⸿ Ensuyt le second prologue,

P Our ce que nre intention est / declarer en cest oeuure / au mieulx que nos pourrons / les droictz et les establissementz de Normendie / parquoy les contendz et les querelles1 sont finees / si quelun ne greue pas l’autre : et que a chascun soit rendue sa droicture. Nous voulons premierement monstrer les distinctions et les chapitres de chascune partie : si que cest oeuure en soit plus cler.

P Our ce que nostre intention est declarer en cest oeuure et cet. Par l inspection dudict prologue appert comme la matiere du liiure est diuisee en deux parties / et chascune partie en distinctions / et chascune distiction l par chapitres. Parquoy il est a entendre que chascune reigle doibt estre enten due selon la partie / diuision / ou chapitre ou elle est mise : et doibt on auoir sur ce grand regard. Contre ceste declaration / l’en peut aisi arguer.

⸿ Plusieurs reigles sont mises en aulcuns chapitres qui s entendent generalement et non pas seulement en la partie / distiction / ou chapitre ou elles sont mises / comme il est cler : parquoy celle declaration est defectiue.

⸿ Pour la solution de cest argument doibt l’en scauoir que audict coustumier sont mises plusieurs reigles / let quelles semblent entre elles auoir contrariete : et aultres ou il n y a aulcune semblance de protrariete de l’une a lautre. Et cestes sont entendues generalement aussi bien en en l’une partie du liure comme en l’autre. Et les aultres dessus touchees qui ont semblance de contrariete entre elles : se doibuent entendre chascune selon la partie / distinction / ou chapitre ou elle est mise. Et ainsi les peut l’en concorder. Et ne doibt l’en pas dire que le texte se contredie. Et ainsi appert la solution de l argument.