ℂ De debteurs. Chapitre. lxxxix.

L Es vngs des de bteurs qui sont debteurs pour aultruy sont p soy debteurs :1 et les aultres parauenture. Celuy est par soy debteur pour aultruy qui de la debte a aulcun se establist pri cipal debteur :2 sicomme se R. s oblige pour L enuers M. a payer dix solz / l’en dict que R. est par soy debteur pour aultruy pour ce qu il ot troya qu il payeroit la debte po ͬ luy. De ces querelles les vnes sont de simple pleuine / les aultres de pleuine qui retient la debte. Simple pleuine est faicte en ceste forme. Je pleuis S. qu il rendra soixante solz a noel.34 En simple pleuine doibt l’en scauoir que quant celuy qui est plege est mort la pleur ne est morte : car simple pleuine ne descend pas iusques aux hoirs. Len doibt scauoir que de simple pleuine aulcun ne doibt estre mene a loy apparissant / ains le peut deliurer par siple loy / le record ou chartre ne porte tesmoing contre luy.

⸿ Le plege qui est trouue en court est tenu a congnoistre la pleuine ou a la nyer.5 se il congnoist que il ait este plege / il gaigera la debte et aura ter. me de la payer ou d auoir le debteur en court pour faire ce que droit sera. Se le debteur vie ent au terme et il dict qu il doye la debte s il la paye / ou les namps qui vallent la debte soient prins et bail lez pour le plege. Se il n a de quoy la debte puisse estre payee / le plege la payera toute ou le remanant de ce que le debteur ne pourra payer / ou ses namps soient prins ou baillez pour la debte.

⸿ Et si doibt l’en scauoir que aulcun n est tenu a garder plus de quinze iours les namps qui luy sont baillez en gaige po ͬ sa debte. Mais se il ne sont dedens ce desgaigez / il les doibt vendre par le commandement de la iustice par devant prudentz hommes et creables aussi bien et loyaulment comme s il fussent siens / et retenir du prix ce que on luy doibt : et le surplus rendre6 a celuy pour que les gaiges estoient tenus. Et ce doibt estre entendu de toutes aultres choses qui sont vendues pour aultruy debte. L’en doibt scauoir que se le debteur nye qu il ne le mist pas en plege et le plege a ia paye la debte / le debteur s en pourra desrener par vne sim ple loy  : pour tant que le recongnoissant ou plus forte loy ne soit en contre. Et si doibt l’en scauoir que tous ceulx qui tiennent par hommage d aulcun seigneur sont tenus a le pleger de sa debte.7 Mais aulcun n est tenu a pleuir son seigneur de plus que les rentes et seruices qu il luy doibt par an vallent. Ilz sont tenz a pleger son corps s il est tenu en prison / et a le pleger de suyr ses clameurs / et de ses amendes / et a pleger ses namps se ilz sont pris. Et ce doibt estre entendu silz sont presentz la ou il a mestier de ple ges. Les resseantz sont tenus a pleger leur seigneur en la viconte et aux assises de la viconte a ses despens /8 et il est tenu a les garder qu ’ ilz m ayent dommage. Et se les seigneurs les laissent encourir de la pleuine. ilz ne seront pas depuis tenus a les pleuir iusques a tant qu ilz leur ayent fait gre de la pleuine et de leur pte. L’en doit scauoir que la pleuine retient la debte quand l en sestablist plege d aulcune debte / si que il soblige comme debteur et en est plege et debteur. et deliure celuy que il plege de sa debte. Et pour ce doibt l’en scauoir que quand le plege meurt ses hoirs ne sont pas quictes de la debte / ains sont tenus a la rendre. Car des ce qu il sestablist debteur / la debte passa en luy. D auenture deuient aulcun debteur pour aultruy9 quand l’heritage ou le chatel au mort luy eschet / par quoy il est tenu a payer ses debtes : comme le filz qui a l heritage a son pere / ou les executeurs qui ont les chatelz aux mortz / et tous ceulx qui prennent sur soy a procuret besoingne d autruy. Ceulx ne sont pas tena respondre des debtes aux mortz / se ilz ne sont semons a certain iour et a certain lieu : ains ont terme de cognoistre ou nyer la debte / et ne se peuent pas desrener de de la debte qui ne vient pas de leur faict : cat aulcun ne peut desrenet aultruy faict : mais le de mandeur doibt prouuer sa debte.

⸿ De debteurs. lxxxix. L Es vngs des debteurs pour aultruy sont par soy / et les aultres par auenture. Celuy est par soy debteur pour aultruy qui de payer la des te a aultres se establist principal debteur et payeur. etc. Par ce texte peut apparoir que aulcun est ou peut estre debteur en deux manieres.

⸿ La premiere est quand aulcun se establist debteur pour aultre. et est lors par soy debteur pour aultre.

⸿ La seconde maniere est quand a aulcun descend l’heritage ou le chatel du mort pourquoy il est tenu payer ses debtes / et lors est debteur par auenture po ͬ aultruy. Et de ces deux manieres de quere les les vnes sont dictes de pleuine simple / et les aultres de pleuine qui retient la debte. pleuine est faicte en ceste forme. de plege R. qu il te ren dra dix solz a noel. En simple pleuine doibt l’en etc. Pour la declaration de ce texte doibt on noter ce qui est contenu cy devant / eu que la matiere de ce chapi tre et de ce present texte est traictie et discerne tout au long / recours a iceluy.

⸿ Sur quoy on peut faire vng tel doubte pour quoy l acteur met deux chapitres de pleuine / pour ce qu ’ ilz sont semblables l un a l’autre. a ce doubte on peut respondre que le premier chapitre qui est mis en la quinte distinction de la premiere partie du liure est mis pour declairer que cest que plege et a quelle fin i est baille / et aussi pour monstrer comme on se doibt prendre au plege

⸿ Et ce present chapitre est mis affin de declairer seulement comme on est debteur pour aultre. Laquelle declartion ne se pourroit bornement faire sans declairer la maniere des pleuines. Et ainsi nes point de mutation ne de superfluite : car iasoit ce que les textes desdicts chapitres soient semblables / toutesfois tendent ilz a diuerses fins comme dit est. Et aussi cest chose vtile et profitable que l acteur de claire en ce present chapitre la maniere des pleuines / car sans ce il n eust peu declairer si bien comme aulcun est debteur pour aultre comme il faict. Et par ce appert la response au doubte