⸿ De teneures. chap. xxviij.

N Ous dirons apres de teneures. Le ineure est la maniere par quoy les tenementz sont tenus des seigneurs.1 Une teneure est par hommage / aultre par parage / et aultre par bourgage et aultre par aulmosne Par hommage sont tenus les fiefz de quoy foy est pro mise expressement a estre gardee entre le seigneur et son homme / saulue la feaulte au duc de normendie. Et quand le seigneur recoit l hommage cil que le faict doibt ioindre ses mains entre celles de son seigneur / sicomme2 nous dirons eu chapitre ensuyuant. Les fiefz sont tenz par parage quand le frere oule cousin prent sa part de l’heritage a ses ante cesseurs / et il la tient de son ainsne / et respond de toutes les choses qui ap partiennent a sa partie du fief / et des droictures aux chefz seigneurs : icomme nous monstrons apres. Par bourgage sont tenus les fiefz / comme sont les masures que sont es bourgs / et gardent les coustumes des bourgs. Par aulmos. ne sont tenus les terres qui sont aulmosnces aux eglises. En aulcunes parties de Normendie sont terres tenus par bordage : quand aucune borde est baillee a aulcun pour faire les vilz seruices de son seigneur qu il ne peut vendre ne engager ne donner : ct de ce n est pas hommage faict. Ungs francz tenementz sont tenus3 sans hommage et sans parage en fief lay : et ce est faict par composition qui est faicte entre aulcunes personnes Sicomme se vng homme a vingt solz de rente sur vng fief / et en donne a vng aultre dix solz : et retient les aultres dix solz et hommage de son homme : cil qui tient le fief ne fera pas hommage a aultre : car il le tient par vng seul hommage. et tcl le teneure est appellee volumtaire / pource quel le est faicte par la volunte a celuy qui baille : et par celle a celuy qui recoit / et non pas de necessite d’heritage

⸿ L’en doibt scauoir qu il ya vne teneure de rente. Sicomme aulcun tient rente qui luy est assignee sur vne piece de terre / et la terre remaint a celuy qui la tient.

⸿ Unc aultre teneure est de terre. Sicomme aulcun tient d un aultre le fons d un heritage.

⸿ Une aultre teneure est de dignite : sicomme quand vng hom me tient d un aultre aulcune dignite Sicomme d auoir garenne / ou quettan ces en forest / ou en foires / ou d’auoir sergenteries / ou marchiez / ou moultes / ou aul cunes telles choses qui sont teneus des seigeurs sans fons de rente

⸿ De teneures. cxviij. N Ous dirons apres des teneures. Teneure est la maniere parquoy les tenementz sont tenus ldes seigneurs. Une teneure est par hommage l aultre par parage / aultre par bourgaige aultre par aulmosne. etc. Par ce texte appert qu il est qua tre manieres de teneures principales et generales / comme le texte le met / et desquelles l acteur traicte apres particulierement. Apres le texte met cinq manieres / qui ne sont pas principales ne si communes comme les aultres quatre deuantdictes : Et sont differentes des quatre premieres / et aussi l’une de l’autre.

⸿ La premiere est teneure par bordage : et est quand aulcun fief borde loge ou maison est baille a aulcun pour faire aulcun vil seruice a son seigneur / comme a estre bourrel ou aultre vil seruice. Et ne peut cil a qui la chose est ainsi baillee par telle maniere la vendre donner ne engager pour ce qu elle luy est baillee par telle forme de tenir

⸿ La seconde est teneure volumtaire / et est quand vng fie est tenu sans hommage et sans parage en fief lay par composition faicte entre aulcunes personnes : sicomme s aulcu a vingt solz de rente sur yng fief qui est tenu par lesdictz vingt solz : celuy qui tient le fons le tient par teneure voluntaire : et ce cil a qui la rente est deue en a donne dix solz a vne aultre homme et retient les dix aultres solz : le donneur ne pert pas pource le droict de teneure. Et est ap pellee teneure volumtaire quant a ce / pource quelle est faicte par la volunte de ci qui donne la rente et de cil qui la receut / non pas par necessite d’heritage

⸿ La tierce teneure est quand aulcun a rente sur vng heritage : cil qui a ladicte rente la tient du seigneur du fief / euquel fief l’heritage qui doibt la rente est assis : et est appellee ceste teneure teneure de rente

⸿ La quarte est appellee teneure de fons. et est sicomme se vng homme fieffe sa terre a vng aultre par rente / le fons est tenu du fieffeu ou de cil qui a la rente dessus. Et n est pas a entendre au regard des nobles tenantz de qui on tient par hommage : car c est vne teneure distincte et differente de ceste. caisest a entendre seu ement de ceulx qui ont rente non noble sur aulcun fons Car au regard d eulx la teneure est ap pellee teneure de fons.

⸿ La quinte maniere de teneure est teneure de dignite ou de franchise eu fief d aulcun seigneur sans teneure de fons / sicomme seroit da uoir droict de chasse es boys du seigneur ou de mouldre franc son moulin / ou telles choses. Cil qui a telle dignite ou franchise la tient du seigneur / au quel fief il a celle dignite sans fons de terre.