Si vous souhaitez signaler des coquilles dans ce passage, vous pouvez écrire à Morgane Pica (ingénieure d'étude du projet), en précisant l'URL et le titre du passage.

⸿ De querelle fieffal. xcj.

L En doit scauoir que les vnes des querelles fi effaulx sont terminees par enqueste / et les aultres par loy de desrene.1 Nous dirons premic rement d enqueste : et que cest que enqueste : et comme elle doibt estre faicte / et pour quoy. Enqueste est recongnoissant de verite de la chose de quoy contendz est2 par le serment de douze cheualiers / ou de douze aultres preudhommes creables / qui ne sorent pas souspecon neux. Et pour ce appert il3 que aulcun ne doibt estre receu a enqueste faire / qui en doye estre oste par aucune raison de souspecon / et si doibt estre faicte en assise po auoir record.

⸿ Toutes personnes qui sont mal renommees de pariure / de faulx tesmoing ou d aultre villain mesfait doibuent estre ostez de toutes enquestes.

⸿ Il ya vnes enquestes de querelles personnelz / et aultres de querelles de possession.4

⸿ Des personnelz auons dict deuant : de ceulx de possession doibt l’en scauoir que les vnes de meuble les aultres des choses qui ne sont pas mouuaples. Et pour ce que nous auons dict de celles de meuble / nous de rons de celles qui ne sont pas mouuables

⸿ Len doibt scauoir que les vnes enquestes sont de establissement / les aultres de droict. Celles sont de droict qui sont faictes par iugement desaiges hommes : et par raison / et par coustume gardee de long temps.5 Raison comme. Se aulcun demande a son frere par tie d’heritaige / et cil dit encontre qu il a eu terre et cent solz pour sa partie / dont il se tint a bien paye / que il est prest de le prouuer / se il le nye. Et cil que demande respond que il neust oncques rien de l’heritaige / de quoy il est prest de soustenir l en queste : elle doibt estre faicte par coustume.

⸿ De establissement sont faictes les enquestes toutes /6 de quoy la matiere est contenue es briefz / de quoy nous auons parle vng peu de uant. Et ces enquestes qui courent par briefz sont appellees recongnoissant. Entre les aultres nos dirons premierement de recongnoissant qui est faict par brief de nouuelle dessaisine.

1

L En doibt scauoir que les vnes des querelles fieffaulx sont terminees par enqueste / les aultres par loy de desrene. Nous dirons premierement d enqueste / et que cest que enqueste. et cete. Par ce texte peut apparoir que la querelle fieffal. cest a dire la querelle qui est de fons d’heritage : ou que touche fons d’heritaige : est determinee l un ne par loy denqueste / l autre par loy de desrene.

2

⸿ Apres le texte met.

⸿ Enqueste est recongnoissant de verite de la chose de quoy le contendz est / par le ser ment de douze cheualierliers ou aultres creables / qui par droict ne soient suspeconneux ne a l’une partie ne a lautre. Par lequel texte est a noter que la loy denqueste fust establie et ordonnee pour attaindre la verite de ce qui est en descord entre les parties / en tant qu il en peut estre sceu et congneu par la deposition et raport de l enqueste soit de certain ou de cre dence. et par gentz qui ne soient pas souspeconneux. ainsi qu il est plusaplain declaire eu chapitre de veue et ailleens en coustume. Sur lequel texte qui met que enqueste doibt estre faicte en assise pour auoir record : peut l en faire tel le question. Scauoir se en viconte ou ailleurs que en siege d assise la loy denqueste peut estre faicte en quelque cas que ce soit.

⸿ a ceste question l’en peut respondre que suppose que le texte mette ces motz ce n est pas pourtant que par iceulx le texte enten de forclorre ne priuer que es pletz devant le viconte royal / et es pletz d un bas iusticier comme des nobles fiefz : loy d enqueste ne puisse bie n estre faicte des querelles dont la congnoissance leur appartient / ainsi qu ’ il est plusaplain declaire eu chapitre de l office au viconte / et eu chapitre de seigneurs et de leurs hommes cy deuant. Et mes mes en la chartre de la iustice aux baros / escripte en la fin de ce liure : mais doibt estre entendu ledict texte / que en assise doibt estre faicte loy d enqueste / en tant que concerne et regarde les causes et querelles qui doibuent estre traictees et determinees en siege d assise : comme seroient descordz de fiefz nobles descordz de teneure d aulcun heritaige entre deux seigneurs. Les causes qui touchent le demaine du roy : grandes querelles criminelles / portz darmes / saulues gardes enfraintes / querelles de mehaing / brief / loix apparentes / et telles grandes querelles / ainsi qu il est declaire en plusieurs lieux / qui requie rent expressement siege d assise / pour en auoir le record de l assise se besoing est.

3

In textu ibi.

Et pource appert il. etc.

Vie ſup.in ca.lxix.e iureurs : et cap̄.lxij.dteſmoings et que ibidemſcripſi in adādi. Guillermle rouille alenconienſis.

4

⸿ Apres le texte met.

⸿ Il ya vnes enquestes de querelles personelz / et les aultres de possession. De personnelz nous auons dict de uant. De possession doibt l’en scauoir que les vnes sont de meubles / et les aultres de choses qui ne sont pas mouuables Et apres met. L’en doit scauoir que vnes enquestes sont de establissement / et les aultres de droict. Celles sont de droict qui doibuent estre faictes par iugement de saiges hommes / et par coustume gardee. etc. Par ce texte appert la diuision que faict le texte des querelles. qui doibuent estre faictes et determinees par loy d en queste. L une desquelles il met que enquestes de droit doibuent estre faictes par le iugement de saiges hommes et par coustume gardee Par lequel texte l en peut entendre que enqueste de droict peut estre expe see en deux manieres. L une enqueste est quand aulcun allegue en iugement pour fournir sa demande aulcun vsaige particulier en aulcun lieu ou pays / seruant a son intention. Comme de dire que eu bailliage de caux l ainsne filz a tout l’heritaige, son pere assis eu dic bailliage hors bourgage / ou la femme a la moytie a vie des conquestz faictz eudit bailliage durant leur mariage hors bourgage / ou aultres telz vsaiges particuliers en aulcuns lieux. Et telz vsaiges particuliers se peuent prou uer par les conseulx et coustumiers du pays par forme de tourbes / ainsi qu il est acoustume de faire es pays qui se conduisent selon droict escript : ainsi qu il aduient sou uent que on en faict eu pays de Normendie / par les commissions qui viennent de Paris et ailleurs / soubz l auctorite des iuges dudict pays de Normendie. Et les aultres peuent estre deposees par les gentz d enqueste quand la veue est tenue sur aulcun descord heredital : et en pleidant la matiere il est mis en faict par aulcune des parties qu il y a aulcun usaige particulier au lieu du descord / sur lesquelles parties demeurent en preuue / qui est faicte par les gentz de ladicte enqueste. Et l’autre est quand les parties en pledant leur matiere demeurent en droict et conclusion de iugement : lequel apres l acord qui en est faict par iustice est iuge par le iuge / en ensuyuant l opinion des saiges conseulx et assistentz de la court / qui par ce moyen peut estre dicte enqueste de saiges : faicte par iugement et par coustume gardee.

5

In textu ibi.

Coustune gardee de long temps. etc.

Lelis em̄conſuetudo inuyterata habet vimegis ⁊ conſtituti.l.e quibus.§.inueterata . iunctaglo.ibidē.⁊.l.iurna.ff.delegib.l.hoc iure.§.ductusaque.ff.de ad.quot.⁊ eſti.l.conſuetudinis.C.que ſilon.conſuetud.⁊.f.fi.C.deſacroſan.eccle.Quillermle rouille alenconienſis.

6

⸿ Apres le texte met.

⸿ Des establissementz sont faictes les enquestes / de quoy la matiere est continuee eu brief. et sont icelles enquestes appellees recongnoissant. etc. Par lequel texte appert que querelles de establissement sont celles qui sont a ce establies qui sont appellees recongnoissantz pource que par icelles il est a congnoistre laquelle des parties a droit ou tori en la chose litigieuse et descordable / ainsi qu il est contenu et declaire es lettres de brief qui sont mises eudict texte.