Si vous souhaitez signaler des coquilles dans ce passage, vous pouvez écrire à Morgane Pica (ingénieure d'étude du projet), en précisant l'URL et le titre du passage.

⸿ De vefuete de femmes. chapi. xlij.1

L A veufuete de femme que n a pere / ne mere / frere /2 filz ne nepueu que soient en aage : ne qui la tiennent en leur main / ne qui auec elle ayent possession de meuble ne de fief : prolonge la fin des pletz et a terme d’auoir conse il iusquo a vns ast et vng iour. Et quand ce terme sera passe : elle se doibt presenter deuant iustice / pour mener le plet qui est commence.

⸿ Et ce terme que3 les femmes vefues ont pourra chascun auoir4 contre elles : sicomme aulcuns dyent.

⸿ Ceste exoine5 a lieu es querelles qui sont meues de propriete de heritage. Mais enquestes pour ce ne remaindront6 pas.

1

In textu ibi.

De veufuete de femmes.

Vide que ſcripſi e viduis.in capi.e monneage.in additione.v.

2

⸿ De veufuete de femmes. xlij. L A veufuete de femmes qui nont pere ne mere etc. L’en doibt noter que anciennement l’en vsoit de ce texte ainsi qu ’ il gist : mais pour le present on n en vse point. Et pour l accordance de ce texte a l usage de present / dient que le texte qui met que la vefuete des femmes prolonge les querelles / se entend qui ne les pouruoirroit de conseil : car qui les pouruoirroit la cause de ceste dilation cesseroit / et par consequent l effect. Et les aultres dyent que l en vseroit encore a present du texte ainsi qu il gist. qui trouueroit vne femme vefue de la condition que le texte declaire : mais pour ce que on n en treuue gueres de telle condition / n est pas la practique de ce texte si notoire comme s il fust souuent practique. Et est ceste opinion consonante au tex te et plus selon l intention de l acteur.

3

⸿ Apres le texte met.

⸿ Et ce terme que les femmes veufues ont / pourra chascun auoir contre elles etc. Par ce texte peut apparoir que aulcuns anciennement auoient opinion que chascun pourroit auoir tel terme contre elles / comme elles auoient contre leurs parties : et fondent leur opinion pour recompenser ceulx contre qui les vefues femmes pourroient auoir terme : mais pour le present ceste opinion n a point de lieu : et raison ne si acorde : car si aulcun a cause de delayer plet pour aulcune exoine / ou pour aulcune excusation raisonnable : il ne sensuit pas pourtant que partie qui n a point cause de ce faire doye semblablement delayer.

4

In textu ibi.

Pourra chascun auoir contre elles etc,

per regulam illam non licet actoɿi quod non liceat reo.in c.nō licet e regu.iur.lib.vj. Quis autem ſit fauoɿabilioɿ reus an actoɿ/et in quib᷒/ vide ample p Jaſpoſt Bar.Bald.Angel.et Paul.e caſt.in.l.e ie.ij.et.iij.col.ff.qui ſatiſda.cog.et ibi ample. Guiller.le rouille alencoñn̄.

5

⸿ Item apres le texte met.

⸿ Ceste exoine a lieu es querelles sont meues de propriete de heritage / sauf les querelles qui se terminent par enqueste. c est assauoir d enquestes qui se determinent par establissement : sicomme sont les querelles de briefz / et non pas des enquestes de droict. Les querelles qui se determinent par establissement sont exceptees du texte dessuss  : et n y auroit point de lieu exoine de veufuete / neantmoins que telles querelles fussent proprtetaires.

6

In textu ibi.

Mais enquestes pource ne remain. etc.

Facit tex.in.l.ſieum.§.qui iniuriarum.ff.ſi quiscaux.vbi icitur  ſi reus vadit per ſubterfugiaet per eum ſtat quominus lis conteſtetur / habetur pɿo conteſtata/et ad hoc tex.ille eſt ſingul.m oeto.ibidem . Guil.le rouille.