⸿ De brief de douaire a femme. Chapi. cj.

Si vous souhaitez signaler des coquilles dans ce passage, vous pouvez écrire à Morgane Pica (ingénieure d'étude du projet), en précisant l'URL et le titre du passage.

⸿ De brief de douaire a femme. Chapi. cj.

N Ous auons dict de mariage encombre / et de la loy / et des vsaiges par quoy il doibt estre rappelle.1 2 Or conuient veoir de douaire : et de la loy et des vsages parquoy le contendz qui naist de douaire doibt estre fine. L’en doibt scauoir que femme doibt auoir en douaire par la coustume de Normendie le tiers de tout le fief que son mary auoit eu temps qu il l espousa. Et se le mary n estoit de rien saisy quand il espousa / et que son pere ou son ael tenoit encoires tout le fief : se ilz furent presentz au mariage / ou le pour chasserent / ou consentirent :3 la femme aura apres la mort son mary le tiers du fief que le pere ou l ael son mary tenoit eu temps que le mariage fut fait / silz n avoient aultres hoirs. Et se ilz auoient aultres / elle aura son douaire de la partie qui succederoit. a son mary / s il viuoit. Et ce douaire doibt eestre fait apres la mort au pere ou a l ael / se elle remaint veufue. Se le pere ou l ael ne s acorde rent pas au mariage / ains le blasmerent :4 elle ne emportera apres la mort son mary point de douaire : fors de ce dont il estoit saisy quand il espousa. ou de ce qui depuis luy est escheu en droicte ligne.
⸿ L’en doibt scauoir que femme ne doibt auoir en douaire plus que le tiers du fief : quelque conuenant qu il soit faict aux espousailles : car aulcun ne peut donner en douaire que le tiers de son heritaige. Et se plus il en donne / tout ce que il en donne / oultre le tiers / doibt estre rap pelle apres son deces.5
⸿ Moins que le tiers peut auoir femme en douaire / selon les conuenances des espousaile les : car se la femme ottroya et consentit es espousailles que elle fust douce de chatel ou de vne piece de terre qui fut nommee : ce luy doibt suffire apres la mort sommary / puis que elle si consentit es espousailles. Mais se il n y eust point de conuenant faict / elle pourra recourir au tiers du fief de quoy sommary estoit saisy quand il l espousa
⸿ Len doibt scauoir que femme ne peut auoir douaire ne partien en conquest que son mary ait faict puis que il esponusa / fors en bonurgagen : ou elle aurla moitie / mais de douaire n y aura elle point. Et se le mary a parsonniers eu temps qu il se marie / et il est encoires saisy de tout le fief : sa femme n aura pas douaire des parties a ses par sonniers : ne mesme se ilz escheoient a son mary depuis qu il leur auroit faict partie. Et se le mary meurt ains qu il en ait faict partie / et le tiers de tout le fief est donne en douaire a la femme / et les parsonniers recepuent depuis leurs parties : la femme perdra le douaire qui luy en fut faict / et aura seulement douaire de la partie son mary / et non pas des aultres parties. Car aulcun ne peut donner / vendre / fieffer ne bailler rien de ce que posside eu non de aultruy : fors de ce sans plqui appartient a sa par tie.
⸿ L’en doibt scauoir que femme n a point de douaire du mary dont elle est departie7 8 iansoit ce que ses enfantz qui soient nez d eulx sont tenus pour loyaulx : car celle seulement doibt auoir douaire qui estoit auec son mary quand il mourut.
⸿ Se l homme meurt apres ce qu il a prins femme ains qu ’ ilz ayent couche ensemble9 en vng lict / la femme n aura point de douaire : car au coucher ensemble gaigne femme son douaire / selon la coustume de Normendie.
⸿ Le hoir n est tenu a douer la femme a son ancesseur :10 fors de ce qu il tient de son fief Et se le mary a baille ou vendu de son fief : la femme en peut demander douaire a celuy qui le tient.
⸿ Et si debuons scauoir que garant peut estre appelle en ce plet / ainsi comme en brief de mariage encombre.
⸿ En deux manieres peut femme demander son douaire enuers ceulx que tiennent :11 ou par brief de douaire / ou par record. Femme demande son douaire p brief quand la matiere de la plaincte est contenue eu brief : et est terminee p enqueste.
⸿ Briefde douaire est fait en ceste for me Se M. te donne plege d suyr sa clameur semond le recongnois sant du voisine que il soit aux premieres assises du bailliage a recongnoistre / scauoir se L. son mary estoit saisy dune terre quand il l espousa qui est situee et assise a valongnes en telle maniere que il en peust et deust douer dequoy N. luy defforce son douairea tort / sicomme elle dict : tien dedens ce la veue de la terre. et soit en paix. Telle enqueste doit estre faicte des parolles qui sont contenues eu brief : sicomme nous dismes eu brief de nouuelle dessaisine.
⸿ Apres ce doibt l enqueste estre faicte de la saisi ne que le pere ou la mere / ou l ael / ou l aelle au mary de la femme auoit au temps des espousailles : et se ilz furent au mariage / ou le pourchasserent Et se la saisine debuoit descendre au mary par heritaige apres le deces d icelle gent / peut la femme demander douaire enuers ceulx qui le tiennent : iasoit ce que le mary n en fust oncques ensaisine. Par le record de ceulx qui furent aux espousailles peut douaire estre reclame ou defendu /12 pourtant e le douaire fust determi ne aux espousailles de chatel ou de certaine piece de terre. En ce record ne peuent estre saonnez les parentz ne les amis.13 Car a mariage faire demande l’en especialement les parentz et amis. Et ce que la greigneure partie dira pourtant qu il y en ait sept / doit estre garde : mais qu ilz soient telz qui soient prins par serment qu ilz diront voir.14 Pour ce dit l en que record est racontement de chose qui a este faicte.
⸿ Il ya record de court de roy : record d eschiqer / record d assise15 record de batat le / record de veue / record de pensnage / record de mariage / de quoy nous auons dict devant.

N Ous auons dict de mariage encombre des loix et des viages pquoy ilz doit uent estre rappel lez etc. Par ce texte appert que selon la coustume de Normendie / la femme doibt auoir en douaire / la tierce partie du fief que son mary tenoit au temps qu il l espousa : et se le mary n estoit de riens saisy / et que son pere ou son ael ou son aelle tenoit encoire le fief qui luy debuoit eschoir apres le tres passement / la femme en aura douaire apres le trespassement de son mary quand il sera escheu et succede a son dict mary / ou a ses hoirs. et en aura le tiers se il n est ainsi que il y ail parsonniers en la succession auec son mary / eu quel cas elle n auroit que le tiers de la portion qu il appartient a son mary.

⸿ Sur ce texte on peut mouuoir vng tel doubte. S. a quatre ou cinq filz dont un est marie / et va de vie a trespassement : et aussi tous les aultres freres au deuant de S. leur pere, sans ce que des freres demeure lignaige : et puis G. qui est saisy de grande quantite d’heritaige va de vie a trespassement. Scauoir se la femme du filz qui fut mariee aura en douaire la tierce partie des heritaiges venus et succedez de B.

⸿ a ce doubte on peut respondre que elle aura la tierce partie en douaire desdictz heritaiges / pour ce qu ilz pouoient escheoir a son mary : et de faict luy fussent venus s il eust vescu au temps qu ’ ilz escheurent : car il n y auoit aulcuns des aultres freres au temps qu ilz escheoient / et y doibt l’en auoirregard en ceste partie : mais se les aultres freres auoient este mariez et leurs femmes viuoient encoire : elles n auroient toutes ense ble que le tiers en douaire. c est assauoir chacune le tiers de la partie qui fust escheue a son mary.

In textu ibi.

De douaire et de la loy. etc.

De ouairio et quid ſit ⁊ multa circa materiamoherij ſcripſi in gloſ.conſue.Ceno.ar ii.cccxiii.ibi videas. Guiller.le rouille alencon̄.

In textu ibi.

Ou consentirent etc,

Et ſic not a  non eber fili᷒ accipere vxoɿē ſineconſenſu patris ne inuito auo filij naſcantur: vtdicit Bart.in.l.in bello.ō.mēdio tē poɿe.ff.de capti.et poﬅ li.reu. Reſert ⁊ ſed.Bald.in.c.innotuit. ij.col.de elect.alle.etiam no.f.l.nō tm̄.§.fi emācipatur. ff.e bo.poſſe.contra.tabul.licet valeat matrimoninme iure glo.in.l.Paul.ff.deﬅa.homi.in ca. hoc factūxxij. q.ii. Tamē poteﬅ ote pɿiuari mulier : vt icitPaul.de caﬅ.in auten.ſedli poﬅ.C.e inoffi.teﬅa.late examinat Guil.ndictiin repet.c.Raynuti᷒ e teﬅa.Fſi.dotē quā ederat.x.xi.et.xij.col.et inter aliaallegat  non ebet quisexpectare auxilium ab eoquē contempſit.l. litigatores.ff.de recept.arbit.vide q̄ ample ſcripſit Alexcōſi.xcvij.incip. pɿincipalis.in.j.volu.Jaſ.in.l.j.§.hui᷒ ﬅudij.col.fi.ff.e iuﬅi.⁊ iur.Stepha.auffre.in addi.ad eciſio.tholo.d.cclxxxix.Jo.and.i.c.ﬅatutu.col.fi.e heret.lib.vj. innouel.Sed quid ſi talis patern᷒ conſenſus nō interuenit in actunu ptiarū ſed longe poﬅ Dic bɿeuiter cy non refert ſi fiat in actuſiue ex interuallo poﬅ ſiue ante/m Bar.et alios in.l.ſi q̄s michibona.§.iuſſum.ff.e acq̄r.hered.quos ſed.Jaſ.ibidē in pe.col.

⸿ Apres ensuit eu texte

⸿ Se le pere ou l ael ne s acordent pas au mariage et le filz marie va etc.

⸿ Sur ce texte on peut faire vng tel doubte. Scauoir se le pere ou l ael ne s acordent pas au mariage / et le filz marie va de vie a trespassement au deuant de son pere ou de son ael : se la femme aura point de douaire en ce que le pere ou l ael tenoient au temps du mariage qui est depuis escheu.

⸿ a ce doubte on peut respondre que elle y aura douaire : se l’en ne peut prouuer que le pere ou l ael le contredissent / et ne conuient pas que elle preuue le consentement : mais doibt partie aduerse prouuer le contredict / ou elle y aura douaire.

⸿ Secondement on peut doubter Se le pere n a protredict le mariage / et depuis vend son peritatge : scauoir se la femme de son filz y auroit douaire.

⸿ a ce doubte on peut respondre que non : car elle n auoit droict acquis par raison des espousailles / sinon en ce dont son mary estoit saisy lors des espousailles / ou qui depuis luy est escheu ou pourroit escheoir en droicte ligne / se le mary viuoit lors que la succession eschet / et ne sont pas par ledict mariage obligez l ael ou l aelle pere ou mere du mary a ne pouoir vendre le heritaige : mais en la succession qui vient de eulx / la femme de leur filz aura son douaire apres le trespas de son mary : tout ainsi que se son mary fust vi vant lors de ladicte suc cession escheue / et a ce propos le texte met. Et en ce que depuis luy peut escheoir de droicte ligne : car quand il est vendu par le pere ou ael, il ne peut plus eschoir au mary. quare etc.

⸿ Apres ensuit eu texte

⸿ Moins que le tiers peut auoir femme en douaire selon les conuenances et ce. Par ce texte est a noter que se la femme au temps des espousailles de son mary est douee du moins du tiers de l’heritaige son mary / de chatel / ou de vne piece de terre :5 elle ne pourra demander fors ce qui luy fust promis : et se rien ne luy fust conuenancie / elle aura le tiers en douaire : ainsi que dict est cy dessus. Et oultre le texte est assez cler iusques au paraphe qui commence.

⸿ Apres ensuit eu texte.

⸿ L’en doibt scauoir que femme ne doibt auoir : en son douaire plus que le tiers du fief. etc.

⸿ Sur ce texte on doibt noter que s aulcun promet a sa femme plus du iers de son heritaige en douaire / nonobstant les heritiers du mary n en seront tenus bailler que le tiers : car le don seroit excessif et contre la coustume du pays.

⸿ Sur quoy on peut faire vng tel doubte : scauoir se on donne plus que le tiers en douaire / s il le conuient reuoquer en l an et iour du trespas du donneur.

⸿ a ce doubte on peut respondre que on n est point abstrainct de le reuoquer en l an et iour / et le texte ne le met : mais suffiroit le contredire en tant qu il seroit excessif quand la femme demanderoit son douaire / neantmoins que le don fust notoire : car le don n a point eu deffect attendu que elle n en a eu aulcune saisine actuelle / et ainsi n est pas mestier de le reuoquer : car l’heritier peut supposer que ladicte femme a congnoissance que ledict don est excessif / et contre la coustume du pais : et que elle ne le peut auoir ne demander raisonnablement / et que taisiblement elle s en depart : et ainsi n est aulcun besoing de plus le reuoquer / mais suffit le contredire en tant que il est excessif quand elle veult auoir le don.

⸿ L’en doibt sauoir que femme n a point de douaire du mary dont elle est departie et ceera Par ce texte peut apparoir que se vne femme estoit separee de son mary : comme par saincte eglise / ou que elle s en vhors d auenc luy par pu terie ou ribauldie / elle n aura point de douaire : pourueu que la separation se face par son peche. Mais se le mary laissoit sa femme. ou qu il departissent par le peche du mary, elle ne perdroit point son douaire

⸿ Item on peut doubter se des conquestz que le pere faict puis qu ’ il marie son filz. ou de ce qui luy vient de ligne colateral : se la femme de son filz en doibt auoir douaire.

⸿ a ce doulte on peut respondre que ouy : pourueu qu ilz escheent eu viuant de son mary / et aultrement : non Car le texte ne donne droict de douaire a la femme que en trois choses.

⸿ La premiere / en ce dont elle treuue son mary saisy au tembsdes espousailles.

⸿ La se conde, en ce dont le pere du mary / son ael ou besael ou besaelle estoient saisis au temps du mariage : et dont ilz sont sa sis au temps de leur tres pas. suppose que le mary soit trespasse.

⸿ La tierce / en ce qui eschet a son mary en droicte ligne, soient conquestz ou aultres heritages quelzconques : nonobstant qu ’ ilz eussent contredit le mariage.

⸿ Item l en peut faire vng tel doubte. Se vng homme depuis ses espousailles alloit de vie a trespassement / aincois qu ’ il eust couche auec sa femme : scuoir se elle auroit doi aire

⸿ a ce doubte on peut respondre que non par le texte qui met. Se le mary meurt apres ce qu ’ il a femme espousee ains qu ’ ilz ayent couche envng lict, la femme n aura poin de douaire : car au cou cher ensemble gaingne fen me son douaire. et par ce appert la rnce au doubte

In textu ibi.

Dont elle est departie etc.

Ad hoc eﬅ tex.in.c.pleri.⁊ ibi Panoɿ.de ons.inter vir.⁊ vxo.l.viro atvxoɿe.⁊ in.l.cū mulier.ff.ſol.mat.l.conſenſu.C.de repud.Panoɿ.in.ca.litteras.de reﬅi.ſpoliat. nec ebet habere pɿiuilegiu a marito q̄ violauit matrimoniū.ec.in.c.paﬅoɿalis.pe.col.de iudi.Dic etiam idem eſſe ividua q̄ moɿtuo marito ﬅupɿū cōmiſit que etlā perdit otem vtegregie cōſuluit.Paul.de caﬅ.conſil.cxlvij.incip.reuocatur.Idēpaul.in.l.fideicōmiſſu.an fi.C.de fideicōmiſſ.vbi icit/ efunctus eque offendit per ﬅupɿū vxoɿis vidue ſicut ex adulterio cōmiſſo ipſo viuēte.Idē ꝓaul.in.l.ſoɿoɿē.C.de hiis quib. vt indigCurt.iunioɿ in tract.feud.in.iiij.parte.ij.cauſa pɿincipali Jaſ.inl.ij.col.iij.ff.ſol.mat. Fely.in .cap.paﬅoɿalis.iij.⁊.iiij.col.alle.gat illud Angel.in.l.cum quedā.ff.e iuriſd.oim iud.cvidua impudica eſinit eſſe e omicilio viri ⁊ pdit oīa pɿiuilegia viduitatis.tex.⁊ ibi Sali.in.l.hijs ſolis.C.de reuoc.dona. Panoɿ.in.c.pxoɿatz.in pɿin.e cōue.ſ.cōiugato. Bal.in.l.que ſub cōditione.viij.col.ff.de cōditio.nﬅuu.qualiter aut pɿobetur adulteriu mulieris ⁊ plura alia circa materiam/vide per me ſcripta in glo. cōſuetu.cenoma.artic.cccxxvij.gloſ.j. Quil.le rouille alencoñ.

In textu ibi.

Au coucher etc.

Vide m.l.eni.et.I.ideo.ff.e rit.nupt. Sozi.⁊ conſi.ccxxiij.Bal.in.l.non tin.C.de legat. Nicol.boeri/ in glo.cōſuetu.biturig.titu.e conſuetu.matri.⁊ oerij.§.iiij.in glo.magna.ante fi.Suiller.le rouille alencoñ.

⸿ Apres ensuit eu texte

⸿ L hoir n est tenude ner a la femme de son ancesseus douaire, fors etc. Par ce texte appert que aulcun n est tenu bailler douaire a la femme de son ancesseur, fors de tant qu ’ il est tenant de l’heritage Et aussi se son mary auoit vendu de son fief a aulcune personne / elle luy en pourroit demander : en tant qu ’ il en seroit tenant

⸿ Item l en doit scauoir que en ce brief on peut appeller garant / ainsi que dict est d mariage encombre.

⸿ Apres ensuit eu texte

⸿ En deux manieres peuent femmes demander etc. Par ce texte peut apparoir qu ’ il ya deux manieres pour quoy femme peut demander son douaire. L une est par brief / l’autre est par record. Par brie sicomme il est contenu eu texte : et en doibt l exploit estre faict ainsi que dict est cy deuant es au tres briefz Et l enqueste en doibt estre faicte en la maniere d brief de nouuelle dessaisine : fors qu ’ il ne conuient pas prendre le brief en l an et iour. Et doibt on enquerir / se le pere ou la mere ou lael ou l aelle du mary de la femme demande douaire estoient saisis au temps des espousailles et comme / et se la saisine en debueroit descendre au mary. Et iasoit ce que le texte mette que on doibt enquerir se ilz pourchasserent le mariage / ou se ilz si consentirent : neantmoins n en doibt on point faire denqueste / se partie aduerse ne proposoit qu ’ ilz y eussent contredict. Car la femme ne doibt pas prouuer qu ilz s acorderent ou consentient au mariage / selle ne veult : et est a partie aduerse a prouuer le contredict : mais le texte met que on en doit enquerir / pource que se la femme veult / elle puuera l acord ou consentement au devant de partie aduerse qui proposeroit le contredict.

⸿ Sur ce texte peut on mouuoir vng tel doubte : s il est deux manieres par quoy on puisse demander douaire

⸿ Pour la declaration de ce doubte on doibt noter / que on peut douer femme en Normendie en deux manieres. l un ne est par don especial faict d une piece de terre certaine / ou de meu ble au traicte du mariage. L autre est en general de ce que appar tient a femme de douaire selon raison et la coustume du pais Pour quoy on doibt noter que quand on demande douaire p don especial d certaine chose / on doibt prouuer par record d mariage qui est prouue de certain s il n estoit ainsi qu il y eust lettres passees ou notifiees a ouye de proisse / eu quel cas qui vouldroit on pourroit prouuer par enqueste.

⸿ Item on doibt noter qu il yadeux manie res de clameur : l’une par action / l’autre p brief.

⸿ Ces choses nontees on peut respondre au doubte qu il n y a que deux manieres de differences a demander son douaire. L une est par brief / qui est prins et ce cas pour enqueste. L autre est par record / qui est prins pour preuue de certain.

⸿ Et se on arguoit le contraire / que on peut demander douaire par recongnoissant / par enqueste de droict / par record / et par lettres. Et ainsi il ya plus de deux manieres.

⸿ Sn pourroit respondre que le recongnoissant et enqueste equipollent / et ne different quand au regard de la maniere de prouuer. Car tout est prins pour preuue d enqueste et de credence / et de record et lettres pareillement equipollent / car tout est preuue de certain et de credence / aussi sont toutes les manieres ramenees a deux / c est assauoir a preuue de certain et de credence / pourquoy l argument ne procede point. At tendu mesmement qu il appert assez par l inspection du texte en ce paraphe subsequent que il entend distinguer les manieres de demander douaire au regard des probations / et au regard de demander douaire determins ou indetermine : et ainsi appert la response au doubte.

⸿ Apres eusuit eu texte

⸿ Par le record de ceulx qui furent aux espousailles peut le douaire estre prouue. etc. Par ce texte appert que s aulcune femme demande douaire limite et de termine par don especial / il conuient quelle preuue par record ou par lettres. Et conuient qu ’ il y ait sept tesmoings de certain / mais il y a que on n y peut saonner le parent et amy. Et toutesfois combien que on puisse bien demander douaire p brief ou par record / comme il est touche dessus : si vse l en plus communement de present quand il n y a promesse de douaire determinee / que la vefue faict conuenir par action les hoirs ou tenantz des heritaiges qui estoient a son mary defunct au temps des espousailles / ou qui depuis luy pouoient estre venus en directe ligne et en quoy elle doibt auoir douaire / selon la coustume du pays : affin que peulx luy soit baillee possession et saisine d iceulx heritages pour en faire lotz et par taiges / affin d’auoir son douaire et ceera. Et ceste voye semble raisonna ble et assez coustumiere car s il estoit faict doubte d aulcune chose quel le deust prouuer / fust par tesmoingz de certain / de credence / par record / ou par lettres : aussi bien le pourroit elle faire comme par les aultres voyes.

In textu ibi.

En ce record.

Ad hoc eﬅ tex.in c.videtur / q̇ mat. accuſa.poſſ.eum concoɿdan.ibi in glo. generaliter icēduneﬅ cy in actibus qui nou couſueueruit tractari niﬅ inter omeﬅicos amici et omeﬅici admittuntur m Bal.in.l.parentes ij.col.C.de teﬅib.Jaſ.in.l.ſed ⁊ ſi quis in pɿinci.ff.ſi quis caux.facit adhoc m eum text.in.l.ex conſenſu.§.j.et ibi Bald.C.de repud.inc.veniens le.ij.e teﬅib.et Joan.and.in addi.in titul.e teﬅib.§.verſi.item  eﬅ omeﬅicus.Alios caſus in quibus parentespɿo parentibus admittuntur vide per eundem Jaſ.in .l. ſed etſi quis.Item et maxime adinittuntur hic pɿopter numerū/ quiavbi amici non haberent integram fidem: et uo tantum pɿoducerentur in teﬅes.l.iij.in pɿinci.ibi vel amicus.ff.de teﬅib. tamen ſi tres amici pɿoducuntur in teﬅes ſuppletur eoɿum efectns pɿopter numerum.glo.eﬅ ad hoc nota.in l. iij.§.j.in verbo numerus.et ibi butri.ff.de teﬅib.quem ad hoc ponderat Jaſ.in auten.ſi vero coutingerit. C.e iudi.Guillermus le rouille alēconienſis.

In textu ibi.

Quilz soient pris par serment.

Licet partes poſſētremittere teﬅib᷒ iuramerti ſolennitatē in c. tuis eteﬅib.Bar.i l.ſi quis leg atum pe.queﬅ.ff.de falſ. eﬅ ſolennitas introductain fauoɿem partium. ideoe eoɿum conſenſu poteſremitti.glo.in l. j.§.i.et inl.ij§.ſed .C.e iuramē.calum.Jaſ.il.nemo poteﬅvj.col.in pɿima lectura.nde lega.j.Bar.in I.j.§. ſed⁊ ſi filium.ff.e lega.iij.Etquilibet poteﬅ renuciarefauoɿi ſuo l. penulti.ff.epact.fallit tamen in cauſamatrimonij.quia tunc iuramentum teﬅis non poteﬅ per partes remitti c.ſuper eo, e edqui cogno.conſang.vxo.ſue.glo.in b.c.tuis.de teﬅib.et in c.fraternitatis eo.titu.Et hoc quia reſpicit publicū fauoɿē,quia iſſoluere matrimoniu non conſiﬅit in mera voluntate partiū ſecūdum Jaſo.in .l.nemo poteﬅ:ſed an in elatione i uramenti ebeat pars neceſſario citari- Et icendum eﬅ cy ſic.tex. eﬅ in l.inBone fidei.ibi cauſa cognita.C.e iureiur.l.in cauſe la.j.§.cauſa autem.ff.e mino.xxv.anno.omi.de ſācto gemi.in c.fi.ij.colde teﬅib.lib.vj.per illum tex.alias actus eſſet nullus. vt late perJaſ.poﬅ alios in repet.I.admonēdi pe.col.ff.e iureiur. vbi atregul.cy in omni actu in quo iudex pɿocedit non ex mero officio.ſed ad inﬅātiam partiſ.⁊ agitur e particulari intereſſe partisſemper requiritur citatio partis.alleg.c. Nomana.§.ſi vero . etc.non ſolum e appel.lib.vj.Feder.de ſent. cōſil.ccc.incip. factipɿoponitur.Petrum e ancha.conſil.ccxxv.incip.caſus talis eﬅ.Guillermus le rouille alenconienſis.

⸿ Apres ensuit eu texte.

⸿ Il ya record de court de roy : record d eschiquier record d assise etc. Par ce texte appert qu il y a six manires de record : comme il appert assez eu texte / euquel ilz sont cy apres contenus et declairez.