⸿ De roberie. lxxj.1

D E roberie l en doibt scauoir que clameur en doibt estre faicte en ceste forme. Je me plaing de G. qui en la paix de dieu et du duc massaillit / et me batit / et me fist sang et playe / et me tollit ma chape en roberie  : pour quoy il me conuinst crier haro. Se l’autre le nye mot a mot et il offre a soy defendre. l’en doibt premierement faire enqueste du haro par ceulx euquel voysi ne il deust estre crie / ou ceulx qui y furent presentz. Et se ilz dyent et tesmoignent que ilz ouyrent le haro de la roberie / lors doibuent les gaiges de la bataille estre receuz en la maniere que nous auons dict. Et ceste loy doibt estre menee selon la forme qui a este dicte deuant.

⸿ De roberie. Chapitre. lxxi

D E roberie doibt l en scauoir que la clameur doibt estre faicte en ceste forme. Je me plaing de R qui en la paix de dieu et du duc massaillit en fellonnie et me batit et me fit sang et playe etc. Par ce texte peut apparoir que auant qu on puisse faire suyte de roberie / il conuient qu il y ait eu sang et playe et cry de haro ou aultrement on n en pourroit suyure de gaige : et la raison est pour abatre les faulses plainctes et clameurs que les puissantz et fortz hommes pourroient faire contre les fiebles / en leur imposant crime de roberie ou de larcin : et pour ce y sont requises les deux conditions dessusdictes auant que on en puisse faire suyte : af fin qu il y ait apparence en la plaincte et clameur que faict le suyteur / ains qu on en puisse suyr de gage / et ne est pas semblable comme de meurdre : car tel les conditions n y sont point requises  : pource qu il ya aultres apparences pour faire suyte : c est assauoir le meurdre dont il conuient auoir certain enseignement / comme cy dessus est declaire eu chapirre de meurdre. Et p ce que dict est sensuit que de larcin qui est fait furieusement / l’en ne peut suyr de gaige. Car les conditions dessusdictes n y sont ne pe uent estre / par especial le sang et la playe : car se ilz estoient auec le haro / ce seroit roberie : et ainsi different roberie et larcin : car roberie est faicte a force et a cry de haro / et malgre celuy que on robe en sa presence. Et larcin se faict furtiuement en derriere et absence de celuy a qui on emble.

⸿ Item l’en doibt noter par le texte qui met que l en doibt premierement faire enqueste de haro etc. Que ains que on en puisse faire suyte de roberie / il conuient qu il y ait information precedente qu il y eust haro : pource que cest vne chose necessairement requise pour faire la suyte.

⸿ Et se on demandoit pour quoy le texte ne met que on face information de sang et de playe. L’en pourroit respondre que la cause est pource que la playe est de soy apparente / qui suffit pour information : et ainsi n est pas du cry deharo.