Si vous souhaitez signaler des coquilles dans ce passage, vous pouvez écrire à Morgane Pica (ingénieure d'étude du projet), en précisant l'URL et le titre du passage.
⸿ De la trahison au duc. Chapitre. Ixxiij.1
C la trahison au duc de Normendie doibt la suyte estre faicte en ceste maniere.2 Je a qui le duc de Normendie auoit baille son chastel a garder / me plaing de P. que estoit auec moy a le garder : que en trahyson et felonneusement yssit par nuict hors du chastel et mist dedens les ennemis au duc /3 de quoy ie ay peu a peinc eschaper. Sil le nye ie suis prest de luy faire congnoistre en vne heure de iour. Se l’autre le nye mot a mot / et il offre a soy defendre / le gaige doit estre receu : sicomme nous auons dict : et la bataille faicte pourtant que ce soit apperte chose que les ennemis au duc tiennent le chastel.4
In textu ibi.
De trahison au duc.
Vide que ſupɿa ſcripſi ca.xiiij. e feaulte.i addiiij.non repeto ibi videas. Suil.le rouille alēcon̄.
E la trahison au duc de Normendie doibt la suyte estre faicte en ceste maniere. Ie a qui le duc de Normendie auoit baille son chastel a garder : me plaing de P. que estoit auec moy. etc. Par ce texte peut ap paroir la forme et maniere des plainctes en tel cas. Et iasoit ce que le texte mette ces motz ( qui estoit auec moy a le garder : et aussi qui yssit hors de nuict du chastelz si n est ce pas pource que se cil qui a faict la trahison n estoit dedens le chastel auec cil qui a faict la suyte : ou aussi que ce eust este faict de iour que on n en peust aussi bien faire la suyte : car le texte ne le met pas pource que ilz soient necessaires : mais le met pour denoter la forme et la maniere de la plaincte en tel cas.
⸿ Item l’en doibt scauoir que iasoit ce que le texte mette ces motz et mist dedens les ennemys au duc a si n est ce pas pource que s il ne les et auoit mis : mais qu ’ il s en fust efforce qu il nen fust tractie et que on nen peust bien faire suyte contre luy.
⸿ Item l’en doibt scauoir que trabyson a parler proprement / et ainsi qu il est prins a ce propos / est quaud aulcun faict ou se efforce faire aulcune aide ou nuyssance contre le prin ce ou contre son pays et en l ayde de ses ennemys / et pource iasoit ce que le texte parle seulement du chastel du duc : si peut il aussi bien estre entendu des aultres chasteaulx du pays.
⸿ Item l’en doit scauoir que iasoit ce que l texte mette en la fin de ce chapitre ces motz.
⸿ Pourtant que ce soit apperte chose que les ennemys au duc tiennent le chastel : si ne veult il pas pource innuer qu il soit necessaire que les ennemis au duc tiennent le chastelins que on en puisse faire suyte : mais veult denoter que il fault que ce soit chose notoire que cil que est accuse ait mis les ennemis du duc eu chastel / ou qu ’ il se soit efforce de les y mettre.