Si vous souhaitez signaler des coquilles dans ce passage, vous pouvez écrire à Morgane Pica (ingénieure d'étude du projet), en précisant l'URL et le titre du passage.

⸿ De cil de qui on se plainct. Chapitre. lix1

L E querelle est cestluy de que la plaincte est faite a la iustice2 affi quelle en face droict sicomme elle doibt : de qui pleges doit uent estre pris et iour luy doibt estre mis et assigne aux premiers pletz se il ya espace de quinze iours : ou aux assises se la cause est telle quelley doie estre mise.

1

In textu ibi.

De cil de qui on se plainct et c.

Quādo accuſatus ebeat fideiuſſoɿes relaxare,xvide oc.in.l.nem puberes.§.i.ff.e in ius voc.⁊ in.l.iuus.la pɿemiere.ff.de cuſto.et exhi.re.l.nemo ubitat. ff.de regu.iur.vide que ſcripſi in gloſ.conſuetu. Cenomanie. artic.lxxxj.glo.j.Quillermus le rouille alencoñ.

2

L E querelle est cil de qui la plaincte est faicte a iustice affin quelle en face droict / sicomme ellle doibt. et cetera.

⸿ L’en doibt noter que le texte par ces motz. De qui pleges doibt estre prins : ne veult pas dire que en tous cas il conuienne bailler plege : mais il veult dire que on le doibt prendre se le cas le requiert / ainsi que dessus est dict. Et si le met pour innuer qu on prent aulcunesfois pleges du defenseur comme de l acteur : mais non pas en tous cas.

⸿ Item l’en doibt noter par ces motz ( s il ya espace de quinze iours a que le texte en ce cas s entend des querelles hereditales / qui requierent assignation de terme de quinze iours / non pas que se l adiournement auoit moins qu il fust pource de nulle valeur : mais en denotant que partie ne respondroit point se il ne luy plaisoit : mais en pourroit delayer et auoir iour auenant : et ainsi se le default est prins au deuant de quinzaine / il ne seroit pas amendable. Et pource met le texte que l adiournement doibt auoir quinze iours de terme.