⸿ De iustice. Cha. iij1

I Vstice est vne vertu de droit qui faict en l homme ce parquoy il est dict iuste.

⸿ Aulcunesfois appelle l en iustice / vne destresse qui descend de droict qui est faicte sur aulcun : Sicomme l’en dict de aulcun qui iusticie bien ses hommes. Telle iustice est faicte par prendre meubles / ou fieu / ou corps.

⸿ Aulcunesfois appel le l’en iustice le bailly ou aultre iusticier quel conque / qui a pouoir de iusticier ses hommes : Sicomme l’en dict / La iustice du roy tient ses assises en ceste ville.

⸿ Aulcunes fois appelle l’en iustice / la peine qui est enioincte a aulcun par sa desserte : sicomme l’en dict. Je vy faire la iustice du roy / dun larron que ie vy pendre. De toutes ses manieres de iustice vse l’en souuent en court laye.

⸿ De iustice Chapitre. iij. I Vstice est vne vertu de droict etc. CAPITULUM Sur ce chapitre peut l en noter que iustice peut estre prinse en quatre manieres / selon ce qu il appert eu texte : iasoit ce que les quatre manieres soient bonnes / toutefois la premiere est la plus propre. Et aussi la dif finition de iustice peut estre entendue de diui ne iustice : comme qui diroit. Diuine iustice est vne constante et perpetuelle volunte / rendant a vng chascun son droict. Et selon ce / ladicte diffinition par ces termes ainsi dicte / est assez clerement entendue Et a ce qui est mis a ladicte diffinition / quelle rend a vng chascun son droict : s entend et veult dire / quelle rend a vng chascun selon ses oeuures. Mais icy on pourroit faire cest argument : Scauoir si ce estoit point iniustice de auoir autant donne a l ouurier qui veinst au soir / comme a celuy qui estoit venu des le matin : Laquelle chose toutesfois la diuine iustice loue. Auquel argument l’en peut respondre / que cela est mistiquement dict. Ou aultrement dire / que ce est dict pour la fragile iustice de l homme. Iustice aussi est vne vertu ferme constante et perpetuel le volunte / ne bleceant aulcun : mais rendant a chascun ce que luy ap partient / et rend iceluy iuste / qui icelle obserue ou veult obseruer. Iustice aussi differe de iugement et de equite : car iustice ( comme aulcuns dient ) est vne action droicte. iugement est vne discretion discernante le bien d auec le mal. et par equite est entendue vne pensee droicte. Iustice donc est et repose au coeur de cil qui veult delaisser le mal et selon la reigle de verite veult faire toutes ses oeuures. Item iasoit ce que droict et iustice different en plusieurs manieres selon la diuersite des cas : toutefois sont ilz comme tour vng : mais aulcunefois l en prent iustice pour droict selon ce que le cas le requiert : comme il peut bien apparoir par le texte.