par vi mois apres ce que la mort a la persone est seue quemunement l evesque du lieu la porra donner a qui que il voudra si que le patron ne le porra contredire. comment que ce soit ou par contens qui en soit menou16 par negligence du patron mes quant le plet sera fine celui qui gaaignera le patronage prendra la feelte de la persone.

De brief de fieu et de gage. Cix.

A pres ce que nos avon dit convient tretier de la querele qui est terminee par brief de fieu et de gage qui cort par ces paroles.

⸿ Se Thomas donne pleges de suirre sa clamor semon le reconnoissant du visne que il soit as premieres assises de la baillie. a reconnoistre savoir mon se la terre ou le fieu que l en li deforce est fieu a celui qui le tient ou gage engagie par la main Guillaume apres le coronnement au roi Richart. et por combien. et savoir mon se il est le plus droit oir a desgagier le gage. la terre soit veue dedens ce. selon la costume qui ore cort en Normendie. ⸿ En ceste enqueste poet avoir iii essoignes. et la quarte de voie de cort. se ele n a este fete des premieres iii quer se essoigne de voie de cort a este une des iii premieres la quarte ne sera pas receue.

⸿ En ceste querele n est pas receue veue de cors ne langor ni poet estre iuree. M es quant la derraaine essoigne sera fete la iustise doit commander as essoigneors que il aient a la premiere assise celuique il essoignent. et se il ne li ont. toz les essoigneors et lor tesmoins seront en amende. et la terre de quoi le contens est sera en prise en la main le roi. et la veue en sera assise as premieres assises.

⸿ Apres sera d enqueste du brief tenue viegne ou ne viegne celui qui est defailli. ⸿ Ceste enqueste sera tenue en cort au tresi comme nos avon dit densqueste.

⸿ L en doit savoir que ce que xi des iures diront par acort de la querele qui est contenue el brief doit estre garde fermement ne ne remaindra pas por le contredit del doziesme ne por non savoir. mes se trois l e contredient ou metent en non savoir. le dit as ix ne vaudra riens ains est mis en nonsavoir. I l apert par la forme de cest brief que vi choses i sunt enquises. ⸿ Se la chose de quoi le contens est est lessie a celui qui la tient et se cest gage. et se il fu engagie par la main Guillaume et por combien. et se celui qui le demande est le plus prouchain oir a desgagier le. et le tens passe.

⸿ L en doit enquerre par les iureors se cest fieu. et il n est pas venu a la main a cels de qui illa. il li remaindra en pes et ce lui qui la demandout amendera sa fausse clamor.

⸿ De ce apert il se aucun prent terre en fieu de celui qui l avoit en gage. l en ne doit pas por ce iugier que ce soit son fieu. quer nul ne poet en la terre que il fieufe ou que il baille metre mel lor condition a celui qui la prent que la soue nestoit. se il ne velt obligier par eschange a garder les conditions. ⸿ Se aucun apris terre en gage et il la baille a i autre en fieu. le tenant enporra vouchier garant celui qui li bailla qui li est tenu a garantir li ou a eschangier.

⸿ Et se il le velt garantir a la veue il prendra sus soi la defense. et se il enchiet de la querele il l eschangera a la value. et se il dit apres la veue que il ne li doit pas garantir. la defense remaindra au tenant. et se il enchiet il porra recorre a son garant por l eschange.

⸿ En ces quereles poet l en vouchier autretant de garans comme es autres de quoi nos avon dit devant. et chescun poet a voir ses essoignes.

⸿ L en doit demander as iureors se la terre qui est demandee par cest brief est en gage quer se ele ne fu engagie ele ne poet estre demandee par cest brief. ⸿ L en doit savoir que terre est engagie en ii manieres. quant une terre est baillie por autre ou por deniers ou por autres choses et en la fin de tel plet doit estre a aucun la chose rendue.

⸿ Et se aucune des parties noie le gage et il est apres prove par l enqueste celui qui demande le gage l aura et celui qui le detenoit perdra ce que il avoit baillie por le gage et l amenddera pardesus. et ce apartient a la dignete au prince. et les choses qui li apartienent li remaindront par la reson du gage qui fu noie. ⸿ En autre maniere est gage baillie quant terre est baillie en gage por deniers ou por i cheval ou par tel chose iusque au terme. si que dedens ce soit aquitee la dete des iessues de la terre cest gage doit estre delivre quitement au terme. et se celui qui la tient le noie et il en est ataint il le doit amender griement et est tenu a rendre quant que il en aura leue apres le terme. et totes ces choses doivent estre escleries par l enqueste de cest brief.

⸿ L en doit savoir et enquerre par qui main la chose fu engagie et se ce fu par la main Guillaume qui est nomme el brief si que quant l en saura la persone de lengageor l en sarra plus legierement qui est plus pres de desgager le. ⸿ Se la chose fu engagie par autre que par celi qui est nomme el brief tout le brief est fausse quer faussete i est trovee.

⸿ L en doit enquerre por combien la chose fu engagie. por ce que se gage est noie le pris de la raanchon remaindra au prince quant le gage sera esclerie par l enqueste se celui qui est querele reconnoist le gage. mes il dit que le gage fu baillie por plus que il n a el brief. l enqueste doit estre fete du nombre des deniers et de tous les poins qui sunt noies. et le principal reconneu celui qui en sera ataint par lenqueste l amenddera.

⸿ Il i a une maniere de gage que l en apele mortgage. mortgage est qui de riens ne saquite. si comme une terre est baillie en gage por c s. par tel convenant que quant celui qui lengage la voudra avoir il rendra les c s. ⸿ L en apele vifgage qui saquite de ses issues si comme quant l en baille une terre en gage por c s. iusques a treis ans qui doit estre rendue au chief du terme. ou quant terre est baillie iusques a tant que les deniers qui sont prestes soient quites et treiz des issues de terres.

⸿ L en doit enquerre se celui qui demande le gage est le plus prochein oir a celui qui lengaia. et se son plus prochein oir apartient a desgagier le.

⸿ L en dit que celui engage por qui et en qui non la chose est engagie.

⸿ Se aucun a baillie en gage la terre sa femme. quant ele sera morte son plus prochein oir la porra desgagier. quer le mari la tenoit comme garde par la reson de sa femme.

⸿ L en doit enquerre par cest brief se le gage fu engagie puis le coronnement au roi Richart quer se il fu devant il ne poet estre rapele.

⸿ Et l en doit savoir que ceste longue tenue souloit corre de xxx ans en xxx ans. et la terre qui estoit lessie en gage ne poeit puis estre rapelee par brief. et por ce que le terme de xxx ans n estoit pas legier a recorder le prince de Normendie volt par conseil de sages hommes que le terme de longue tenue fust merchie par lautorite d aucune chose sollempnel. ⸿ Et por ce soloit l en user que l en demandout se le gage fu engagie puis le coronnement au roi Henri.

⸿ Et por ce que le tens estoit plus lonc que il ne convient a gaaignier par longue tenue. il fu establi el tens au roi Felipe en plein eschiquier que le terme fu pris du coronnement au roi Richart.

⸿ Et por ce que il a ore plus que il ne convient a gaaignier par longue tenue il convient muer le terme par la volente au roi qui a la dignete au prince.

⸿ L en doit savoir que ceste longue te nue a leu en plusors autres quereles si comme nos diron apres. et se celui qui est querele se defaut puis que le brief est baillie et la veue est assise sa defaute doit estre raportee as assises et il doit estre apele et tenu por defaillant. et sa de faute escrite el rolle de l assise. et il doit estre iu stisie et ses choses prises. si ne li doivent estre rendues devant que il ait mis pleges destre a la premiere assise por fere droit.

⸿ Se il se defaut a l autre assise. et il ne velt venir avant. il se ra autre fois apele a l assise. et tenu por defail lant. et en ceste seconde defaute sera escrite l amende. lors commandera le baillif au seriant de la baillie que il pregne en la main le duc la terre de quoi le contens est. et por ce ne lera il pas a iustisier le par le chatel. ne il ne lera pas la terre fors par le baillif et devant que il ait mis pleges destre a droit a la premiere assise. et se les pleges ne lont as termes qui lor sunt mis il seront touz en amende.

⸿ Se il ne vient a la tierche assise la terre doit estre prise en la main au prince et si doit estre tenu iusqu a l autre assise. et la desraaine mise en escrit. ⸿ Et se il ne vient a la quarte l en doit fere de la defaute comme des au tres et doit estre la veue assise en derriere de li et estre tenue viegne ou ne viegne. et a tenir la l en doit avoir iiii chevaliers au meins qui ne soient pas sopechonnous. qui soient du visne dedens une lieue se l en les poet trover. et se l en nes poet trover l en doit apeler autres qui ne iureront pas de la querele que ele ne soit mise en non savoir mes il feront le recort de la veue se mestier en est.

⸿ En toute veue de fieu en quo i ipoet avoir el plet iii essoignes. il convient a voir au meins iiii chevaliers qui ne soient pas sopechonnous. ⸿ Quant la veue aura este tenue l enqueste sera fete a l assise apres qui sera la qui nte et chescune partie porra seonner des iureors cels que ele cuidera bien fere. et se celui qui est querele ne vient avant por ce ne remaindra pas d enqueste ne soit tenue et iuree si comme nos avon dit es autres enquestes.

⸿ Neporquant le baillif commandera as iureors ains que il iurent que nul ne viegne au serement que aucu ne des parties doie seonner par amor ne par haine ne par lignage ne par autre reson.

⸿ Se aucun va iurer contre ce. si soit espenei comme pariure. et cele partie aura la terre qui la devra avoir par le dit as iureors.

⸿ Et l en doit savoir que quant les essoignes sunt fetes ou les defautes el lieu. l en doit autresi fere deprende la terre et de tenir la veue.

De brief de fieu et de ferme Cx

D e fieu et de ferme est le brief fet en ceste forme.

⸿ Se N. donne pleges de suirre sa clamor semon le reconnoissant du visne as premieres assises de la baillie a reconnoistre savoir mon se la terre que Pierres li deforce est du fieu a celui qui la tient en ferme movable baillie par la main Guillaume. puis le coronnement au roi Richart et a quel terme et saveir mon se Nicholas. est le plus prochein eir a celui qui la bailla a ferme. et la veue soit dedens ce.

⸿ En cest brief suirre doit l en autre si fere comme en celui de fieu et de gage. ⸿ Et si doit l en saveir que se celui qui tient dit que cest fieu et il noie la ferme. se il est prove par le serement as iureors que ce soit ferme ia soit ce que il ait encore quatre ans avenir ou plus de la ferme la terre ne li remaindra pas plus por ce que il disoit par barat que ce estoit son fieu. et le roi aura le pris des anees qui sunt avenir. mes que ce lui qui ele est ara la ferme. et se les iureors dient que le terme de la ferme soit passe i an a ou plus celui qui la tient sera tenu a rendre le pris des anees.

⸿ Plusors sages hommes dient et s acordent que autreteles enquestes doivent estre fete de terres que aucuns baillent a garder si que l en doit enquerre se la terre de quoi le contens est est le fieu au tenant ou terre baillie en garde par la main de celui qui la demande ou de son anceisor. et autresi dit l en que teles enquestes poent estre miex fetes de fieu ou de ferme que de terre baillie en garde ou prestee. et toutes les autres resons qui sunt a fere de droit qui font que l en doit enquerre de fieu ou de ferme font autresi que l en enquere de garde ou de prest.

⸿ Et iasoit ce que teles enquestes ne souloient pas corre par brief. neporquant il retienent la forme de celes qui sunt fetes par brief.

De iuridition Cxi.

P or ce que en Normendie toute iuridition de cors de grans et de petis apartient au duc por ce que il sunt tenus a lui par feelte et par aliance il velt refraindre la malice as fors hommes et as puissans par le conseil de prelas et de barons si establi ii lois. donc l une est apelee establie. et l autre reconnoissant de sordemande. et si corent par brief. que cels qui sunt quereles de lor possessions fieufax poent avoir et demander contre cels qui les querelent. mes a cels sunt il denoiees qui se plaignent. S e cels qui sunt quereles ne si consentent de lor gre. et par cest brief enquert l en de la propriete du fieu et a qui ele apartient.

⸿ Les bries destablie sunt fez en ceste forme Nicholas se plaint que Guillaume li demande a tort une terre au Pont dAutou de quoi il demande l establie au duc de Normendie. lequel ia gregnor droit ou celui qui tient ou celui qui demande. la terre soit veue. M es pleges soient ancies pris de suirre l establie. et les hommes soient semons a la veue. et quant la veue sera sostenue. ior lor doit estre mis as assises. et se essoignes sunt fetes eles doivent estre saluees a la requeste de l autre partie. ⸿ Cest brief rechoit toutes essoignes et toutes defautes. et si doivent estre autresi comme el brief de fieu et de gage.

⸿ L en doit savoir que quant la tierche essoigne est fete en cort la iustise doit commander que celui qui a este essoignie soit veu si doit l en demander a l essoigneor ou il le lessa malade. et puis doit l en metre ior de voier le. et fere si comme nos avon dit el chapitre de langor.

⸿ L en doit savoir que puis que un e homme a essoignie un autre en cort il est tenu a offrir soi a tous les termes de la cort iusqu atant que celui qui a este essoignie ait iure langor. ou que il se soit pre sente a la cort por saluer les essoignes. et se aucun se defaut toutes les essoignes seront contees por defautes. quant le cors ara este veu essoigne poet estre fete de voie de cort se ele ne fu fete ne receue devant la veue. ⸿ La suite de cest brief doit estre fete en ceste forme.

⸿ Le brief destablie doit estre demande. quant un homme demande a un autre ou rente ou fieu que il porsiet. et quant celui qui est querele dit que il est prest de sostenir en l establie au duc de Normendie il doit gagier l establie et donner pleges d aporter la dedens qui nzaine. et demander terme de sostenir la veue. se il demande de l establie en la cort au prince la iustise li metra terme de la veue. et li fera brief de quoi le clerc au baillif aura vii d. et le seriant qui tendra la veue xi d. por livreison.

⸿ Il ne poet riens plus demander de cel brief ia soit ce que la veue soit tenue en divers lieux et en divers termes. et si doit premierement donner au seriant pleges de suirre le brief et puis doit estre la veue assise.

⸿ Se celui qui porte l establie se defaut de suirre son brief il et les pleges que il en donna doivent estre iustisies par le chatel par le commandement de l assise en laquele la defaute doit estre mise en escrit.

⸿ Se il ne vient a la seconde assise offrir soi a fere droit la terre de quoi le contens est sera arrestee en la main au prince aussi comme chatel. et l en ne doit lessier tel iustisement devant que il ait donne seur te de l amende et devenir a la premiere assise por fere droit.

⸿ Se il ne vient a la tierce assise la terre de quoi le contens est doit estre prise sollempnement en la main au prince et tenir a loie de la parroisse et des veisins a qui le seriant le doit noncier. quant ele ara este tenue par xl iors ou iusqu a la quarte assise. se il ne vient avant la veue doit estre assise par iugement sans celui qui se defaut. a icele veue doit avoir au meins iiii chevaliers qui ne soient pas soupechonous et xii hommes creables si que la veue puisse estre recordee par xii hommes donc les iiii au meins soient chevaliers par qui la veue puisse estre tenue se mestier en est. ⸿ Quant la veue sera fete celui qui sest defailli a la quarte assise de quoi chescune contient l espasce de xl iors il doit estre apele et la terre tenue en la main au prince. et en la quarte assise quant lore de fere les lois sera passee cest a hore de miedi. dedens quoi cels qui pledent se doivent offrir a cort. et la sesine de la terre doit estre baillie a celui qui la demande.

⸿ Se celui qui demande se defaut la defaute doit estre aportee a l assise et mise en escrit. et celui qui porte l establie s en doit partir sans ior o sa sesine que il tendra en pes puis que il a pris l establie iusqu atant que il gaaigne ou perde par jugement. ⸿ Et l en doit savoir que quant terre est prise par iugement en la main le roi se celui sor qui ele est prise la requiert. ele li doit une fois estre rendue en assise et ne mie hors. et se ele i est prise autre fois. ele ne doit estre rendue en nule maniere devant que le plet soit fine.

⸿ Se la terre est veue par jugement por les defautes a celui qui la tient ele doit estre tenue en la main au prince tant que le plet soit fine. ⸿ L en doit savoir que a fere le reconnoissant de cest brief doivent iurer les chevaliers et les autres et les autres qui sunt du lignage as chevaliers et autres hommes creables qui furent ne el visne et ont este resseans . et si doivent estre telx que l en croie que il sachent la verite de la chose. et que il dient voir de ce que l en lor demanddera.

⸿ Il iureront devant les parties si com il a este dit devant. et les parties seonneront se il veolent cels en qui il mosterront aucune reson de soupechon. ⸿ Et se l en ne poet el visne trover chevaliers. d enqueste soit tenue par autres hommes du visne qui soient de bone renommee.

⸿ Nos dison que cels sunt du visne qui sunt dedens la loee ou de la parroisse ou la terre siet ou d autres parroisses ioignant. ⸿ Et si devon savoir que se xi des iureors sacordent. les paroles as xii ne vaudront riens. et se ii contredient as x tout sera mis en nonsa veir.

De brief de sordemande. ⸿ xii.

N os diron apres de brief de sordemande qui einsi est apele. por ce que il est fet por defendre soi de rentes et de servises que les segnors du fieu demandent a tort a lor hommes. ⸿ De la defense de cest brief poent user tous cels qui tienent de terres de quoi les segnors demandent servises que il ne doivent pas. quer plusors servises sunt fez as segnors ou par amor ou par grace ou par poour qui ne doivent pas estre demande par heritage.

⸿ Et por ce establi le duc de Normendie que en tel cas poet estre brief de sordemande qui est fet en ceste forme. ⸿ Nicolas se plaint que Richart li demande a tort servises de soier ses garbes par la reson de son fieu que il tient de lui por quoi il demande l establie le duc qui a gregnor droiture. le tenant qui deforce ou celui qui demande par la reson de cel fieu. et por ce se il donne pleges de suirre son brief. semon le reconnoissant du visne que il soit as premieres assises a dire verite. et la veue soit tenue dedens ce.

⸿ Cest brief a toutes les conditions et toute la maniere de celui que nos deismes devant.

De brief de fieu et d aumosne. Cxiii.

A pres ce devon saveir que par brief de fieu et d ausmone est une enqueste usee en Normendie qui est otroiee a cels qui tienent. se uns hons demande a un autre en cort laie aucun fieu comme son he ritage. celui qui est querele aura se il velt d enqueste savoir mon se la terre est aumos nee a celui qui la tient. ou fieu lai a celui qui la demande. et le brief est fet en ceste forme.

⸿ Se Nicholas donne pleges de suirre sa clamor semon le reconnoissant du visne que il soit as premieres assises de la baillie. a reconnoistre savoir mon se la terre que Pierre. li demande est aumosnee a celui qui la tient ou lai fie a celui qui demande. et la veue du fieu soit tenue dedens ce. ⸿ Cest brief est mene en la maniere que nos deismes du brief destablie.

⸿ En cest cas poet celui qui est querele avoir une autre defense se il velt. par enqueste sans brief de longue tenue. se il dit que il ne doit pas respondre en cort laie de fieu qui a este veu. quer il la tenu par xxx ans en pes comme au mosne apartenant a lui de quoi il est prest d atendre d enqueste. la veue doit estre assise et cele enqueste doit estre fete as us et a la maniere de novele dessesine.

⸿ Se celui qui est querele ne velt metre avant nule de ces defenses il defendra son fieu par la loi du pais ou il le perdra. et se il est mis en non savoir es cas qui sont devant mis. la iuridition en remaindra a la cort de sainte yglise. encontre ce se aucun demande une terre com aumosne. et celui qui la tient dit que ce est son fieu lai il aura l enqueste se il velt savoir mon se ce est le fieu lai a celui qui tient ou aumosne a celui qui deman de. et le brief sera fet comme celui devant. Mesque l en tornera les nons du tenant et du demandant. ⸿ En qui cort que teles enquestes soient de mandees eles doivent estre tenues en la cort au prince et toutes autres enquestes qui sunt fetes par la reson du fieu a esclerier la droiture de la cort de sainte yglise et de la cort laie et a fere tele enqueste doit estre l evesque ou autre por lui et doit estre semons se il velt chalengier nule poeste en la chose qui estoit demandee et le plet qui estoit en la cort de sainte yglise demorra tant que il soit esclerie a quele cort la iuridition de cele chose apartient. et se d enqueste le met en non savoir il convendra revenir a la cort par quoi cels qui pledent se volent defendre.

⸿ Nul ne poet en Normendie de son lai fieu fere pure aumosne sans l otroi et sans l especial assentement au prince. quer le prince a sa iustise et sa iuridition en touz les fieux de Normendie et foriurement de cort et la response des segnors des fieux de Normendie pardevant lui de ce de quoi il les voudra accuser. par ce apert il que le soul prince poet fere pure amosne quer autre ne poet donner en ausmone les dignetes qui sunt au prince. quer nul ne poet aumosner en son fieu fors ce que il ia. et ce apert il es terres qui sunt aumosnees par autres segnors. quer le prince ia sa iuridition pleniere des choses qui apartienent a lai fieu si comme cels qui lor terres porsient et cels a qui l aumosne est donnee aront ce que il lor devoient. et ce poet l en apeler aumosne sans plus.

⸿ Nul ne poet clamer el fieu que il aumosne nule iuridition se il ne li retient especiaument.

⸿ Pure aumosne est en quoi le prince ne retient a soi point de iuridition ne de dignete terrienne. et por ce que tous les fiex qui par xxx ans ont este tenus empes comme aumosne. ne nul n en est tenu a respondre en laie cort en tant comme cest aumosne. neporquant se il est requis par brief ou de doaire ou de mariage encombre. la cort laie en fera droit a cels qui l en requerront.

⸿ Puis que aucun a encombre le mariage sa femme. il poet vivre o lie ou xl ans ou l ou lx et en l an que il morra ele porra rapeler quant que ele voudra que il aura encombre de son mariage. quer tant comme le mari vesquit ele ne fust de riens oie sans lui. et cest rapelement poet estre fet par brief de mariage dedens l an et le ior de la mort son mari. si comme il fu dit devant.

⸿ Mes quant l an et le ior seront passes apres la mort son mari ele ne porra pas rapeler l aumosne qui aura este porsisse empes par xxx ans. ⸿ Des terres qui ont este baillies en doaire ou que les hommes ont tenues en lor veovete poet le rapelement estre fet se eles sunt encombrees par homme veof ou par la femme veove. quer il ni auroient point deritage.

De ra pel de ter par borse. cx iv

D es fiex vendus est enqueste fete de rapeler les par le pris qui ifu donne.

⸿ L en doit donc savoir que nul ne poet rapeler par la borse la terre qui a este vendue. se il ne fet plainte a la iustise dedens l an et le ior que la vente fu fete.

⸿ Chascun du lignage au vendeor a qui la terre qui est vendue poet venir par heritage la poet retenir par le pris. mes il apartient avant au plus prouchain. et se le plus prochein se test tant que le marchie soit rapele par autre en cort. il ne devra ia puis estre oi. se les plus procheins la rapelent et les autres volent avoir part en tel retrait. et il le requierent en cort ains que le marchie ait este rapele. il auront se il paient lor partie du pris. portant que il aient reson de rapeler le marchie autresi comme le plus prouchain.

⸿ Se tout cels du lignage le lessent le segnor du fieu qui en a l ommage le porra rapeler du vendeor et ia soit ce que celui qui achate ou celui qui vent offre a cels du lignage le marchie qui est fet du fieu que il lessent le marchie ou que il enpaient le pris.

⸿ Neporquant il ne sunt pas tenus a ce mes quant il cuideront bien fere il le rapeleront dedens l an et le ior.

⸿ Celui qui retrait doit avoir terme de paier le pris de si a la premiere assise portant que il iait xv iors. et dedens ce le marchie se ra en la main au prince. la iustise doit en ioindre au retraieor que il pait le pris au terme qui li a este mis ou le marchie remaindra a lachateor. et einsi par la premiere assise sera le retrait aferme ou la defaute au retraieor que ia puis ne devra estre oi se il se defaut de paier le pris au terme.

⸿ Se l achat est noie la veue doit estre fete et la terre tenue en la main au prince tant que il soit esclerie par l enqueste se ele fu vendue et combien. et l en doit mener tel plet autresi comme celui de novele dessesine. ⸿ Se l achateor qui avoit noie le marchie en est ataint par l enqueste le pris que il paia remaindra au prince. et la terre au retraieor.

⸿ Quantque l achateor metra en la terre puis que le plet du rapel sera meu remaindra a celui qui gaaignera. mes ce que il imist devant doit estre rendu. ⸿ Et se l achateor dit que il paia plus en la terre que le retraieor ne li offre la verite ensera enqui se par le serement au vendeor et de l achateor et celui qui en sera ataint sera en amende.

⸿ Se aucun a conquis terre et il la vent chascun qui sera de son lignage la porra retrere. se le plus prochein ne la requiert et le segnor du fieu poet lors retrere le marchie quant nul du lignage ne la requiert.

⸿ Nul qui apartiegne au vendeor de par son pere ne poet retrere le fieu qui muet de par sa mere. M es se la lignie donc le fieu muet se test. le segneur du fieu le porra rapeler et ne mie autre. et se la terre qui a este vendue est ia venue a la seconde ou a la tierce main ou a la quarte. si porra ele estre retrete de cels qui la tienent aussi comme de l achateor. et en sera enqueste fete se celi lachata qui la bailla a celui qui ore la tient

De celui qui demande partie. Cxv.

E nquestes soloient nestre en plusors cas a fere parties. quant l en requi ert parties l en doit premierement enquerre du lignage et combien celui est prochein qui les demande.

⸿ Se celui qui est querele est requis en cort il doit connoistre le lignage ou noier le et se il le noie. d enqueste doit estre semonse et tenue en la maniere que ele est tenue de novele dessesine. et si enquerra l en sa voir mon se il est si prochein a celui de qui l eritage descent que il en doie avoir partie. et se il est reconneu que il n est pas si prechain du lignage com il disoit ou il est mis en nonsavoir il remaindra sans partie.

⸿ Se aucun dit que il est ainsne et les autres le noient il sera seu par d enqueste. et tele enqueste doivent estre fetes par les veisins du lieu ou les parties furent nees. ⸿ Se l ainsne dit que il ait fet partie a ses parchonniers il la doit mostrer. et le ior de la veue doit estre maintenant assigne. et quant la veue sera fete se il dient que cele partie ne lor fu onques otroiee ou que il ne lorent onques ou que illont. Mes cele chose est de lor conquest. et ne mie par la reson d eritage. tex contens doivent estre termines par d enqueste. autresi doit l en fere se l ainsne dit que le fieu de quoi l en demande partie est membre de hauberc ou serianterie ou d autre maniere par quoi il n est pas partable. et teles enquestes sunt fetes autresi comme cele de novele dessesine.

⸿ Se l ainsne dit que le fieu de quoi l en demande partie ne li vint pas de cel anceisor de quoi l en li demande. enqueste en doit estre fete comme devant. et se l en treove que ce que il dit ne soit pas voir. la partie soit fete sans delai. ⸿ Autresi doit l en fere de toutes les choses qui sunt dites por delaier parties fors quant aucun dit que il a fine a ses parchonniers par terre et par chatex tant que il se tindrent a paies quer cest contens doit estre fine par la loi de bataille.

Denqueste de doaire. Cxvi.

D e terres qui sunt baillies en doaire solent enquestes estre fetes si comme l en a mostre devant. mes que le plet en soit commencie dedens l an et le ior que la femme est morte qui l avoit eue en doaire et celui la devoit avoir de qui possession ele fu prise se il n en out eschange devant.

⸿ Et l en doit enquerre se la femme de qui mort l en la demande l out en doaire par la reson de son mari. et savoir mon se celui qui la requiert est le plus prochein eir a celui de qui possession le doaire fu fet. et se il en a eu eschange par aucun qui garantir deust la terre. le doaire remaindra a celui qui l eschania. ⸿ Tout doaire qui est encombre par le fet ou la negligence a la femme poet estre rapele si comme nos avon dit qui que le tiegne ne ne porsiere.

De ueof homme.Cxvij

A utresi doivent estre rapeles les fieux qui ont este encombres el tens que les hommes les tenoient por lor veovete.

⸿ Costume est en Normendie de pi cea que se i homme a eu femme de qui ele ait eu enfant vif ia soit ce que il ne vive mes. toute la terre que il tenoit de par la femme el tens que ele morut remaindra a lui tant comme il se tendra de marier. quant il se ra mort ou quant il sera marie. la terre que il tenoit par la reson de sa femme revendra as eirs a la femme a qui ele doit eschaier de sa mort. et se il l encombra el tens de sa veovete enqueste en soit fete en la maniere que nos deismes devant. et se l en neeque il n out onques enfant vif de sa femme. il sera enquis par l agent du visne. ou il dit que lenfant fu ne de quoi l en croie par aucune reson la verite que il ne soient soupechonnos par quoi il doient estre ostes de l enqueste. se l en dit que cele qui fu morte ne fu pas sa femme. enqueste en soit fete savoir mon se il l out a femme par le consentement de sainte yglise el tens que ele morut. et se il est mis en nonsavoir il remaindra sans le fieu que il voloit tenir par sa veovete se il ne prove que cele qui est morte fu sa femme. et se il l offre a prover dedens l an et le ior il tendra la terre a la femme par la reson de sa veovete. ⸿ Ce doit estre garde d enqueste et de prove de mariage. se l en noie le mariage.

D enqueste. Cxviii.

E n ceste meisme maniere doit enqueste estre fete se aucun dit que il est ainse d aucun fieu ou garant et l autre partie le noie. ⸿ Enquestes souloient estre fetes de touz empeechemens qui sunt proposes en cort por anienter la demande au plaintif ou la defense a l autre fors el cas de quoi l en doit pledier en cort de sainte yglise. et autresi en est escepte suite qui a este entre parchonniers de lor partie d eritage qui doit estre prove par loi de bataille si comme nos diron apres.

De loi. Cxix.

N os diron de loi qui est fete par recort. Recort en laie cort est une loi qui est establie par les princes et gardee generalment de lor soumis. par quoi ce qui a este fet ou dit en cort est recite par le tesmoing des recordeors et ce qui a este iugie.

⸿ Unes choses sunt en cort en pledant. et unes en pronunchant.

⸿ En pledant sunt fetes toutes les choses qui sunt fetes par la reson de la querele meue. en denonchant sunt fetes les ventes les atornemens et tex choses qui sunt fetes en cort por avoir recort. ⸿ Les recordeors sunt apeles tous cels qui sunt en la cort par quoi le recort poet estre fet. si comme le prince de Normendie. l arcevesque. levesque. et toutes les persones qui ont dignite ou personage en yglise cathedral. et les abes et les priors conventuax. et les contes et les barons et les chevaliers et touz les princes qui tienent iustise et les viscontes et les serians de l espee et les hommes de grant renommee qui sunt creables par lor bone vie et par lor sens et par lor honeste.

⸿ Toutes tex persones doivent estre receues en recort se la quemune renommee n est encontre els apartement. ⸿ Les recordeors sunt tenus a iurer meesmement cels qui non fet serement au princeque il recorderont verite de la chose de quoi le recort est demande. et que il ni aioindront riens ne riens ne leront de quoi il lor soviegne. le recort des choses qui sunt fetes quant une partie les demande et l autre les sostient et cels doivent recorder ce a quoi il furent present de la chose de quoi le recort est demande.

⸿ Et por ce doit l en savoir que nul ne poet estre apele a recort se il n est present a ce de quoi le recort doit estre. et se l une partie le demande et l autre ne le velt sostenir il ne doit pas estre fet. ⸿ Il convient que la partie contre qui le recort est demande le sostiegne ou que ele mostre reson por quoi ele nel doit pas sostenir ou l autre partie aura gaaignie la querele.

⸿ Il i a diverses manieres de recors. quer les uns sunt de la cort au prince. les autres d eschequi er. les autres d assise. les autres de bataille. les autres de fieu veue. les autres de veue et del recort. les autre de foriurement. les autres de panage. les autres de mariage. ⸿ L en doit saver que de tout ce qui est fet pardevant le prince et pardevant i autre recordeor doit le recort estre garde. quer ce ne seroit pas avenant que le recort au prince soul fust demande. quer des choses qui apartienent a droit et sunt fetes en sa presence est sovent la verite seue de moult sages hommes. et einsi voudrent les princes de Normendie que il fust garde que aucun malves ne contredeist le recort por ce que il fust fet par i soul homme. et por ce que il convient que tout tesmoing doit estre en la bouche de ii au meins.

⸿ Il i a i recort deschequi er qui doit estre fet par vii recordeors au meins que il ne puissent estre oste du recort par nule resnable acheson. ⸿ Tous cels poent istre du recort qui poent estre seonne en enqueste par aperte soupechon.

⸿ L en doit savoir que celui qui demande recort doit nommer les persones que il velt avoir. et l autre partie le velt sostenir ele porra seonner cels que ele verra sopechonnos mes celui qui demande le recort ne porra seonner nul de cels que il nommera. au recort demander poent estre tous cels nommes qui presens a l eschequier a ce de quoi l en demande recort. et ce que les vii recorderont doit estre garde. se ii des vii se descordent ou il sunt nonsachant tout le recort est en doute. et celui qui le demanda perdra ce que il voloit gaaignier par le recort.

⸿ Et si doit l en savoir que quant recort est demande la chose de quoi le contens est doit estre arrestee en la main au prince et tenue tant que le recort soit fine. ⸿ Se l un des recordeors est contraire a l autre. le recort sera en doute. et autre si se il est mis en nonsaveir. le recort ne vaudra riens. quer il convient vii persones au meins concorder soi a ce que le recort vaille.

⸿ Toutes les choses qui sunt en eschiquier fetes ou en pledant ou en denonchant ou en aucune autre maniere soient tenables et aient perdurable fermete. ⸿ Recort d assise a toute la maniere a recort deschequi er. et si devon savoir que en ceste loi qui est fete par recort ne poet avoir que une essoigne et une defaute.

⸿ Recort de bataille a autele condition comme celui devant. et si doit l en savoir que par recort de bataille ne sunt recordees fors les choses qui apartienent a la bataille. si comme gagement de batailles les assignemens de termes. les maintemens de plet. la concorde ou la fin qui a este fete en toutes les autres choses qui i apartienent.

⸿ Recort de veue de fieu selt estre fet par iiii chevaliers. ou par tex persones qui ne doient pas estre ostez de iugement ne de recort si comme sunt celes que nos avon nommees devant. et qui par nule reson ne puissent estre ostees. et par viii prodeshommes qui ne puissent estre ostez par nule reson de la iuree. et ce doit estre entendu des quereles ou l en plede de la propriete de fieu si com el brief destablie et de fieu ou de gage.

⸿ Es noveles dessesines et es quereles donc l en plede de la possession et non pas de la propriete poet le recort estre fet par cels qui sunt receus a fere l enqueste. ia soit ce que ce ne soient pas chevaliers ne persones qui aient auctorite de porter recort en assise.

⸿ Et cest recort ne doit pas estre fet fors des choses qui ont este veues et mostrees quer des autres choses ne doit l en pas recevoir lor recort.

⸿ Recort de veue de cors doit estre fet en ii manieres. ou quant le baillif commande que celui qui a eu toutes ses essoignes et ses delais que il poet avoir par le cors de la terre soit veu selon la costume de Normendie si que l en sache par lui que il amera miex ou venir a cort ou a iurer langor. ou il sera despisant de droit ou quant le meffet qui a este fet a aucun ou veu. ou quant homme est navre et l en doute que il ne puisse garir sans mehaing. et l en fet aler por voier le soufisant nombre de chevaliers ou d autres persones aporter recort de la veue. De ces veues poet le recort estre fet par iiii recordeors qui ne soient sopechonnos de riens par quoi il doient estre ostes. et il doivent recorder sans plus por quoi la veue fu commandee a estre sostenue si comme de iurer langor das signer terme de veue a cort ou despit a celui qui a este veu quant au premier cas ou de mehaing ou de maniere de meffet quant au secont. D es autres fes ou d autres dis ne doit pas recort estre sostenu en telx veues.

⸿ Recort de foriurement doit estre fet quant aucun est acuse que il foriura la duchee de Normendie par sa male desserte et il le noie. en cest recort convient autretant de recordeors comme il convient a recorder que aucun ait este forbani en assise. ou il en convient au meins vii ⸿ il ne convient pas que cest recort soit fet en assise por ce que le foriurement ne fu pas en assise.

⸿ Recort de iugement qui a este fet en cause criminax doit estre fet autresi comme celui de foriurement. si comme de iureors de malves et comme il ont este pris. et de cels qui ont reconneu lor meffes pardevant la iustise et pardevant nombre soufisant de recordeors. ⸿ Recort d atornement qui a este fet hors de court doit estre fet quant aucun est malade et il requi ert la iustise que ele voist a lui et son aversaire i est apele et soufisant nombre de recordeors ce sunt vii au meins et face son atorne pardevant els si que latornement puisse estre recorde par els se mestier en est.

⸿ Recort ne poet estre fet fors de l atornement et des choses qui i apartienent. si comme des panages et des ples et des iugemens et des bans qui apartienent a panage. qui sunt fes portant que le panage ait este bani avant a certain lieu et a certain ior si comme il doit. ⸿ Cest recort poet estre fet par vii recordeors.

⸿ Et si doit l en savoir que il doit estre fet par les serians fieufez de la forest qui ne soient pas soupechous ou aucuns chevaliers. Cest recort est tenu en diverses manieres selon les diverses manieres des fores.

⸿ Recort de mariage doit estre fet par cels qui furent presens qui que il soient. ne nul de cels qui furent presens n en poet estre oste se il n est communelment renomme a trichierre.

⸿ Chascune des parties porra seonner ses parens et ses amis. cest recort ne doit estre fet entre cels qui pramistrent fors du mariage et des conditions qui i furent mises.

⸿ Si doit l en savoir que cest recort doit estre fet entre cels qui pramistrent que il acompliroient et garderoient les conditions du mariage.

⸿ Nul homme ne nule femme ne poet par recort de mariage rapeler le fieu qui a son anceisor fu baillie en mariage contre celui qui le bailla ou contre ses eirs. quer les eirs a cels qui se marient ne sunt pas tenus a respondre par le recort du mariage du fet a lor anceisor. cels qui tienent le fieu qui fu baillie en mariage a cels ou a lor anceisors poent avoir recort de mariage a defendre les envers cels qui lor demandent ou envers lor heirs.

⸿ Por ce doit l en savoir que entre persones qui firent les convenans du mariage doit corre recort du mariage por tenir les se aucune des parties les demandent ou entre lor eirs a il lieu a defendre celui qui tient. M es l autre ne le poet point avoir qui demande ce que cels tienent. ia soit ce que toz cels qui furent au mariage poent estre nommes au recort.

⸿ Et neporquant il n en doit pas plus avoir de xii mes les miex creables et les meins sopechonous i doivent estre mis iusqu a xii.

⸿ Et ia soit ce que le recort poet estre fet par vii neporquant la iustise doit fere semondre cels qui sunt nommes d une part et d autre. et retenir au recort iusqu a xii des meins sopechonous et fere garder ce que les vii recorderont.

⸿ Cest recort a nature denqueste. et se tient l en a ce que la gregnor partie des recordeors dit. ⸿ En cest recort amor ne lignage ne poent estre seonnes quer les amis et les parens sunt plus tost apeles atel tel marchie que les autres.

⸿ Aperte haine doit estre mise arriere de toute loi ou il a serement ia soit ce que femmes ne poent estre oies en nule de ces lois ne lor tesmoing receu. neporquant eles sunt oies en recort de mariage et tous les autres et parent et estrange fors cels que nos avon dit qui ne doivent pas estre ois. ⸿ Et si doit l en savoir que cest recort poet estre fet plenement par persones qui ne soient pas sopechonnoses. il doit estre fet sans cels qui ont aliance vers aucune des parties.

De lois prouable et mostrablevixx

I l ia une loi qui a non en laie cort provaille ou mostraille. par quoi aucun s esforce de prover en cort ce que il dit. Et ceste loi est fete aucune fois par le serement de i soul provant a la fiee. par le serement de ii ou a iii ou a v ou a vi ou a vii en cort laie. cele est fete par le serement de i en marchie de quoi l en demande costume a tel qui en est franc.

⸿ Et quant celui qui la demande. et ne croit pas que la chose que celui a vendue soit soue. il la poet prover por soue par son soul serement. autresi celui qui s essoigna de voie de cort en sera creu par son serement ou par le serement a celui qui l essoigna lequel son aversaire voudra. par le serement de ii est fete ceste loi si comme est essoignie de mal resseant qui poet estre sauvee par lesserement a celui qui la porta et par celui a son tesmoing. se l autre partie le velt.

⸿ Et se aucun vouche garant en cort et l en li commande que il l ait au ior que l en li met. et que il le requiere dedens ce. se l en dit que il ne le requist onques. et li et ses tesmoins dient le contraire. il porra prover par son serement et par celui a son tesmoing ⸿ Par le serement de telx est provaille fete aucune fois quant aucun est tenu de prover son fet que l autre partie noie.

⸿ Reson comment. tu me vendis i porc v s. tu les eus. ie te demant le porc. tu me respons cest voir. et ie te baillai le porc. que sui prest de prover. ceste proeve poet estre fete par toi. et par ii autres. por ce doit l en savoir que prove doit tous dis estre fete et deresne a noier le. ⸿ Nul ne doit estre receu comme principal aprover autri fet ne a deresnier le. par ce apert il en quex choses prove et deresne doient estre fetes et en queles non.

⸿ Par le serement de v hommes est prove fete quant le segnor acuse son homme que il ne li a pas paie ce que il li devoit. reson comment. tu me deusier rendre xx d. que tu me devoies. l autre dit que il les rendi il le provera soi quant. et il doit premierement iurer en ceste forme.

⸿ Ce oient touz que ie paiai a Nicholas mon segnor xx. d. que ie li devoie si m ait dex et les sains.

⸿ Le secont iurera en ceste forme. du serement queNicholas a fet sauf serement a fet si m ait dex et les sains. et touz les autres doivent iurer en tel maniere. et doivent venir a fere le serement sans estre apeles ne contrains ains doit chescun offrir soi. et ceste maniere doit estre gardee en toute prove et en toute deresne en simple plet.

⸿ Simple plet est de quoi la value ne passe pas x s. en la demande ou en quoi l en plede de simple tort fet. ⸿ L en doit savoir que prove et deresne qui est fete entre pers est fete par le serement de iii persones. vers le segnor de la cort et vers les baillis et vers les iusticiers et vers lor atornes doit estre fet et prove. et deresne par le serement de v hommes. portant que il pledent en quereles qui apartiegnent au prince. ou de l offr de la duchee. se il pledent de choses qui apartiegnent a els il sunt per quant a ce. et l en doit respondre a els comme a pers.

⸿ En simples causes de possession doivent il estre comme per. Mes es causes personelx doivent il estre comme plus haut. parce que lor persones sunt establies a fere le servise au prince.

⸿ Et se aucun plede en la cort au prince contre son homme il sunt per quant a ce. et se il convient que il face prove ou deresne contre son segnor il la porra fere par le serement de iii hommes. par le serement de vii hommes est prove fete. quant il convient oir vii hommes a prover lentencion a aucun si com il avient a prover aage. de quoi l en doit savoir que nul n est receu a la prove de son aage fors le parrain et la marraine et les parens et cels que l en croitt que il sachent le tens de sa nation por tant que il ne soient mal renommes. ⸿ Et se il nia ne parrain ne marraine ne parent ele porra este fete par les voisins portant que il ni puisse avoir autres.

De deresne. vi xx et i.

D eresne est une loi establie en Normendie par quoi celui qui est querele de simples quereles mostre que il n a pas fet ce que son aversaire li met sus. ⸿ Por ce que l en croit que chascun set miex la verite de son fet que autres. la deresne est otroiee a celui qui est querele de ce que l en li met sus par ce fausse homme ce que son aversaire dit sus lui.

⸿ Une deresne est fete par le serement a celui qui se deresne et par le serement de ii autres. et tele deresne est fete contre les pers. ⸿ Cels sunt per de quoi l un n est pas soumis a l autre par hommage ne par segnorie ne par ainsneece.

⸿ Par hommage si com uns hons est soumis a son segnor a qui il a fet hommage.

⸿ Par segnorie si comme il est soumis a la femme son segnor et et son ainsne filz et touz les puisnez sunt soumis a lor ainsne par la reson de l ainsneece et a son ainsne filz et a sa femme. et si respondent en la cort de l ainsne de simple querele. et i feront deresne par le serement de v hommes. Mes se il les traient en plus haute cort. il se deresneront par iii persones comme pers. ⸿ L en doit savoir que nul n a en sa cort mestier de tesmoing contre celui que il acuse quer la soule vois au segnor de la cort soufiet aacuser ses soumis es choses qui a lui apartienent. contre le seneschal contre le chevetaigne baillif au prince convient il fere deresne par le serement de vii hommes es choses qui apartienent au prince ou a ses baillis. contre les bedeaus et contre les bas serians est deresne fete par v hommes es choses qui apartienent a lor office.

⸿ En Normendie souloit avoir i seneschal de par le duc por amender ce que les baillis et les autres meffesoient et por fere plenier droit a chescun qui requerroit les drois le duc. et il les gardoit et rapeloit et adrechoit en l estat du pais et greuoit les malfetors et fesoit lordre de droit estre gardee en to tes choses. ⸿ Nos devon mostrer devant tot apartement comment et en quele maniere teles deresnes doivent estre fetes.

⸿ L en doit savoir que la deresne est ou dobligement ou de tort qui est fet a la persone d aucun ou por trepassement d aucune chose que celui devoit garder qui offre la deresne. ⸿ Dobligement est deresne fete en ceste maniere.

⸿ Je te donne v s. por fere une perque de mur tu m obliges a fere le. l autre noie que il nobliia onques et que il est prest de de resnier. la loi doit estre gagiee. et terme mis de fere la.

⸿ Autresi doit l en fere en detes et en choses prestees. Je te prestai v s. que tu me prameis a rendre a pasques. se celui le noie la loi doit estre gagie. l en doit savoir que toutes les fois que tel querele est menee contre cels qui sunt pers. celui qui se plaint doit avoir tesmoing ou il encharra de la querele. ⸿ De tort fet est deresne fete en ceste maniere. tu me feris de ta paume en la face que ie voil que me soit amende. se l autre le noie la deresne doit estre receue. De tres passement de ce que l en doit fere. est deresne fete en ceste maniere. Je qui estoie prevost atorne te mandai que tu fusses mardi en la cort mon segnor a respondre a ce que il te diroit se il noie que il nait este semons la loi doit estre receue. ⸿ En cest cas poet il avoir prove qui die que il fu semons. et que il fu au ior et au lieu et que il est prest de prover. sa prove doit estre receue et fete au ior.

De loi appareissant vi xx. et. ii

N os diron apres de la loi qui est appareissant apelee et de quoi la querele doit estre menee en ceste maniere en contens final.

⸿ Je me plaing de Nicholas qui me deforce une terre a Orbec que mon pere ou mon onscle a qui ie sui le plus prechain heir tint en pes puis le coronnement au roi Richart. et en ont la sesine des fruis. si comme de vin ou forment et des autres fruis que la terre selt rendre en quoi il n a nul droit contre moi. et le tesmoing doit dire . cest voir. ie le vi et oi et prest sui de prover a l esgart de la cort. ⸿ Et si doit l en savoir que quant la semonse est fete et le ior et le terme est assis as parties de pledier. se celui qui est querele se defaut il doit estre iustisie par le chatel tant que il ait mis bons pleges de venir a cort et d amender ses defautes si comme il devra et se il ne vient au secont terme qui a espace de xl iors la terre donc le contens est doit estre arrestee en la main au prince por les ii defautes si que il ne puisse manouvrer la ne cuillir les fruis.

⸿ Et se il ne vient a la tierce assise. les trois defautes doivent estre escrites et la terre prise en la main au prince par le iugement de l assise. et si doit estre dit par le seriant a loie de la parroisse que ele i est prise. et la doit l en bail lier en garde a trois des veisins.

⸿ Quant la terre aura einsi este tenue par xl iors iusqu a la quarte assise. lors doit estre commande par iugement de l assise que ele soit veue en la main au prince por les iiii defautes. et a la veue ele doit estre prise en la main au prince pardevant cels qui sunt a la veue. ne ne doit estre mise hors devant que le plet soit fine.

⸿ Quant la veue sera fete et la terre sera prise en la main au duc le defaillant doit estre apele a iiii assises apres que il viegne a respondre de ce qui a este veu et a fere en droit. et sa defaute doit estre recordee en l assise et le proces de la querele.

⸿ Quant vendra a la quarte assise apres la veue. et il aura este atendu iusqu a nonne. quant les champions seroient tenus por defaillans se il ne s offroient a cort. se il ne vient sa defaute soit amendee a la requeste de l autre partie. et tout le proces de la querele soit recorde si com il ara este fet. si soit baillie au plaintif par le iugement de l assise ce que le defaillant avoit en la terre.

⸿ En cest plet poet avoir iii essoignes ains que la terre ait este veue par iugement.

⸿ Se il a fet iii essoignes l en doit commander que le cors de les soigneor soit veu si comme nos deismes devant que l en doit voier le. apres il poet fere la quarte essoigne de voie de cort. et se il la fist ains que il eust fet les iii autres. il ne porra pas fere la quarte.

⸿ Tous iors quant l en recorde la tierce essoigne l en doit commander par iugement que le cors de l essoignie soit veu. et l essoigne de mal reseant ne porra estre fete ne de voie de cort. ne cele de voie de cort ne poet estre fete que une fois en une querele.

⸿ Quant la terre aura este prise en la main au prince. se il la requiert ains que ele ait este veue il l aura par pleges.

⸿ Et por ce doit l en savoir que se il la requiert a la iustise ains l assise et ele li est rendue en l assise il aura terme de respondre as autres assises se il ne la requiert pardevant l assise. mes en l assise il l aura par pleges et le convendra respondre en cele meisme assise. et einsi la requeste qui est fete avant li donne terme. et la negligence li toult.

⸿ Et por ce que trois essoignes de mal resseant poent estre fetes en ceste querele. se celui qui est essoignie vient apres ce. que la premiere ou la seconde sera fete. ou il se defaut. il ne porra pas fere la tierce essoigne de cele meismes maladie. quer des ce que la premiere essoigne est fete de mal resseant. les autres ii doivent estre fetes de cel meisme mal sans entrerumpre. Nequeden essoigne de voie de cort poet estre fete devant ou apres selon la volente a les soigneor.

⸿ Quant aucun aura fet toutes ses essoignes il doit avoir tous ses essoigneors et lor tesmoins. et se l aversaire requiert que les essoignes soient sauvees. la iustise doit commander que il les sauve.

⸿ Se il respont que il n envoia nule essoigne a cort. lors doivent tous les iors en quoi il fu essoignie por defaute estre tenus. et il les doit amender maintenant. et tous les essoigneors et lor tesmoins et lor pleges le doivent amender griement por lor aparte malice et por ce que il ont gabe la cort. Et si porra l essoignie apres ce fere ses essoignes autresi comme il n en eust onques nule fete. Q uant il les aura fetes et eles seront receues. il ne les porra pas autre fois noier en cort.

⸿ Et si doit l en savoir que quant l en fet une essoigne. tous cels qui firent celes de vant doivent estre presens.

Ci fini t le livre des usages et des establissemens et des diet droit corenc par Normendie.