De ceste vertu est escrit aux proumes des ordonnances du Roy Charles viij. de l’an 1493. et de Loys xij. de l’an 1498.

I Vstice est la premiere et plus digne des vertus cardinales : et aussi la principale et plus necessaire partie de toutes monarchies, royaumes et principautez bien conduites et ordonnees : par laquelle les Rois regnent, et les seigneuries sont entretenues, quand ils la font bien et deuëment rendre et administrer, selon qu’il est ordonné de Dieu, et qu’ils y sont tenus : leurs subiets, chacun en son estat, regis et gouuernez en paix et vnion : les vertueux et bienfais honorez et promiez : les mauuais et malefices reprimez et amendez. Et par defaute d’icelle Iustice, les royaumes vont facilement en ruine et desolation.