⸿ D enquestes de douaire. cxviij.1

D E terres que sont baillees en douaire : seulent enquestes estre faictes sicomme l’en a monstre par deuant / mais que le plet en soit commence dedens l an et le iour que la femme fut morte que l auoit eu en douaire / et ceulx la doibuent auoir de la possession desquelz elle fut prise / silz n en ont eu eschange auenant. Et doit l’en enquerir se la femme de quelle mort l’en demande la terre leust en douaire par raison de son mary : et scauoir se celuy que la requiert est le plus prochain hoir a celuy de quelle possession le douaire fut faict. Sil en a eu eschange par aulcu qui garantir luy deust : la terre du douaire remaindra a celuy qui les changea. Tout douaire qui est encombre par le faict ou par la negligengence a la femme peut estre rappelle : sicomme nous auons dict qui que le tienne.

⸿ D enquestes de douaire. cxviij. D E terres qui sont baillees en douaire seulent. etc. Par ce texte est a noter que se aulcune femme tient l’heritage en douaire et elle le vend / aliene / ou dlencombre / ou laisse prendre a aultre par sa negligence. Cil qui est le plus prochain heritier du mary de la fen me qui l encombra et a qui il fut baille en douaire le pourra auoir et reuoquer a l an et iour de la mort de ladicte femme : neantmoins qu ’ il y auoit quarante ans passez qu ’ il fut encombre. Sur quoy on peut faire vng tel doubte : scauoir son laissoit pas ser lan et iour de la mort de la femme qui lauroit eu en douaire / son le pourroit iamais reuoquer.

⸿ On peut rfdre que non p ceste forme de reuocation : mais p loy apparente pourroit bien estre demande par ceulx qui en debueroient estre heritiers etc.

⸿ Et quant au surplus de ce chapitre il est assez cler eu texte / sans luy bailler aultre exposition.