⸿ De terme non suffisant. Chapitre. xlix.

S E aulcun a terme1 de respondre de son heritage a moins de quinze iours il conuiendra que le tere me et le plet soient alon gez iusques a quinze iours au moins.

⸿ De terme non suffisant. xlix. S E aulcun a terme de respondre. etc. CAPITULUM Sur ce texte on doibt noter que la cause pour quoy on a terme de quinze iours si est pour soy aduiser.

⸿ Et si doibt on scaluoir que se partie proposoit contre luy / l mne respondroit point se il ne vouloit / se l adiournement n avoit quinze iours / mais emporteroit iour auenant. Sur ce chapitre on peut faire deux doubtes. le premier secil qui est adiourne ne vient a iour / et n a pas l adiournement quinze iours / et il est mis en default : scauoir se le default est amendable.

⸿ L’en peut respondre que le default n est point amendable / se l adiournement n a. xv. iours : et ne pourroit l’en faire iugie contre luy. Et neantmoins que on requiere iour auenant quand on vient a court / si n est ce pas qu il soit besoing de le venir demander : car il n est aulcun besoing de venir a court qui ne veult / iusques a tant que l adiournement ait quinzaine

⸿ Le second doubte si est / scauoir se en ce cas de iustice ou d opposition a vng decret : se l adiournement deburoit auoir quinzaine ou non. Sn peut arguer que ouy par le texte / car ce seroit cas heredital /

⸿ a ce doubte peut on respondre qu il ne fault point que l adiournement ait quinzaine / pource que cil qui sop pose ou qui faict la deliurance / doibt bien scauoir la cause pour quoy : et n a point de lieu en ce cas la cause pour quoy la dilation est donnee / mesmement que l adiournement donne en tel cas / ne se faict pas a requeste de partie. Mais en ce cas de doleance / le defendeur d icelle auroit quinzaine / pour ce que le porteur de la doleance est acteur en iceluy incident / et ne peut bonnement scauoir partie aduerse ce que le porteur de la doleance veult dire contre luy / et pource la dilation a lieu en ce cas. Et l argument au contraire / on peut respondre que le texte parle et s entend de ceulx qui se font a la requeste de partie / et non pas de ceulx qui se font d office de iustice / comme en cas d opposition et de deliurance : car la cause du delayement n y est pas telle concomme es aultres causes comme dict est.