Si vous souhaitez signaler des coquilles dans ce passage, vous pouvez écrire à Morgane Pica (ingénieure d'étude du projet), en précisant l'URL et le titre du passage.
⸿ De la defaulte au plainctif. Cha. xcvj.
L En doibt scauoir que se plainctif default lautre s en partira sans iour :12 et se le plainctif veult plus pleder contre luy. il fera semondre de nouuel : et ainsi renouuellera le plet. Et cil qui est querelle se defendra lors. ainsi comme se le plet fust maintenant commence. Et pour ce doibt l en scauoir que le plainctif perdroit sa querelle par sa defaulte / se le temps estoit passe en quoy l en se peut plaindre de nouuelle dessaisine / cest vn an et vng iour. Car dedens l an et le iour que homme est dessaisy / ilse doibt plaindre : car la faulte du demandeur ancantit le plet que il a meu.
⸿ L’en doibt scauoir que en brief de noueuelle dessaisine ne peut aulcun appeller garant :3 Car l’en ne doibt pas souffrir que aulcun retienne d aultruy la possession par soy ne par au tre / ne que il la trouble par sa folle hardiesse / et quiconque le face / il le doibt amender.
L En doibt scauoir que se le plainctif se default l’autre s en partira sans iour etc.
⸿ Par ce texte doibt on noter que se le plainctif se default tant qu il soit mis en amende par iugement p l amende / l’autre aura attaint a s en aller en sa saisine comme il estoit eu parauant : sans iour et hors de proces. Mais ce doibt estre sainement entendu : ca le texte ne veult pas dire que se le plainctif default vne fois seulement / que l’autre s en doye aller sans iour : s il n estoit ainsi qu il amendast le default : mois y fauldroit plus d un default pour le mettre en amende par iugement / comme cy dessus plusaplain est declaire
⸿ Item l’en doibt scauoir que se le plainctif veult plus pleder / il pourra bien prendre de rechef brief de nouuelle dessaisine : s il n estoit ainsi qu il n y eust veue faicte entre eulx eu premier proces. enquel cas il ne pourroit iamais prendre le brief : car partie aduer se auroit attaint la saisine et la possession apres veue faicte / et s en aller quicte et defendu dudict brief.
⸿ Aussi l’en doibt noter que se auant veue faicte le plainctif s en al loit sans iour / et peudant le proces l an et le io de la dessaisine se passoit : il ne viendroit iamais a temps a prendre ledict brief. Car i conuient necessairement que le brief soit prins dedens l an et le iour de la dessaisine.
In textu ibi.
Se le plainctif default etc,
Ratio eſt tunc talis citatio ɿ nulla p̲ efectuactoɿiſ/⁊ circuducta nec ɿ habuiſſe effectu : vtdicit Guil.e cug.in l.ſicut.poſt glo. ibidem in verbo per executoɿē.C.e pſcript.xxx.anno.ſed.Bal. ibidē et in l.poſtedictu.§.i.poſt med.verſi.extra quero.ff.e iud.⁊ in l.j.in pɿinc.ff.e in iuspoc. Fely.in c.illud.e pɿeſcrip. Guil.le rauille aſenco.
⸿ Apres ensuit eu texte.
⸿ Len doibt scauoir que en brief de nouuelle dessaisine ne peut etc Contre ce texte on peut arguer aiusi. P. vend vne terre a G. lequel S. en l an et le iour de la vendue va a la possession de la terre / et L. en l an et iour de la dessaisine en prend brief / en ce cas G. doibt auoir P. a garant : pource qu il luy vendit l’heritaige / et qu il uy auoit point de sa faulte : car G. n avoit point trouble a Csa possession par son fol hardement : mais auoit tiltre d aller a ladicte possession par vertu de ladicte vendue qui luy auoit este faicte dudict heritaige / et par consequent le texte faulx.
⸿ Pour la response de cest argument doibt on scauoir que troubler la possession d aultruy par fol hardement / n est pas seulement la chose qui empesche a auoir garant : mais y a aultre chose / comme la celerite qui est requise en ce cas de brief de nouuelle dessaisine. Et aussi que le texte qui met que on ne doibt point souffrir quė aulcun trouble la possession d autruy ne par soy ne par aultre eu caspose au doubte : G. n a point d inconuenient / car G. aura son restor et desdommagement sur P. se il enchet du proces / selon ce qui est deuant declaire eu chapitre de veue. Et par ce peut apparoir la response a l argument.