⸿ Aucunes bestes sunt qui n ont point de banon. ains doiuent en tous tens estre gardees et les damages que eles font doiuent estre restores si comme chieures qui brostent les borions des arbres et des uignes et porceaus qui foillent les pres et les bles semes et totes bestes fraitieres et malfesans qui tous iors doiuent estre gardees et les damages que eles font doiuent estre restores.

Est guardé que les bestes trouvés en doumage les maistres, auquelles elles apartiendroint sont condamnés au xtotal doumage estimé, bien qu’il excede la valleur de la beste, sauf à recouver son resor en contribution sur autres. Les bestes, desquelz ont faict ledict doumage et, neanmoins, là où il n’i auroit de la guarde du maistre ou son prevost lors dudict doumage, il est raisonnable qu’il soit deschargé d’iceluy, quittant la beste pourveu qu’elle ne soit du nombre de celles qui doivent guarde par la coustume.

Si un doumage est poursuivi pour avoir esté faict en des grains et aultres fruictz inherens au fons la poursuite à leurs bestes n’est recevable si avant la receulte il n’a faict voir le doumage par le prevost ou sergent, presence de personnes qui le puissent estimer, en cela estant faict la poursuite est amiable.