Si vous souhaitez signaler des coquilles dans ce passage, vous pouvez écrire à Morgane Pica (ingénieure d'étude du projet), en précisant l'URL et le titre du passage.
⸿ D enquestes de parties. Chapitre. cxvij.
E Nquestes seulent naistre en plusieurs cas a faire parties.1 Quand l’en requiert parties l en doibt premierement enquerir du lignage /2 et combien celuy est prochain qui les demande. Et se cil qui est querelle en est requis en court / il doit ognoistre le lignage ou le nyer. Et se il le nye l enqueste doibt estre se monse et tenue sans veue en la maniere quelle est tenue de nouuelle dessaisine. Et se enquerra l’en / scauoir s il est si prochain du lignage a celuy de qui l’heritage descend que il en doye auoir partie. Et se il est ainsi recongneu qu ’ il est si prochain qu il en doye auoir partie / il aura la partie qui luy est deue. Et s il est recongneu qu ’ il n est pas si prochain comme il disoit / ou il est mis en non scauoir : il remaindra sans partie.
⸿ Se aulcun dict qu il en est ainsne / et les aultres le nient : il sera sceu par l enqueste : et telles enquestes doibuent estre faictes par les voisins du lieu ou les parties furent nees.
⸿ Selainsne dit que il a faict partie a ses personniers /3 il la doibt monstrer :4 et le iour de la veue doibt maintenant estre assigne : et quand la veue sera faicte silz dyent que celle partie ne leur fut oncques baillee / ou que ilz ne leurent oncques : ou qu ’ ilz ont eu celle chose de leur conquest et non mie par raison d’heritage : telz contendz doibuent estre finez par enqueste. Ainsi doibt l’en faire se l ainsne dict que le fief dequoy on luy demande partie est fief ou membre de haulbert / de sergenterie / ou d aultre maniere / parquoy il n est pas partable. Et telles enquestes sont faictes ainsi comme de nouuel le dessaisine.
⸿ Se lais ne dict que le fief dequoy on luy demande partie ne luy vient pas de celuy ancesseur de qui on luy demande partie : enqueste en doibt estre faicte comme deuant. Et se l’en treuue que ce quel dict ne est pas voir / la partie soit faicte sans delay. Ainsi doibt l’en faire de toutes choses qui sont dictes pour delayer les partages / fors quand aulcun dict qu il a traicte aucc ses personniers par terre / ou par chastel / tant qu ’ ilz s en tindrent a payez : car tel contendz doibt estre fine par loy de bataille.
E Nquestes de parties seuleut naistre en plusieurs cas et cet.
⸿ Sur ce texte est a noter que quand il est descord de partie d’heritage / la question doibt estre terminee par enqueste : et doit l’en enquerir du lignage : scauoir en quel degre de ligne cil qui demande partie est au tenant. Et doit estre sceu par l enqueste s il en est descord / affin que se il est congneu que cil qui demande soit de tel degre de ligne au tenant qu il en doye auoir partie qu ’ il ait / selon la coustume du pays.
⸿ Item l’en doibt noter que se celuy qui est querelle est trouue en court / et il est suy de congnoistre ou nyer a lignage par cil qui luy demande partie : il est tenu de nyer ou congnoistre le lignage sans quelque at signation. Et aussi de respondre au surplus de la demande que luy faict cil qui est de son lignage qui luy demande partie. Mais s aulcun treuue vng aultre en court / lequel est tenant par acquisition d aulcuns heritages esquelz il demande partie / il n en respondra pas sans iour : pource qu on luy demande par raison seulement de ce qu il est tenant / et non pas par raison de ligne / et si ne peut pas scauoir la ligne comme le frere ou c ousin frereur.
⸿ Item l’en doibt noter que se aulcun est suy de congnoistre ou nyer a lignage / affin de bailler partie a cil qui suyt les heritages qu ’ il tient : se le lignaige est nye / il doibt estre determine par enqueste sans veue. Car en ce cas la veue ne seruiroit de riens / puis que on descorderoit de ligne et non pas de heritage. Et se doibt telle enqueste faire en la maniere de nouuelle dessaisine : car ce cas requiert celerite aus si bien comme brief de nouuelle dessaisine.
⸿ Item l’en doibt noter que s aulcun faict approcher vng aultre / ou le treuue en court sans assignation : et le suyt de congnoistre ou nyer a lignage / affin de auoir possession et saisine verbal de la succession a eulx venue et escheue d aulcuns de leurs ancesseurs : se cil qui est querelle demande la veue / il ne l aura pas : attendu que le demandeur se dict du lignage au tenant / en tel degre si prochain qu il dict auoir partie : et aussi qu il demande la saisine d une succession en general sans aultre denomination : mais si cestoit vng acquisiteur estrange / il debueroit auoir veue / et aussi ne respondroit il point sans assignation.
⸿ Item l’en doibt noter que s il estoit descord entre aulcuns / et que chascun dist estre ainsne d une succession / la question doibt estre determinee p enqueste. Et se le des cord se meut en l an et iour qu ilz sont venus a la possession / pourueu que aultres n ayent obtenu la possession contre eulx dont il se veullent ayder en ce cas : la succession contencieuse seroit sequestree par la main de iustice au profit de cil qui obtiendroit en diffinitiue / pource que chascun dict la possession a soy appartenir comme ainsne : mais se aulcun d eulx auoit este saisy par an et iour / il demourroit saisy pendant le proces d entre eulx du desbat de l ainsneesse.
⸿ Sur ce que dict est on peut mouuoir vng tel doubte. Scauoir se plusieurs descordent dune succession et de leur ligne / desquelz lieux et parroisses l enqueste sera prinse / ou des lieux ou les herita ges sont assis. ou des lieux dont les parties sont natifz : ou comme on les proportionnera.
⸿ a ce doubte l’en peut respondre que ladicte veue doibt estre faicte par les voisins du lieu ou le defunct fut ne ainsi qu il est contenu en ce chapitre / se le lieu d icelle natiuite estoit assis en la viconte ou les parties pledent : mais s il estoit assis hors la viconte / ladicte veue seroit faicte par les voisins de la parroisse ou demouroit le defunct lors de son trespas / de la succession du quel l’en descorde : pource que iceulx voisins peuent bien estre aduertiz du lignage et parente d iceluy defunct, mais a celle veue peuent cha scune des parties qui chascun d eulx peuent estre ditz acteurs / en tant que chascun d eulx dict et soustient ladicte succession a soy appar tenir, faire estre et semondre a ladicte veue des tesmoings de certain / qui peuent congnoistre et deposer de leur lignage et parente / pour estre employez eu nombre de l enqueste / ainsi qu il est acoustume de faire en aultres matieres hereditales : affin que par eulx la verite puisse estre rapportee. Et aussi tressouuent en telles matieres l’en procede par informations / qui se font a la requeste des parties / affin de adiuger la recreance et prouision de la succession descordable a celuy qui sera trouue le plus prochain lignagier habille a obtenir ladicte succession.
⸿ Item pource que sur ladicte maniere de faire lesdictes veues / qui seroient de longue deduction et grand coust et trauail / eu preiudice des parties : la partie qui vouldroit delayer pourroit trouuer plusieurs accessoires : comme dire qu il ne seroit subiect de proceder en ladicte matiere / sinon pour en emporter ce qui seroit monstre a ladicte veue : et non pas les aultres heritages ou rentes d icelle succession qui seroient assis en aultres lieux / et en vouldroit faire plusieurs et differentz proces / qui seroit contre coustume : par laquel le vne querelle se doibt determiner par vne seule loy et proces / qui est pour scauoir entre les parties lequel est la plus prochain heritier a recueillir ladicte succession.
⸿ L’en peut obtenir lettres royaulx pour estre receu a poursuyr le descord d icelle succession par vng seul proces / et par iceluy discuter sommerement lequel est le plus prochain heritier habille a obtenir ladicte succession / sans ce que le demandeur soit tenu d aller en chascune iurisdiction.
In textu ibi.
Enquerir du lignage. etc.
Et eſt notandum cōſanguinei et parentes admittuntur ad pɿobandam conſanguinitatē imopɿeferutur extraneis qɿ pɿeſumuntur melius icire genealogiampɿopɿiam.no.in.c.videtur/⁊ ibi Panoɿ.qui mat.accuſa.poſſ.⁊ icit idem panoɿ.ibidē in.ij.no.cy allegans ignoɿantiā conſanguinitatis ſue non eſt e facili audiendz.vide Panoɿ.in. c.quotiēs.de teſtib. ⁊ idē in.c. ſupeo.eodem titu.in ca.ſanguineos.xxxv.c.vi.et.iij.c.vin ſum.⁊ ca.conſanguinei.Specu.in titu.de teſte.§.fverſi.iiij.fallit Bart.in.l.qteſtamēto.ō.i.ff.de teſtibBald.in.l.parentes.C.eo.ti.Fran.de aret. cōſil.xiij.icip. viſo iligēter.pe.col.Philip.coɿnez cōſil.cxlviincip. cauſa.pe.col.in.ijvolu. allegat.l. e tutela.e in integ.reſti.mi.et.I.octaul.ff. vnde cos.Et ſufficit teſtimonium e auditu tex.et ibi Panoɿ.in.c.licet ex quadā.i.col.de telſtib. vbi etlā icit/c generaliter admittitur teſtimonium e auditu audit᷒ qnagitur e pɿobando aliq̄d hominis vita capere nōpotuit put a excedit centum annoɿū.l.fi.iu ct a glo.C.de ſacroſ.eccleſ. ⁊ valeat tale teſtimoniu tenentJo.and.⁊ hoſtiē.in .c.licet ex quadā: icunt tamēibidē in tali caſu requiritur concurrētia fame cūalijs adiiniculis p.c.pɿeterea.de teſtib.et.c.cu cauſam.de pɿoba. Sed an ſufficiat pɿobare quaſi poſſeſſionē conſanguinitatis puta quia talis vocabat̄ nepos vel cognatus . vide pBart.in.l.j.§.idem per cōtrarium.ff.de lib. agnoſ.etin.l.j.C.quoɿum bono.⁊ inl.j.§.f.ff.de queſt.doct.i.c.per tuas.de pɿobat.Jaco.but. ⁊ Bal.in.l.j. et in.l.nōnudis.C.de pɿobat.⁊ pulchɿe per ꝓhilip. coɿ. conſil.lxxviij.incip. viſo ꝓceſſu.in.iij.volumi.Guillermus le rouille alanconienſis.
⸿ Apres ensuit eu texte.
⸿ Se l ainsne dict qu il a fait parties etc. Sur ce texte est a noter que se aulcun demande partie de aulcune suc cession a son ainsne / et l ainsne dict qu il luy a baille partie : la veue doibt estre assise / et a la veue l ainsne doibt monstrer ce qu ’ il a baille pour partie a son puisne : et se le puisne dict que ce qui est monstre a la veue ne luy fut oncques baille a partie / ou qu ’ il l a par aultre saisine / comme par conquest ou aultrement : et non pas par raison de partie d heritage : Telles manieres de descordz se doib uent determiner par enqueste. Et semblablement se l ainsne vouloit dire que le fief dont on luy demande partie / est vng fief de haulbert ou membre de haulbert. pourquoy il est impar table. Et se le puisne soustenoit le contraire : tel descord se determi ne par enqueste : et toutes aultres defenses qui sont mises par les parties pour delayer le plet se doibuent determiner par enqueste : excepte quand aulcun ainsne dict qu il a fine a ses parsonniers par telle terre et par chatel dont ilz se sont tenuz pour contentz : se les puisnez le nyent / tel descord selon le tex te se doit determiner par loy de bataille. Et ainsi en vsoit on anciennement : et ne vsoit l en point de finer telz contendz par enqueste, pource qu on alleguoit composition de meuble auec heritage. Mais a present on ne vseroit point de loy de bataille / pource que les batailles sont restrainctes et adnullees en tel cas : et ne ont pour le present lieu sinon es cas criminelz : sur quoy on peult faire vng tel doubte. Scauoir comme tel descord seroit a present determine. a quoy l’en peut respondre qu il conuiendroit que il fust monstre par lettre escripte et seellee / pource que aulcun n est tenu soy mettre en faict de preuue de contract heredital s il n est monstre par lettre : ainsi qu il traicte plusaplain cy deuant en plusieurs lieux : sauf toutesfois que se lettre en auoit este eue qui eust estre leue a ouye de parroisse eu notoirement venue a congnoissance / et depuis eust este perdue par aucune fortune / il suffiroit a estre prouue ainsi qu il est deuant declaire en aultres lieux en ce present traictie.
In textu ibi.
Il la doibt monstrer.
Quid ſi tales poſſederunt iuiſim per ecem annos icit gloſ. ſolenuis.in.l.ſi maioɿ in glo.j. C.communi iuid.cy tunc pɿeſumitur iuiſio facta quod verum eſtin patria vbi viget ſimilis ſuetudo puta in ceno.art.ccccxlviij.et que ibi ſcripſi.Suiller.le rouille alencoñ.