⸿ De plainctes. lvij.

P Ource que a terminer les querelles a quoy les droictz / les loyx / et les coustumes tendent : conuient que cil qui se plainct et celuy de qui on se plainct demenent la querelle en court : et que la plaincte en soit auant faicte / et pleges donnez de la suyr : nous dirons premierement de plainctes. Plain te ou clameur est quand aulcun monstre a la iustice en soy plaingnant le tort que luy a este faict : affin qu ’ il en puisse auoir droict en court

⸿ Les iusticiers peuent recepuoir les cla meurs et les plainctes /1 et assigner iour de en pleder : et prendre pleges de suyr les clameurs qu ilz font.

N Ous dirons de plainctes. L’en doibt scauoir que plaincte ou clameur est quand aulcun monistre a iustice en se plaingnant / le tort qui luy a este faict : affin que droit luy en soit faict en court

⸿ La iustice peut recepuoir / les plainctes et les clameurs / et assigner iour de pleider / et prendre pleiges de suyr. etc.

⸿ Sur ce que dict est l’en peut faire vng tel doubte. Scauoir qui doibt recepuoir les pleges d aulcune querelle / ou la iustice / ou le sergent.

⸿ a ce doubte l’en peut respondre que cest l office du sergent de recepuoir les pleges : et que ces motz contenus eu texte que ( la iustice doibt recepuoir. et ce que sont prins generale ment. Car vng sergent ou preuost peut estre dict et aspelle iustice / pour ce qu ’ il peut recepuoir les plainctes et les clameurs / et assigner iour de plaider.

⸿ Et aussi a cause de la reception d iceulx pleges / et de respondre de leurs exploitz : ilz sont subiectz de bailler pleges quand ilz sont istituez sergentz. et non pas les iuges que ne sont pas responsables de leurs exploitz en Normendie : s il n y auoit aulcun abus / frau de / ou malice par eulx omise eu fait de leursdictes offices / en quoy on procederoit contre eulx par voye de reformation.

⸿ Item par ce texte on doibt ne ter que iasoit ce qu il mette qu il baille plege. si ne sentent il pas pourtant qu il conuienne bailler plege en tous cas : mais / eulement es cas acoustumez par l usage sur ce no toirement garde / ainsi que la coustume le declaire.