In textu ibi.

De langueur

Quid ſit languoɿ eclarat textzin ca.ill.§.itaxv.c.i.vbi icit  carnis ifirmitas upliciter intelligitur.Eſt em̄ lāgnoɿ nature qui carnis cōcupiſcētia appellatur que verius ale infirmitas ici poteſt.ſed ideo carnis ffirmitas icitur:quia accidit ale ex cōiuncte carnis coɿruptione. Eſtalia infirmitas q̄ pɿopɿie carnis icitur que elementoɿū ſeu humoɿū concoɿdia turbata ipſa caro afficitur:et tandē iſſoluitur.Vide per Luc.de pen.i.l.nuilz ſolis.de ecurio.lib.x.C.S.le rou.

⸿ De langueur. xl. L Angueur prolonge le plet. Quand trois exoi f nes sont faictes / l’en doibt commander que / la personne qui a este exoniee etc. Sur ce tex te peut on faire vne telle question. Scauoir quand les trois exoines sont faictes / se iusti ce doibt commander de son office que l exoinie soit veu : affin de scauoir s il iurera langueur / ou s il viendra a court. ou se de la partie a l exoineur doibt estre requis a iustice que l’en voise deuers luy et qu ’ il iure langueur / ou de par ser attournee.

⸿ L’en peut respondre a la question / que quand les trois exoines sont faictes / iustice doibt commander que l exoinie soit veu / affin de scauoir s il iurera langueur / ou s il viendra a court. Par lequel texte l’en peut innuer que ce soit faict d office de iustice / et non pas a la requeste de partie aduerse. et neust point le texte mis ainsi precisement ( len doibt commanderance neust este pour denoter le commandement de iustice. Et aussi vne restriction / que partie n est pas tenue alleguer contre soymes mes : mais appartient au iuge et a partie aduerse a le faire restraindre / se il se vouloit plus faire exoiner : car se il enuoyoit encore exoines de sa maladie / on ne le pourroit pas mettre en amende par iugement / pour l apperte necessite de sa maladie qui l empesche de venir. Et qui argueroit contre ceste opinion / en disant que il n y chet que trois exoines de mal resseant / et que s il en auoit plus on ne les recepueroit pas / et par ce debueroit estre mis en amende par iugement. L’en pourroit respondre qu il ne s ensuyuroit point qu il doye estre mis en amende par iugement. Mais le texte met qu il n y a que trois exoines / affin qu on n arreste plus pour aultres exoines. Et pour ce le iuge doibt commander a la tierce exoine que l exoinie soit veu / affin qu il iure langueur ou qu il vienne a court : car qui ne le commanderoit a la tierce exoine le plet pourroit estre alonge par l excusation de sa mala die / qui empescheroit qu il ne fust mis en amende par iugement : et apres tout ce, quand on yroit deuers luy po ͬ scauoir s il iureroit langueur / s il la vouloit iurer il auroit encore terme d un an et iour / et pour telles langueurs reiecter met le texte qu il ne chet en aulcun cas que trois exoines de mal resseant. Et quand la tierce exoine est faicte / que l exoinie soit veu. scauoir s il iurera langueur ou s il viendra a court.

⸿ Item sur ce que dict est on pourroit doubter. quand les trois exoines sont faictes se l’en ne commandoit point que l’en allast deuers l exoinie : scauoir s il iureroit langueur ou s il viendroit a court : ou que on n y allast point : et aussi qu il n y enuoyast plus aulcunes exoines : scauoir se on le debueroit mettre en amende par iugement.

⸿ L’en peut arguer que ouy : car le iuge ne peut pas auoir memoire des excusations de la maladie de l exoinie : mais la doibt venir verifier / ainsi sensuit que se il ne vient iurer / que l’en le peut mettre en amende par iugement.

⸿ a ce doubte l’en peut respondre que le iuge ne le peut pas mettre en amende par iugement. ne le traicter par voye si d estroicte : mais doibt commander qu il soit veu : affin de scauoir s il iurera langueur ou s il viendra a court : et ce appert par le texte qui met. Quand les trois exoines son faictes / lon doibt commander etc. Et iasoit ce que le texte mette qu il n y chet que trois exoi nes de mal resseant : si ne veult il pas innuequil doye pource estre mis en amende par iugement : ne qu il le doye par ces trois exoines forclorre / que le proces ne s arreste encore par sa maladie. Et ce peut assez apparoir par le texte qui met. Quil peut iurer langueur quand les trois exoines sont faictes etc. Mais le texte le met pour denoter que on ne doibt attendre plus que les termes de trois exoines / qu il ne soit contrainct a venir en court ou a iurer langueur.

⸿ Et a l argument que le iuge ne partie nont point a scauoir ne auoir memoire des excusations. L’en peut respondre que par la tierce exoine et excusation de la maladie / iustice doibt a ce terme commander que l exoinie soit veu affin qu il iure langueur s il veult.

⸿ Apres le texte met.

⸿ La personne de l exoinie soit veue au lieu que l exoineur dist qu il gisoit malade etc.

⸿ Par ce texte doibt on noter que l exoineur doibt dire le lieu ou l exoinie gyst malade / et par especial quand on luy demande.

⸿ Apres le texte

⸿ Et si doibt estre mis iour a celuy qui a este exoinie et a son aduersaire etc. Sur ce texte doibt on noter qu il suffit de dire a l exoineur qu il apporte la tierce exoine le iour qui sera assigne pour aller a l exoinie scauoir s il iurera langueur.

⸿ Item le texte met.

⸿ Et si doibt le bailly aller et mener au lieu quatre cheualiers ou plus / et huict loyaulx hommes etc. Pour la declaration de ce texte doibt on noter que iasoit ce qu on ne vse pour le present de ce record de iurer langueur / si en vsoit on anciennement plus qu on ne faict / pource qu on ne prenoit pas lors si communement lettres des exploitz de iustice que l’en faict a present / qui est vse pour escheuer le trauail du peuple / et les inconuenientz qui peuent aduenir par la mort des recordeurs etc.

⸿ Item l’en doit noter qu il souloit estre plus de cheualiers qu ’ il n est a present : car chascun qui tenoit fief de haulbert / estoit contrainct a estre cheualier quand il venoit en aage : comme il appert par le texte du coustumier en latin / eu chapitre qui met en la seconde distinction / euquel il traicte de lost au prince et des seruices des fiefz. Ex predictis pa tet cy non immerito anglorun temporibus solebat in Normania vti / g omnes feodu lorice possidentes / equos et arma tenebantur habcre : et cum ad etaten viginti vnius anni deuentrent / cum militibus tenebantur promoueri : vt prompti et parati ad mandatum principis vel dominorum suorun inuenirentur. Ces choses nontees l’en peut dire que le texte ne met pas quatre cheualiers pource qu ilz y soient requis necessairement : car ilz n y sont pas requis a rigueur. comme il appert par le texte qui met disiunctiuement. Et mener auec luy quatre cheualiers ou plus : ou huict hommes loyaulx. Mais le met pource que anciennement il estoit plus de cheualiers qu il n est a present comme dict est. Et il est bon de les auoir / qui les peut auoir de legier.

⸿ Item iasoit ce que le texte dyesou huict loyaulx hommes ail ne les met pas pour ce qu ilz soient requis necessairement : car le record suffiroit en ce cas par quatre cheualiers estre faict / comme il peut apparoir p le texte eu chapitre de loy qui est faicte par record de veue d homme : mais il met affin que le recore ne demeure estre faipar la faulte de suffisant nombre de recordeurs. Et son faisoit doubte pourquoy le texte ne met aussi bien huict cheualiers comme huict loyaulx hommes. L’en peut respondre que cest pour denoter que cest plus pour escheuer le trauail des cheualiers que des populaires.

⸿ Item l’en doibt scauoir que ce texte n est pas si necessaire qu il ne suffise / se le iuge estoit alle au lieu au iour assigne. et l exoinie iuroit langueur deuant luy en presence de partie et lettre en estoit portee / ou il estoit recorde par le iuger sans ce qu il y eust cheualiers ne aultres hommes / et tiendroit et auroit fermete / sans ce qu il fust besoing d’auoir aulcun record que celuy du iuge, ou la lettre qu il en at roit donnee / qui equipole et vault autant comme s il estoit recorde par quatre cheualiers ou par huict aultres nobles hommes. Mais mieulx est de faire selon coustume : et seroit simplesse au iuge de faire aultrement / se faire le pouoit de legier : car il luy est baille pour instruction ainsi comme est le chapitre de iugement / en tant qu il parle de u ger d opinion. Aussi n est pas mis ce texte pource qu ’ il soit necessaire d en vser / comme dict est : mais il demeure a la discretion de iustice et de raison / pour qui l instruction est baillee principalement.

⸿ Item le texte met.

⸿ Quilz ne soient pas souspeconneux. Il ne veult pas innuer que le souspecon de ceulx que le iuge prendra a mener auec luy pour iurer la langueur chee entre parties precisement / pour empescher que le iuge ne les mene auec luy pour veoir iurer la langueur : mais gist et demeure ce texte a la discretion et office de iustice / combien que les parties soient ouyes sur le faict des recordeurs / et cheroit entre eulx silz se mettoient en faict sur ladicte langueur.

⸿ Item par le texte qui met de ceulx qui viennent par semon se doibt on entendre que les parties n en doibuent pas prendre ne estire ceulx qu ’ ilz appelleront a iurer ladicte langueur : mais doibuent estre prins et menez d office de iustice. Et aussi n est pas a entendre se le iuge en treuue au pays qu ’ il ne les puisse bien prendre / s il voit en sa conscience qu ilz ne fussent point souspeconneux / iasoit ce qu ilz ne fusser pas venus par sa semonse.

⸿ Item apres le texte met.

⸿ Et s il treuue cil qui a este exoinie la iustice luy doibt dire et demander lequel il aime mieulx venir a court ou a iurer langueur : et s il dict qu il viendra a court / il en doibt donner pleges etc. Par ce texte appert qu il est en la liberte de l exoinie de venir a court ou de estlire de iurer langueur : et s il estit de venir a court il en doibt donner pleges / lesquelz iustice recepuera de son office.

In textu ibi.

La iustice.

hic ſumitur iuſtitia pɿo ei᷒ miniſtro: vide ſupɿacap.iij.e iuſtice.⁊ que ibi ſcripſi. Guillermus lereuille alenconienſis.

⸿ Apres le texte met.

⸿ Et si luy doibt on commander qu il ait ses exoineurs auec soy au iour / pour scauoir les exoines comme ilz debueront etc. Pour declaration de ce texte doibt on scauoir que anciennement quand vne exoine de mal resseant estoit apportee / cil qui l apportoit auoit tesmoing et encore feroit on qui vouldroit / selon ce qui est ce dessus declare. Et le texte le met a fin que iustice soit plus encline a recepuoir l exoine : et non pas pource qu ’ il soit requis necessairement que l exoineur ait tesmoind quand il apporte l exoine : car il suffiroit quand l exoinie viendroit verifier son exoine qu il eust son tesmoing  : toutesfois silexoineur qui apporta l exoine eust eu tesmoing qui eust iure la verification d icelle ainsi qu il appartiendroit a faire en tel cas : il suffiroit / et ne fauldroit plus de tesmoing. Et ce peut apparoir par le texte qui met. Que l exoine de mal resseant veult auoir tesnoing / et ne met pas qu il y faille tesmoings.

⸿ Item l’en doibt scauoir que anciennement quant au cun apportoit en court exoine de mal resseant on ne recepuoit pas son serment iusques au iour que l exoinie venoit a court pour verifier son exoine : et ce peut apparoir p le texte qu ’ il met cy deuant. Richard auoit iour en court contre Guillaume / il est malade de mal resseant i qu il ne peut venir en ceste court / ne a aultre par sante de son corps : et de ce ay ie tesmoing et garant. Maintenant doibt le tesmoing dire. Je le vy et ouy / et suis prest oen faire l esgard de la court. Et ne met point que l exoineur iure ne le tesmoing aussi : mais met seulement que le tesmoing offre faire l esgard de la court. Et aussi met apres que on doibt commander a l exoinie qu il ait auec luy ses exoineurs quand il viendra en court pour sauluer ses exoines / sicomme ilz debue ront : parquoy il peut apparoir que anciennement les exoineurs ne faisoient serment iusques a ce que l exoinie fust venu a court.

⸿ Item l’en doibt noter qu il suffit que cil que est exoinie ait vng tesmoing qui luy aide a verifier son exoine / soit son exoineur ou aultre. Et ce peut apparoir par l usage sur ce notoirement garde.

⸿ Les choses no tees on peut dire que ce texte qui met que l exoinie doibt auoir auec soy ses exoineurs : le met affin qu ilz facent le serment des exoines qu ilz ont apportees : c est assauoir que l exoinie les auoit chargez d apporter les exoines / ainsi comme il est acoustume de faire en tel cas  : pour ce que anciennement ilz ne faisoient point le serment iusques a ce que le iour fust venu que l exoinie viendroit a court comme dit est : mais a present on vse de faire iurer l exoineur / aussi se les tesmoings vont au iour qu ilz appor tent les exoines affin d escheuer le trauail des exoineurs et de leurs tesmoings. Et pour consoner a l usaige de present on peut dire que le texte qui met que l exoinie au iour qu il vient a la court doibt auoir auec soy les exoineurs : ne le met pour ce qu il soit necessairement requis de rigueur de droict de le faire ainsi : mais s entend et rappor te ce texte a la discretion de iustice / se elle voit que le cas le requiere.

⸿ Ou l’en peut dire que ce texte presuppose / que les exoineurs neussent pas faict le serment au iour qu ilz apportent les exoines. Et pour ce met ce texte que quand l exoinie vient a court / il doibt auoir auec soy ses exoineurs / affin de ve rifier les exoines qu ilz ont apportees / selon ce qui est acoustume en ce cas. Et ainsi appert que le texte et l usage de present ne repugnent point.

⸿ Item l’en doibt noter que cil qui apporte l exoine ne doit pas estre contrainct a iuret de la maladie : s il ne luy plaist : mais il doibt iurer que l exoinie le chargea de apporter l exoine : et si doit iurer le lieu ou il le laissa malade e on luy demande / et l exoinie iurera la maladie et si iurera en oulre qui chargea l exoineur d apporter l exoine son luy demande. Et ainsi fault que l exoine de mal resseant soit verifiee et par l’un et p l’autre : c est assauoir par le serment de l exoineur et de l exoinie : et n est pas semblable comme exoine de voye de court : car il suffit quelle soit verifiee par l’un et par lautre / ainsi qu ’ il appert par le texte.

⸿ Apres sensuit eu texte.

⸿ Sil veult iurer lagueur / il la iurera en ceste forme : qu il croit auoir telle maladie qu il n a pas esperance d en guarir en l an et iour etc. Sur ce texte on doibt noter que s il iure langueur et il guarist plus tost qu en l an et iour / il ne seroit aulcun mestier d attendre que l an et iour fust acomply pour venir a court : mais y pourroit on venir si tost que partie seroit garie. Toutesfois fauldroit il que partie qui vouldroit contraindre l’autre a proceder au deuant de lan et iour passe / luy fist faire assignation. Et est en la vertu de celuy qui est gary de contraindre sa partie a proceder au deuant l an et iour passe / mais que partie y ait assignation. et aussi est il en la liberte de partie aduerse d en contraindre sa partie semblablement / puis qu il est gary ou qu il ya assignation.

⸿ Item apres le texte met.

⸿ Les cheualiers et les aultres qui seront presentz a iurer la langueur doibuent venir es premieres assises etc. Sur ce texte on doibt noter que se le iuge auoit baille memorial comme l exoinie auoit iure la langueur / il ne se roit ia besoing de faire venir a court les cheualiers ne les aultres qui auroient este presentz a veoir iurer langueut pour la recorder : car le memorial vault et suffit pour tour record : toutesfois se partie vouloit ouyr iustice / on les y pourroit faire venir : car cest approbation de la chose Ce texte n est pas necessaire : car il se peut bien faire aultrement que ce texte ne met.

⸿ Item apres le texte met.

⸿ Et sit ne treuue l exoinie eu lieu ou l exoineur disoit qu il gisoit malade etc. Ce texte ne veult pas innuer que se l exoinie se estoit party du lieu ou les exoineurs disoient qu ’ il estoit malade / si que le iuge ne luy eust peu trouuer / qu ’ ilz deussent estre en amende : car il n y auroit point de leur faulte  : et seroit la faulte de l exoinie. Mais veult ce texte inuer que s il y a faulte es exoineurs et a l exoinie / que les exoineurs l amenderont : et aussi l exoinie amendera ses defaultz : et en ce que le texte presuppose.

⸿ Apres le texte met

⸿ Et s il nye qu ’ il nenuoia pas les exoines qui ont este faictes et il offre a desrener / la desrene sera prinse etc. L’en doibt noter que celle desrene se feroit par le serment de l exoinie. Toutesfois cil qui apporta l exoine seroit receu a proceder contre l exoinie / qui auroit charge d apporter l exoine.

⸿ Item apres le texte met. Mais s il nye aultresfois qu ’ il ne les enuoya pas / il ne sera plus ouy Len doibt scauoir que l acteur mist telle restrinction / affin descheue longueur de proces.

⸿ Apres le texte met Le corps de l exoinie doit estre veu p preudz hommes etc. Ce texte ne veult pas innuer que son apperceuoit fallace a l exoinie / cest a dire qu ’ il se geust par faintise et non pas p maladie  : on ne le debueroit pas receuoir a iurer langueur : mais le debueroit amender / et ne l en debue roit ou point croire par son serment : et de ce a l en veu vser a l eschiquier et ailleurs / en reprouuant plusieurs faulses. exoines : mais il fauldroit que la faulsete fust approuuee. Et aussi p le texte peut apparoit que excusation de maladie n est pas seulement faicte pour auoir le record de iu rement de langueur : mais auec ce pour veoir se l exoinie qui se gist est malade / ou s il fainct / comme il peut apps roir par l inspection de ce texte.

⸿ Item par le texte aussi peut apparoir qu il est plusieurs manieres d exoines : l un ne de maladie en maison / l’autre en venant a court / l’autre par empeschement de chartre pour terme auoir / pour guerre / pour pelerinage / l’autre pour marchandise : toutesfois ce texte depuis le paraphelle corps de l exoinie doibt estre veu par preudz hommesaiusques au chapitre de gesines n est trouue en gueres de coustumiers.

⸿ Sur ce chapitre on peut faire vng tel doubte. Se les bas iusticiers peuent bien faire iurer langueur en leur court

⸿ L’en peut respondre que ouy : car puis qu ilz ont la cognoissance d une cause / ilz peuent faire les exploictz appartenantz a icelle. Et iasoit ce que le texte mette cheualiers : si n est il pas necessaire qu ilz y soient : mai. suffi roit d aultres preudz hommes. Et oultre combien que le texte parle du bailly / pour faire iurer langueur : si le peuent aussi bien faire les aultres iusticiers : comme il appert par l usage sur ce notoirement garde.