P or ce que la malice de conueitise auoit si ardamment l umain lignage par paroles par discordes par dissentions quele auoit engendre et pes et concorde estoient chascies hors du monde autre si comme en essil. se la grant couuoitise ne fust refrenee et apaiee par drois et par lois.

⸿ Nostre sire qui est roi pesible et dreiturier et aime iustise uolt que les princes regnassent en terre qui donnassent par certaines lois les droiz et finassent touz les contens que discorde qui est contraire a pes puet engendrer.

⸿ Et por ce donc que les lois et les establisseDe loi appareissant. mens que les princes de Normendie establirent par grant porueance et par le conseil de prelaz et de barons et d autres sages hommes qui n estoient pas oncore arreste en certain siege ains foloient par diuerses langues si que nul memoire n estoit mais des anciens ains ert tout mis autresi comme en oubli. Je essaierai por le quemun profiet a rapeler les et a esclairier par laide de deu.

⸿ Et se ie ne puis tout faire aucune chose enferai ie si que par mon trauail soit esclairie par escritures a cels qui sunt et qui auenir sunt comment les plez doiuent estre finez. Mes por ce que riens ne puet estre troue parfet en ce que homme fait par estuide. ie requier a cels qui ceste oeure esgarderont que il amendent ce que il uerront a amender et metent ce qui ifaudra. et en ostent ce que lieu ne tendra et maident en aucune chose.