La Coustume aux chapitres de Justice, et de Iusticement, et de Justicier.

A Vcunefois appelle-l’en Iustice, et Iusticement, vne detresse1 qui deescend de droict, qui est faite sur aucun, si comme on dit d’aucun qu’il justicie bien ses hommes. Telle iustice2 est faite par prendre meubles, ou fief, ou corps. Aucunefois appelle-l’en Iustice, le Bailli ou autre Iusticier quelconque, qui a pouuoir de iusticier les hommes : si comme on dit, La Iustice du Roy tient ses assises en ceste ville, Aucunefois appelle-l’en Iustice, la peine qui est eniointe à aucun pour sa desserte : si comme on dit. le ver faire la Iustice d’vn larron que ie vei pendre. De toutes ces manieres de Iustice, vse-l’en souuent en Court laye. Iusticier 3 : est appelé de Iustice, pource qu’il a pouuoir de iusticier les autres.