⸿ De brief de fief lay et d omosne. Cha. cxv.1

Si vous souhaitez signaler des coquilles dans ce passage, vous pouvez écrire à Morgane Pica (ingénieure d'étude du projet), en précisant l'URL et le titre du passage.

⸿ De brief de fief lay et d omosne. Cha. cxv.1

A Pres nous debuons scauoir que vne maniere denqueste est vsee eu pays de Normendie par brief de fief lay et d omosne /2 qui est ottroyee a ceulx qui tiennent. Se vng homme demande a vng aultre en court laye aulcun fief comme son heritage / celuy qui est querelle aura s il veult l enqueste : scauoir mon se ce fief est l omosne a celuy qui le tient / ou le fief lay a ce luy qui le demande : et le brief en est faict en ceste forme. Se N. te donne plege de suyuir sa clameur / semond le recongnoissant du voysine que il soit aux premieres assises du bailliage a recongnoistre : scauoir se le fief que R. demande est l omosne a celuy qui le tient / ou le fief lay a celuy qui demande / la veue soit tenue dedens ce. ce brief est mene en la maniere que nous auons dict du brief destablye
⸿ En ce cas peut celuy qui est querelle auoir vne aultre defense se ilveult /3 par enqueste sans brief. Se il dict que il ne doibt pas respondre en court laye du fief qui a este veu : car il la tenu par trente ans en paix / comme omosne appartenant a luy dequoy il est prest dattendre l enqueste du pays : la veue doibt estre assise / et celle enqueste doibt estre faicte en la maniere de celle de nouuelle dessaisine.
⸿ Se celuy qui est querelle ne veult met tre auant aulcunes de ses defenses /4 il defendra son fief par la loy du pays / ou il le perdra. Et se la chose est mise en non scauoir es cas qui sont deuant mis /5 la iurisdiction en remaindra en la court de faicte eglise Et encontre ce / se aulcun demande vne terre comme omosne /6 et cil qui la tient dict que cest son fief lay : il aura l enqueste s il veult / scauoir se cest le fief lay a celuy qui le demande. Le brief en doibt estre fait comme cil de deuant. fors que l’en tournera les noms du tenant et du demandant. En quel que court que telles enquestes soient demandees / elles doibuent estre tenues en la court au prince : et toutes les aultres enquestes qui sont faictes par la raison des fiefz / a declarer la droicture de la court de saincte eglise et de la court laye.
⸿ Et a faire telles enquestes doibt estre lcuesque ou autre pour luy / et y doibt estre semons / pour scauoir s il veult calenger aulcune pooste en la chose qui est demandee. Et le plet que estoit mene en la court de faicte eglise / commourra tant qu ’ il soit declaire / a laquelle court la iusdiction de telle chose appartient. Et se l enqueste le met en non scauoir / il conuiendra reuenir a la court ou celuy qui tient se vouloit defendre. Len doibt scauoir quė aulcun ne peut en Normendie faire de son fief lay pure omosne /7 8 sans l ottroy et especial assentement du price : car le prince a sa iurisdition et seigneurie sur tous les fiefz lays de Normendie / et foriurement de court et respon se de seigneur / de fiefz / et de tout ce dont il les vouldra accuser par deuant luy. Par ce appert que se aulcun ne peut faire pure omosne sans luy : car aulcun ne peut donner en omosnedignitez qui sont au prince. Et ne peut aulcun omosner en son fief : fors ce qu il y a. Et ce appert il es terres qui sont omosnees par aultres seigneurs : car le prince ya plaine iurisdiction des choses qui appartiennent au fief lay sur ceulx qui tiennent les terres / et ceulx a qui l omosne est donnee y prendront ce que ceulx qui leur donneront y auoient : et ce peut l en appeller omosue sans plus. aulcun ne peut eu fief qu il a omosne reclamer aulcune iurisdiction /9 se il ne luy retient especialement
⸿ Pure omosne est en quoy le prince ne retient rien de terrienne iuris diction ne de dignite. Et de ce / la iurisdiction et dignite appartient du tout a l eglise.
⸿ Tous les fiefz qui par trente ans ont este tenus comme omosne doibuent estre tenus pour omosne / et n en est aulcun tenu respondre en court laye : entant comme cest omosne. Non pourtant se il est requis par brief de douaire ou de mariage encombre / la court laye en fera droict a ceulx qui le requierent.
⸿ Puis que aulcun a encombre le mariage de sa femme /10 il peut viure auec elle quarante ou cinquante ou soixante ans / et en l an qu ’ il mourra / elle pourra rapeller tout ce qu il aura encombre de son mariage :11 car tant comme le mary vit / elle ne le peut rappeller : car el le ne seroit de rien ouye sans son mary.
⸿ Et ce rappel peut estre faict par brief de mariage encombre dedens l an et le iour de la mort de sommary / sicomme il fut dict devant eu chapitre de mariage encombre Mais se l an et le iour sont passez apres la mort de son mary / elle ne pourra pas rappellez l omosne qui aura este possidee / bien et en paix par trente ans.
⸿ Des terres qui ont este baillees en douaire ou que les hommes ont tenues par leur veufuete pourra le rappel estre faict :12 se elles sont encombrees par l homme veuf / ou par la femme veufue : car il n y auoient point de heritage.

In textu ibi.

De brief de fief lay et d omosne.

Vide ſupɿa capit.xxij.e teneure par omoſne,.etque ibi ſcripſi.Guillermus le rouille alencoñ.

A Pres nous debuons scauoir que vne enqueste est vsee en Normendie par brief de fief lay et d omosne / qui est ottroyee a ceulx qui stiennent. etc.

⸿ Par ce texte peut apparoir que brief de fief lay et d omosne n est ottroye ne estably sinon au tenant et possesseur des heritaiges dont l’en descorde.

⸿ Item l en doibt scauoir que se aulcun demande vng heritage a vng aultre en court laye / disant que cest son fief lay / le defenseur qui est tenant et possesseur dudict heritage pourroit prendre le brief de fief lay et d omosne / en soustenant que l’heritage descordable n est pas le fief lay a cil qui le demande : mais est l omosne du defenseur qui a prins le brief : et est le brief selon la forme et maniere contenue eudict texte : et se determi ne par enqueste de recongnoissant / selon ce que le texte le met.

⸿ Item l en doibt scauoir que le brief de fief lay et d omosne est proprietaire / et se doibt de terminer ainsi comme le brief destablye / dont cy dessus est parle.

⸿ Surquoy l’en pour roit mouuoir vng tel doubte. Scauoir s il conuient en ce brief vnze tesmoings d un acord aussi comme en brief d establye.

⸿ a ce doubte on peut respondre que non : mais suffit de sept ainsi comme es aultres enquestes : car cest vne regle especiale et particuliere / qui ne doit auoir lieu sinon es cas ou il est expressement dict et declaire : mais s entend ce texte au regard des dilations / exoines / de faulx / et aultres choses contenues eudict brief det establye.

⸿ Apres ensuit en texte

⸿ En ce cas peu cil qui est querelle auoir vne aultre defense se il veult / par enqueste sans brief et cetera. Sur ce texte est a noter que se cil qui est querelle en tel cas ne veult pas prendre le brief de fief lay et d omosne : il pourra s il veult auoir vne aultre defense contre cil qui est querelle / sans prendre brief : c est assauoir que il pourra soustenir que il n est tenu respondre de ce en court laye / pource que il a tenu le fief que on luy demande par trente ans comme omosne a soy appartenant : et a prescription de trente ans lieu en en ce cas en la faueur de l eglise : et s il est trouue par l’enqueste que il ait tenu ledict fief par trente ans comme son omosne / il doibt demourer paisible : et se doibt le proces mener et determiner en telle forme et maniere comme celuy de brief de nouuelle dessaisine : sauf toutesfois que ce cas est proprietaire et possessoire ensemble.

⸿ Sur ce que dict est on peut mouuoir vng tel doubte. Scauoir pourquoy le texte met que l’une de ses defenses se determine et discute par brief de fief lay et d omosne ainsi comme le brief destablie : et l’autre se determine par brief, par enqueste / ainsi comme brief de nouuelle dessaisine.

⸿ a ce doubte l’en peut respondre que la seconde defense dont le texte faict mention est ottroyee au tenant / qu il veult soustenir qu il n est tenu respondre en court laye : pource qu ’ il a tenu le fief que on luy demande par trente ans comme son omosne : et par cause de celerite et en faueon de l eglise : cest assauoir qu ’ il peut prendre ceste defense sans prendre brief / euquel il conuiendroit qu ’ il baillast pleges / et qu il fist les diligences du brief / qui seroit vne grand longueur. Et ainsi en continuant ceste faueur de celerite / veult le texte que l enqueste en ce cas soit faicte et menee comme celle de nouuelle dessaisine / qui est plus brief proces que n est brief destablie / selon la forme duquel la premiere defense que ce texte met qui est determinee par brief de fief lay et d omosne / se reigle ainsi que dessus est declaire.

⸿ Apres ensuit eu texte.

⸿ Se cil qui est querelle ne veult mettre auant etc. Doibt on noter que se cil qui est querelle ne veult point soustenir que le lieu que on luy demande est son omosne par brief ne aultrement : toutesfois pourra il soustenir s il veult que cest son fief / et le de fendra selon la loy du pays. ainsi comme vng aultre cas : comme il est acoustume a defendre son heritaige / sans dire que cest omosne.

⸿ Apres ensuit eu texte.

⸿ Et se la chose est mise en non scauoir es cas qui sont deuant mis / la iurisdiction remaindra a la court de saincte eglise etc. Doibt on entendre que se cil qui est querelle prend defense / disant que le lieu que on luy demande n est pas le fief lay a cil qui le demande / mais est son omosne : et pour ce defendre prend l’une des defenses dessus touchees en tel cas : c est assauoir brief de fief lay et d omosne / ou enqueste sans brief : en soustenant qu il la tenu par trente ans comme son omosne / et l enqueste le met en non scauoir : cest a entendre que l enqueste dye que elle ne croit point que ce soit le fief lay au demandeur / la congnoissance et iurisdiction en demourroit a la court de saincte eglise : et ce est introduict en la faueur de l eglise. Et se on vouloit arguer que cil qui por te le brief de fief lay et d omosne est acteur en celle instance. Et ainsi se il fault a prouuer le contenu en son brief / sensuit que il doibt perdre sa cause / et par consequent que l acteur aura le fief comme fief lay.

⸿ Pour la solution de l argument on peut noter que il semble que le texte veult innuer en ce pas et moult d aultres / que quand vne enqueste met en non scauoir de certain ou de credence / on ne doibt pas plus auant charger l enqueste de deposer ne plus l enquerir. Et sont plusieurs de ceste opinion qui dyent que anciennement on en souloit ainsi faire / et que encoire on en doibt ainsi vser : et fondent leur opinion en plusieurs pas. Et aussi que qui contraindroit les gentz de l enqueste a plus auant deposer / ce seroit occasion de les faire pariurer

⸿ Secondement on peut noter qu il y a plusieurs aultres coustumiers qui dient que quand vne enqueste est examinee sur aulcun cas, ilz doibuent estre enquis silz ne sceiuent aulcune chose soit de certain ou de credence : et ne suffiroit pas que ilz dissent Ie ne scey lequel croire. Mais doibuent estre contrainctz a dire lequel ilz croyent mieulx. Et fondent leur opinion / pource que se telles choses auoient lieu / trop de cas seroient mis en non scauoir : et ne se termineroient pas par les gentz de l enqueste / par coniecture / ne aultres apparences a croire d une partie ne d aultre / dont il viendroit moult d in conuenientz. Et mesme ment dient ceulx de ceste opinion que cest contre le stille du pays de normendie : qui est tel que quand aulcunstesmoings sont produictz en preuue de certain / il conuient qu ilz deposent silz sceir uent on non ce sur quoy. ilz sont produictz : et disent que ainsi en vse l’en publiquement et notoirement eu pays de Normendie.

⸿ Ces choses nontees on peut respondre en tenant l opinion du premier notable / que se les gentz de l enqueste dyent que ilz ne sceiuent que croire se cest le fief lay au demandeur ou l omosne a celuy qui tient. En ce cas la chose demourroit eu poinct et estat que elle estoit au deuant du proces encommence : c est assauoir que le querelle demourra en la possession et saisine du fief comme son omosne : et le demandeur perdra la demande / et ainsi la recongnoissance dudict fief demourra a l eglise comme fief d omosne.

⸿ Et en tenant l opinion du second notable / l’en peut dire que se les gentz de l enqueste ne croyent point que ce fust le fief lay du demandeur / ne l omosne du defenseur : le demandeur perdroit sa cause / et le querelle le gagneroit / et demourroit la congnoissance et iurisdiction dudict heritage en la court de l eglise comme omosne : et est ce que le texte veult dire. Et la raison est / pource que le brief est introduict en la faueur des querellez et de l eglise : et n est pas pource cil qui porte le brief repute acteur : mais est defenseur et l’autre acteur et demandeur eudict brief. Et aussi ne vient pas le recongnoissant ne l enqueste seulement pour scauoir et qu ’ il soit dict et raporte par eulx se cest l omosne du tenant : mais vient auec ce pour scauoir se cest le fief lay a cil qui le demande : et ainsi vient l enqueste tant sur la demande de l acteur que sur la defense du defenseur : et est sur tout l enqueste examinee. Et pource est iuste et rai sonnable chose que se l entente du demandeur qui est l acteur originel n est trouuee vraye par la deposition de l enqueste que il perde sa cause : et que l acteur la gaingne : et ainsi appert la response au doubte.

⸿ Ou l’en pourroit exposer le texte dessus touche en vne aultre maniere : pour laquelle declaration est a noter que par le stille de proceder eu pays de Normendie on ne plede point a diuerses fins / mais se fault arrester a vne fin : c est assauoir que se l acteur allegue plusieurs faictz pour obtenir a sa demande / et le defenseur en allegue aussi plusieurs pour soustenir sa defense : il conuient que la preuue demeure a l’un des deux / et se elle demeure a l acteur il ne prouuera fors ses faictz : et non pas ceulx du defenseur / nec econtra. Et ce cil qui prend la preuue a faire fault a prouuer / il perdra sa cause : et l’autre la gaingnera.

⸿ Cecy note on peut dire que le texte dessus touche neveult pas innuer que se le porteur du brief a la preuue a faire qu il soit abstrainct a prouuer tout le contenu eu brief. Et par especial les faictz qui touchent et regardent l acteur originel : mais luy suffit a prouuer ceulx qui touchent et regardent sa defense : cest assauoir que le fief que on luy demande est son omosne : mais le texte qui met que l’en doibt enquerir / scauoir se cest son omosne / ou le fief lay de l acteur / met ces motz : en demonstrant en general les faictz de l acteur et du defenseur affin que on enquiere principalement et especialement du faict de cil qui a la preuue a faire : par lequel la cause est gaignee ou perdue. Et par ce ap pert que le texte veult dire que s il est mis en non scauoir / cest a entendre se l acteur a la preuue a faire que ce soit son fief lay. et il fault a le prouuer : la court et la congnoissance en de mourra a la iurisdiction de l eglise / pource que le defenseur aura gaigne sa cause : et ne suffiroit point la raison au contraire de dire que le texte parle generale ment aussi bien au regard de l acteur comme du defenseur : car se le defenseur auoit la preuue a faire / et il failioit a prouuer / ou que son faict fust mis en non scauoir : il perdroit sa cause / et l’autre la gaigneroit. Et par ce n en pourroit demouroit la iurisdiction a la court de l eglise : mais le texte parle en general pour apprendre generalement les deux defenses / que cil qui est querelle peut mettre pour defendre son omosne. Sur lesquelz deux cas le demandeur peut auoir la preuue a faire : et semble que ceste opinion soit la plus vraye et la plus consonante au texte et a l usaige du pays.

⸿ Se aulcun demande aulcune terre comme omosne et cil qui la tient etc. Sur ce texte est a noter que se aulcun demande vng heritaige a vng aultre en la court de l eglise comme son omosne / ou mesmement en court laye : le querelle qui est tenant et possesseur dudict heritaige pourra s il veult prendre vng brief d omosne et de fief lay / ainsi que l’en prend vng brief de fief lay et d omosne quand aulcun demande vng heritaige d un aultre comme son fief lay / et le tenant veult soustenir que cest son omosne. Et poince dict le texte que l’en tournera les noms du demandeur et du defenseur. Cest a entendre que ainsi que il yavng brief de fief lay et d omosne / aussi y a il vng brief d omosne et de fief lay. Et oultre doibt on scauoir que toutes et quantesfois qu ’ il est descord entre la court laye et la court de l eglise d aulcune droicture / que chascune desdictes iustices dict a luy appartenir la congnoissance et iurisdiction de tel discord. compete et appartient au prince / et en peut on en ce cas prendre brief de fief lay et d omosne : ou d omosne et de fief lay / iouxte ce que dessus est dict.

⸿ Item l’en doibt noter que en telz proces de brief de fief say et d omosne ou d omosne et de fief lay l euesque du lieu doibt estre appelle auec intimation / que vienne ou non l’en precedera auant en la matiere selon raison. Et suffiroit en ce cas l assignation auec intimation estre faicte a son official ou promoteur / et silz ne venoient a court ou enuoyoient / on n en delayeroit ia la cause : mais procederoient les parties formellement l’un vers l’autre. Et la raison pourquoy on luy appelle par maniere de intimation est / pour ce que iasoit ce qu il y ait partie formee eu proces / si le touche et regarde la matieres en tant que on traicte et di scute se la iurisdiction de telles choses appartient a l eglise on non : neantmoins que le fons de la chose descordable ne luy appartienne pas.

⸿ Item l’en doibt scauoir que se le proces estoit mene en court deglise / et brief estoit pris sur ce : il conuiendroit que le proces de court d eglise se arrestast tant que le proces du brief fust fine en court laye.

⸿ Item l’en doibt noter que se cil qui porte breif d omosne et d fief lay enchet de son brief par ce qu ’ il fault a prouuer que cest son fief lay : la court / iurisdiction / et congnoissance de la chose descordable demourra a l eglise.

⸿ Et si doibt on scauoir que en tous telz proces de brief de fief lay et d omosne / ou d omosne et de fief lay le procureur du roy se peut adioindre d une partie et le procureur de l eglise d aultre / pource que telz briefz touchent et regardent les iurisdictions temporelles et spirituelles.

⸿ Item l en doibt noter que en tous cas ou il y a descord d aulcune droicture ou iurisdiction / scauoir se elle appartient a la court de l eglise ou a la court laye touchant heritage ou meuble requiere ostension de lieu ou non : le brief de fief lay et d omosne ou d omosne et de fief lay y peut estre prins / et appartient la congnoissance a la court laye.

⸿ Item l’en doibt scauoir que iasoit ce que vng heritage soit tenu comme omosne / neantmoins l euesque et son official ou aultre iuge depute a gouuerner la iurisdiction espirituelle n en peut cognoistre comme iuge espirituel : mais en doibt l euesque congnoistre son viconte ou iuge d omosne / ou aultre iuge depute a gouuerner sa temporalite.

⸿ Item l’en doibt noter que l archeuesque de Rouen a seneschal et viconte en haulte iustice / pour gouuerner son temporel ou omosne : lesquelz ont la congnoissance d iceulx temporelz et omosnes : mais les euesques suffragantz nont pas telle iurisdiction ne si plaine au regard de leurs temporelz et omosnes : et par especial aulcuns d iceulx quand ilz ne sont que le bas iusticiers en leurs iurisdictions temporelles / et nont point de viconte ou iustice d omosne / sinon aulcuns d iceulx.

⸿ Surquoy ou pourroit faire vng tel doubte : scauoir se les suffragantz de l archeuesque de Rouen qui ne sont que bas iusticiers en leur temporalite auroient la congnoissance des omosnes en leurs dyoceses / et des haroz faictz en l eglise ou en lieu de immunite deuant leur official comme iuge temporel en ces cas ou aultre iuge depute quant a ce : et se en ce cas on conduit les proces selon les coustumes du pays de Normendie.

⸿ L’en peut respondre a ce doubte / que les euesques suffragantz qui ne seroient que bas iusticiers en leur temporalite ne auroient pas icelle congnoissance par raison de leur basse iustice. Mais pource qu ’ il y en a plusieurs qui sont haultz iusticiers en leur temporalite et omosne / et qui ont acoustume a commettre et deputer iuges pour congnoistre des cas deuant declarez / on doit auoir recours a ce qui en a este garde de anciennete en chascun dycese au duche / soit de ceulx qui sont haultz iusticiers ou des aultres / et a ce que raison et coustume en veult : car il est bien possible que il y ait aulcuns euesques qui ne sont que bas iusticiers en leur temporaite qui sont haultz iusticiers en leurs omosnes. Et pource doit on auoir recours a l usage garde notoirement come dessus.

⸿ Apres ensuit eu texte.

⸿ Aulcun ne peut en Normendie faire de son fief lay pure omosne. sans l ottroy ou conser tement au prince. et cet.

⸿ Ce texte est assez cle rement declaire eu tex te et n y fault point d aultre exposition : fors que l’en ait entendement a le scauoir practiquer et entendre.

In textu ibi.

L’en doibt scauoir etc

Vide tractatum,in vulgari / linﬅruction pourcongnoiﬅre que ceﬅ que amoɿtiſſement,et videetiam ﬅilum eurie parlamenti in titu.e finantia Francoɿu feudoɿum et nouoɿum conqueﬅuum.⁊ que ſcripſi in gloſ. conſuetucenoma.artic.xlj.et ibi vide ratiōes pɿohibitionis. Guillermusle rouille alenconienſis.

In textu ibi.

Reclamer aulcune iurisdiction etc.

Ratio eﬅ iuriſdictio coheret ſerritoɿio.no.in.l.ſi pupillus.§.territorium.ff.e verbo.obligat.Bar.in.l.i.pe.col.ff.e iurriſ.ominiuin iud. ⁊ ibi Jaſvij.col.⁊ Frā.purpur.col.xvj. Bald.in.c.j.§.ad hec.col.ij. in titu.e pace iurfirm. Bart. oſil.xiij.incip.pɿimo queritur Fely.in.c.rodulphus.xij.col. verſic.territoɿio.de reſcript. ⁊ ſic.conceſſo caﬅro videtur cōceſſa iur iſdictio / m Bar.et Jaſ.in .l.j.vide Bald.in.c.j.in.iij.⁊.iiij.col.de capit.qui cur.ven.idē Bal.il.iter eos.ff.e acqr.re.do.

⸿ Apres ensuit eu texte

⸿ Puis que aulcun a encombre le mariage sa femme / il peut viure auecques elle quarante ou cinquante ans etc.

⸿ Sur ce texte est a noter que se aulcun encon bre le mariage de sa fen me et puis vit quarante ou cinquante ans auec elle / elle le pourra bien rappeller en l an et eu iour de la niort de son mary par brief de mariage encombre / et ne vauldroit contre elle la possession de quarante ans en ce cas : mais selle ne le rappelle en l an et eu iour de la mort de son mary / elle ne le pourra depuis rappeller p brief de mariage encombre.

⸿ Item l’en doibt noter que se aulcun encombre le mariage sa femme. et il est par ce moyen possi de par trente ans comme omosne : se la femme ne le reuocque en l an et iour de la mort de son mary. elle ne le pourra ia mais reuocquer : pour ce que la possession de trente ans suffit en omosne pour prescrire en propriete : laquelle possession est confermee et consommee taisiblement. puis que la femme ne vient en l an et iour de la mort de son mary. Et pareille ment diroit on de fief lay. s il estoit posside par quarante ans : se il n estoit reuoque en l an et iour de la mort de son mary : car prescription de quarante ans suffiroit pour acquerir droict en la propriete contre la femme de cil qui lauroit encombre.

⸿ Item l’en doibt scauoir que se aulcun honme tient l’heritage d aulcune femme par veufuete / ou vne femme l’heritage de son mary / ou partie d iceluy par raison de douaire : se l homme durant le temps de sa veufuete vend ou aliene par quelque maniere que ce soit l’heritage qu il tient par vef uete / ou la femme l heritage quelle tient en douaire durant le temps de son douaire : cil ou celle a qui l’heritage appartient en propriete le peut reuoquer en lan et iour de la mort de cil ou celle qui le vendit ou empescha. Reantmoins qu il y ait quarante au cinquante ans ou plus que l empeschement fut faict : mais se le reuocquement ne estoit faict en lan et iour de la mort de celuy que y a mis empeschement la possession de quarante ans / seroit conferme consumee taisiblement / et suffiroit pour acquerir propriete.

⸿ Sur ce que dict est en ce chapitre l’en doibt noter et considerer que cest que omosne / et comme amortissement d aulcune terre ou rente omos ne doibt estre faicte.

⸿ Amortissement est conge et ottroy que faict aulcun hault iusticier a psonnes ou gentz d eglise de tenir aulcun heritage en leur main / sans ce que iceluy hault iusticier ne aultre ayant cause de luy. puissent iceulx gentz d eglise contraindre a mettre ledict heritage hors de leur main / et par ce appert que cest heritage amorty. Et fut ledict amortissement trouue / pour ce que les gentz d eglise acheptoient voluntiers et iamais ne vendoient : et ainsi s il leur estoit permis achepter a leur volunte comme personnes seculieres sans le consentement du hault iusticier en quelle seigneurie l heritage est assis : ilz ne cesseroient point de achepter / et par ce seroit diminue le demaine desdictz haultz iusticiers et seigneurs. Et ne doibt aulcun estre contrainct a amortyr s il ne luy plaist : combien que de faict aulcunesfois l’en en contrainct.

⸿ Item gentz d eglise ne peuent tenir aulcuns heritages assis en aulcune haulte iustice / contre le vouloir du hault iusticier : se lesdictz heritages ne sont amor tys p luy. Et se de faict lesdictes gentz d eglise les tiennent / le seigneur leur peut faire commandement qu ilz mettent ledict heritage hors de leurs mains dedens lan et iour ensuyuant dudict commandement / et est tel commandement raisonnable : et y sont lesdictes gentz d eglise tenus obeyr.

⸿ Item se dedens ledict an et iour ilz ne mettent ledict heritage hors de leur mal ou qu ’ ilz n en appoictent auec ledict seigneur pour l amortissement : iceulx heritages sont acquis proprietairement au seigneur / et les peut appliquer a son demaine Et ainsi appert que les dictes gens d eglise ne peuent acquerir eu piu dice des seigneurs heritage ne saisie d iceulx que le seigneur ne puisse faire ledict commandement / fors par prescription on iouyssement eu par trente ans comme de pure omosne.

⸿ Item tous iusticiers haultz / moyens / et bas peuent faire amortissement de heritages assis en leurs seigneuries seulement : mais le prince seul peut faire le pur et frauc amortissement / et si ne descharge point ledict amortissement l’heritage de rente / charge / ou seruice en quoy il estoit eu precedent d iceluy.

⸿ Item aulcun ne peut amortyr droict de aultruy / combien qu il soit souuerain : mais couient que ceulx qui y ont droict consentent ledict amortissement chascun en son regard. Et pource que quelque amortissement qui soit faict / le seigneur que n a point consenty ledict amortissement peut faire le commandement dessus declaire en tant que a luy touche.

⸿ Item il y a deux manieres de faire ledict commandement ausdictes gentz d eglise de vuyder leur main : ou lesdictes gentz d eglise sont demourantz en la iurisdiction du seigneur ou non : silz y sont demourantz / le seigneur ou son procureur leur fera ledict commandement en ses pletz / en ceste maniere.

⸿ Telz religieux ont achepte tel heritage assis et tenu de ceste seigneurie. Et pource iceluy seigneur leur commande que dedens l an et iour de lors ensuyuant ilz met tent ledict heritage hors de leur main / ou qu ilz l amortissent : protestant que eu cas que ainsi ne le feront d auoir tel profit que de raison. Et silz ne le font / le seigneur les peut faire conuenir en sa iurisdiction / et leur remon strer ledict commandement / et leur negligence / et requerir que l’heritage leur demeure en fons et propriete : et se ilz ne sont resseantz / le seigneur les peut faire adiourner par lettres de requeste / a venir a sa iurisdiction / ou les faire adiourner deuant leur iuge ordinaire / et leur declarer le cas et commandement dont cy dessus est faicte mention.

In textu ibi.

Elle pourra rappeller etc.

Aide ſupɿa ca.c. e bɿief e mariage encombɿe.et contra eam non currit pɿeſcriptio conﬅantematrimonio quia non valenti agere non currit pɿeſcriptio.bon᷒text.iuncta glo.in.l.j.ff.e iuerſ.et tēpo.pɿeſcript.no.in.l.in rebus.ij.reſpon.C.de iure ot.et ibi Bald.in.ij.col.idem Bal.in.l.j.in.iiij.oppo.C.e bonis mater.Panoɿ.et Fely.in cap.ex tranſmiſſa.de pɿeſcript. Guiller.le rouille alencon̄.

In textu ibi.

Ou que les hommes ont tenu p leur veufuete.

hic maritus quandiu in viduitate permanſeritf vxoɿe pɿecedente lucratur vſumfructum rei otalis/et omniu bonoɿum vxoɿis/dummodo ex eoɿu matrimonioliberi pɿocreati ſint ſuperﬅites ſint vel moɿtui/e qua infra titn.e veufuete hommes/nec aliquo iure cauetur  vir vxoɿi ſuccedat in aliquo nec econtra niſi eficientibus coniunctis / vt.l.vnica.C.vnde vir et vx.Et  e iure nichil lucratur ſed os integra reuertitur ad heredes vxoɿis.eﬅ tex.in.l.j.C.de rei vxo.act.⁊l.aſſiduis.c.qui potioɿ in pig.habet.in c.j.ij.et ca.nuper e ot.poﬅ iuoɿ.reﬅituen. Sunt tn in italia ﬅatuta cōmuniter  pɿemoɿiente vxoɿe vir lucratur otem aut otis partem/e quibusper Bar.et alios in.l.ſi ab hoﬅib᷒ .§.ſi vir vxoɿem.ff.ſolut.mat.⁊per oct.in .l.vnic.Quid ſi vir occidat vxoɿē nunquid pdit vſufructum q̇ habet in bonis vxoɿige videtur e ſic p.d.§.ſi vir vxorem ymo ſi nō occidit.ſed ſi eā expulit e omoyel ſe abſentaultvel etia ſi alimentis ſibi nō pɿouidit ⁊ ſi moɿiat mulier culpa ſuaput a  erat infirma ⁊ non adhibuit medicos nō iucrat vſufruc.otis ſed perdit p tex.⁊ ibi oct.in .§.ſi vir vxoɿem.et icit ibidem Pau.de caﬅ.ita ſuluiſſe floɿentie per illu text.et p tex.in.l.necare.ff.e lib.agnoſ.Bal.in l.q̇ in vxoɿē.C.de nego.geﬅ. Cuautē competat onus pɿobandi medicum ſiue alimenta nō fuiſſevxoɿi per maritum adhibita icit ꝓh.coɿneus.cōſil.cxx.incip.inhac conſultatione.ante fi.in.j.volu. et incumbit qui allegāt/eita icit conſuluiſſe piſis um legebat et  tanc fuit illi oﬅēſumconſiliu ni Alex.ſigillatu ita conſulentē.Quod aut ebeat maritus adhibere medicum intellige ſi in patria eﬅ medici copia ⁊vir eﬅ in facultatibus m Pau.de caﬅ.in v.§.ſi vir. idem fi moɿbus eﬅ curabilis ſecus ſi incurabilis ɿtunc excuſatur m eundē ꝓaul.de caﬅ. cy autē ſupɿa ictu eﬅ e viro occidente intellige ſine rationabili ⁊ iuﬅa cauſa.ſi aut occidat ex cauſa legitimatunc non eﬅ ſine ubio an ebeat pɿiuari tali vſufructu. ⁊ in hococt.vari/ varia icūt quoɿū opiniones refert Jaſ. in .l. vnica.ij.col.C.vnde vir ⁊ vx.dicit tn̄ Paul. e caﬅ.  pɿiuatur illo vſufructu.in .§.ſi vir.Et allegat ibidē rationem ɿ licet marit᷒ impune occidat vxoɿem lege permittente hoc ebet ei ſufficere.Guillermus le rouille alenconienſis.