Si vous souhaitez signaler des coquilles dans ce passage, vous pouvez écrire à Morgane Pica (ingénieure d'étude du projet), en précisant l'URL et le titre du passage.

⸿ Le grand coustumier du pays et duche de Normendie / tresutile et profitable a tous practiciens. Euquel est le texte d iceluy en fran coys proportionne a l’equipolent de la glose ordinaire et familiaire. ⸿ Avec plusieurs additions / allegations / et concordances / tant du droit Canon que Civil. Composees par scientifique personne maistre Guillaume le Rouille D alencon, Liceñ. es droictz. Inferees et situees en la fin d un chascun chapitre  : dont la premiere est merquee et lignee par les nombres de Chiffres. Et la seconde ensuyuant la premiere est merquee ou signee par l alphabeth de petites lettres capitales semblables a icelles a B C D etc. Le tout pour concorder le texte / la glose / et les additions : iouxte les difficultez qui sy peuent mouuoir. ⸿ Aussi y est le texte en latin trescorret / avec lesquelz textes sont adioustez ( selon l’ordre a ce requise ) plusieurs traictez et choses tresnecessaires pour l estat de la iustice a tous iuges / aduocatz / officiers / et aultres gentz dudict estat.

⸿ Et premierement

⸿ Les repertoires dont le premier est selon l alphabeth / affin de plus promptement trouuer les chapitres par les fueilletz. L autre est pour facilement trouuer en l’ordre des chapitres et par les fueilletz les matieres traictees et contenues en chascun d iceulx chapitre.

⸿ La chartre aux normandz inuiolablement gardee et entretenue audict pays.

⸿ Le dict du feu roy Charles / faict a Compiegne Lan mil quatre centz vingtneuf.

⸿ Les traictez de consanguinite et affinite selon la lecture de Iehan andre docteur autentique / auec les figures des arbres de ladicte consanguinite et affinite / conforme a ladicte lecture pour facilement congnoistre les degrez d icelle.

⸿ Item y ont este adioustees toutes les ordonnances royaulx depuis les premieres iusques a present  : publiees a Rouen en la court souueraine de l eschiquier. le. xxii. iour de Decembre / l an de grace Mil cinq centz et sept / de l auirauctorite du roy Loys. xii. de ce nom. Avec les ordonnances royaulx precedentement publiees et obseruees en ce pays et duche de Normendie.

⸿ Item les ordonnances du roy nostre sire Francoys premier de ce nom publiees en sa court de parlement a Rouen.

⸿ Item aussi y sont de nouveau adioustees plusieurs aultres nouuelles ordonnances tant du roy nostre sire que de sadicte court de Parlement de Rouen / comme on pourra veoir en la lecture d icelles.

⸿ Item le stille et ordre de proceder en la court de Parlement  :

faict a Rouen le. xxi. iour de Ianvier Lan mil cinq centz et quinze. Nouuellement imprime a Rouen par Nicolas le roux pour François regnault libraire iure de l uniuersite de Paris. pour Iehan Mallard demourant a Rouen tenant son ouuroir au portail des libraires le plus prochain de l eglise  : et pour Simard anger / demourant a Caen pres le college du boys. 1539