116. — Mais se l'acteur veult jurer ou soy rapporter au serement du deffensseur de la demande, quoy et combien il en est deu, le deffensseur sera tenu icellui serement prendre ou laisser en tant comme montera son fait personnel sceullement, quer il n'est pas tenu a prendre ou laisser icellui serement de chose qui airoit esté baillée a autry. Et se le dit serement par la manière dessus touchée ne veult prendre ou laisser, le deffensseur perdra sa cause.