⸿ De record d eschiquier. ciij.1

R Ecord d eschiqer doit estre fait au moins par sept personnes creables : a qui l’en doibt enioindre qu ilz diront verite par le serment qu ilz ont fait au roy : et ilz le doit uent ottroyer. Et se ilz nont faict serment au royilz doibuent iurer que ilz recorderont et diront verite. Et se les parties veulent saonner aulcun desdictz recordeurs / il doibuent estre ouys. Et ce a lieu en quelque record que ce soit en court / excepte la personne du roy / et celle du bailly : forz en leurs propres causes Ce record peut estre eu des choses qui sont faictes et dictes ou ottroyes en l eschiquier.

⸿ De record d eschiquier. Chapitre. ciij. R Ecord d eschiqer doibt estre faictau moins par se pt personnes creables / a qui l en doibt enioindre qu ilz diront verite. etc. Par ce tex te doibt on scauoir que a faire preuue par record d eschiquier / il y conuient au moins sept tesmoings tous d un accord : et doibuent premierement estre iurez ainsi que le texte le declaire.

⸿ Item l’en doibt scauoir que l’en peut asseoir saon sur les recordeurs se on veult / tant en ce record que es aultres : excepte seulement sur la personne du roy et celle du bailly : se ce n estoit en leur propre cause / euquel cas ilz seroient saonnables.

⸿ Et se on arguoit au contraire que l’en pourroit bien saonner le bailly / s il auoit donne conseil ou confort a aulcune des parties / ou pour aulcune haine apperte : quare. etc. On pourroit respondre que ce texte parle seulement du bailly qui auroit este iuge et congneu de la cause / dont record est faict en eschiquier : lequel ne peut estre saonne se ce n est pour saon nouuel enretenu / mais le texte n en faict point de mention / pource qu il ne suppose point que le bailly doye donner conseil ne confort a l’une des parties qui pledent devant luy : ne concepuoir haine / et n est a supposer d aulcun bon enten dement.

⸿ Ou l’en peut dire que le texte excepte la personne du bailly pour l exence et auctorite de sa personne / et de son office. Au regard des saous reprochables / comme seroit pariure / infamie / ou foy mentie / ou telz choses que on ne doibt pas supposer en personne si notable / ne de si hault degre / et que cest l entente du texte. et ainsi appert la solution a l argument.

⸿ Item l’en doibt scauoir que de tout ce que est faict / dict / et ordon ne en l eschiquier / on peut auoir record se mestier est.