⸿ De eschiquier. lvj.1

L En appelle eschiquier assemblee de haultz iusticiers / a qui il appartient amender ce que les bailifz et les aultres mendres iusticiers ont mal faict et mauluaisement iugie / et rendre droict a vng chascun sans delay / ainsi comme de la bauche au prince. et a garder ses droictz / et rappeller les choses quė ont este mises mauluat sement hors de sa main et a regarder de toutes partz ainsi comme des yeulx au prince / toutes les choses qui appartiennent a la dignite et honnestete au prince.

⸿ tout ce que l en faict en eschiquier par solen nel iugement / doibt estre garde fermement. Nous appellons solen nel iugement ce qui a este iugie p accord en plain eschiquier quant l’en a ouy l opinion de chascun.

⸿ Et se aulcuns le contredient pourtant que leurs opinions soient cassees par certaines raisons :2 elles ne doibuent pour riens estre comptees en iugement.

⸿ De eschicuee. aoux o. iij. L En appelle eschiquier assemblee de haultz iusticiers a qui il appartient a amender ce que les baillifz et haultz iusticiers. etc.

⸿ Sur ce texte on peut faire vng doubte. Scauoir s il appartient a l eschiquier a corriger ce que les vicontes et plus bas iusticiers ont mal iugie.

⸿ L’en peut arguer que ouy : par le texte qui met les baillifz et aultres iusticiers. L’en peut respondre a ce doubte que par voye ordinaire il n appartient pas a l eschiquier a corriger ce que les vicontes et aultres iusticiers au dessoubz du bailly ont faict : mais fault garder l’ordre qui est en ce cas. Car ainsi que les vicontes doibuent corriger ce que les bas iusticiers qui sont soubz eulx ont mauluaisement iugie : Les baillif doibuent aussi corriger les vicontes / et l eschiquier les baillifz sans faire traigression du siege. Toutesfois l eschiquier qui represente la personne du prince / doibt par tout regarder / ainsi comme des yeulx au prince : peut par sa souuerainete corriger tous ce que les aultres iusticiers ont mal iugie. Mais p voye ordinaire on doibt garder l’ordre dessus declaire, sans faire transgression de siege. Et quant a l argument l’en peut dire qu il appartient au iuge graduellement l’un apres lautre selon l’ordre dessus declaire. Et n entent pas le texte que de viconte on vienne tout droict a l eschiquier par voye ordinaire : mais conuient passer par assise. Ainsi apert la response au doubte.

⸿ Item l’en doibt scauoir que iasoit ce que l’en n appelle ne puisse doloir de ce qui est faict en eschiqer. Toutesfois dient aulcuns que on pourroit bien propo ser erreur contre ce qui seroit fait en eschiqer : non pas en disant qu on eust mal iugie, mais en disant que les iugeurs n auroient pas bien entendu les raisons / dont on debuoit faire iugement / combien que telle proposition d erreur ne fust iamais trouuee en vsage. Et n est pas senblable comme seroit en la court de plement / ou il en est aucunesfois vse.

⸿ Item le texte met a la fin de ce chapitre que pleiges soient prins de suyr sa plainte. Il s entend si le cas estoit tel / que pleges en doibuent estre baillez ainsi qu il appert par coustume escripte qui declaire plusieurs cas enquoy il conuient bailler pleige : et aussi par l usage sur ce notot rement garde. Et ne veult pas le texte innuer que en tous cas il conuienne bailler pleige.