L En doibt scauoir qu il y a vng temps en quoy les loix ne doibuent pas estre faictes ne simples ne appertes  : c est assauoir le temps en quoy mariages ne se peuent celebrer etc. Pour la declaration de ce texte doibt on supposer qu il y a loix sim ples et appertes. Les apparissantes sont celles qui sont criminelles, dont il est traictie en ceste partie. Les simples sont celles dont l’en combatoit anciennement en aulcuns cas de propriete d’heritage et aultres cas / comme il appt en plusieurs aultres lieux eu texte. Maistelles manieres de loix ne stoient pas cri minelles et ne stoient les parties punis fors par amende et par perdre la chose dont contendz estoit. Ce vault autant a dire loix comme suytes de gaiges. Et aussi ne vse l’en point de telles simples loix / mais sont ramenees a puues p enqueste.

⸿ ce suppose on peut dire que eu temps ou les mariages ne se pourroient celebrer on ne combatroit point pour les cas esquelz les batailles estoient en usaiges. Et la raison est / pour refraindre telles manieres de suytes qui sont rigou reuses. Mais es simples loix qui sont ramenees a preuue d enqueste on n arresteroit point pour le present que on ne procedast ainsi comme en vne aultre matiere / car la cause pourquoy le texte tend a telles choses prolonger. cesse au regard de la matiere de proceder qui court a present.

In textu ibi.

Ce sont les temps etc.

Vide in c.capellanus e fer.in.c.non opoɿtet cūoluribus ſed.xxxiij.q.v. Quillermus le rouille.

⸿ Apres ensuit eu texte

⸿ Saincte eglise defend la loy apparissant tous les etc. Par ce texte peut apparoir que les loix apparissantes sont plus a refrener que ne stoient anciennement les simples. Car il y a plus de temps defendu aux apparissantes que aux simples : car ce paraphe qui parle de loix apparissantes qui sont nommees batailles / sont defendues estre faictes tous les iours de feste d eglise. Cest du ieudy nonne iusques au lundy ensuyuant soleil leuant. Et dient aulcuns que cest a entendre seulement depuis le ieudy absolut nonne iusques au lundy de pasques soleil leuant. Et les aultres ont opinions que ce texte parle generale ment. c est assauoir depuis ieudy nonue iusques au lundy ensuyuant soleil leuant en quelque temps que ce soit : c est assauoir gaige de bataille.

⸿ Item on ne peut faire telles loix apparissantes aux festes solennelles de neuf lecons : ne au iour des ieusnes solennelles comme sont celles du commandement de saincte eglise qui sont ieusnables / et les iours des quatre temps / ne a la feste de la dedicace de l eglise ou la bataille doibt estre faicte.

In textu ibi.

Tous les iours de feste etc,

Vide in c.j.⁊.ij.⁊ in c. cōqueſtus e fer.in l.fi.C.peodem titu.⁊ vtrobi per oct. Guil.le rouille.