Si vous souhaitez signaler des coquilles dans ce passage, vous pouvez écrire à Morgane Pica (ingénieure d'étude du projet), en précisant l'URL et le titre du passage.

Aux chapitres de femme dessaisie en l’absence de son mari, dont y a tiltre cy apres.

S E femme est dessaisie en aucune manière, ou aucune chose luy eschet tant comme le mari est en pelerinage, ou en lointaine marchandise, elle doit estre ouye, iaçoit que son mari ne soit pas present : que la demeure de l’hoomme ne luy tolle l’enqueste dedans, l’ant et iour1. Mais si son mari est en la h contree2, elle ne doit de rien estre ouye sans luy. Et aussi s’elle a dessaisi aucun, puis que son mari se partit du pays, elle est tenue d’en respondre en derrière de luy, s’il est hors de la duché de Normandie.

1

Dedans l’an et iour.

Par ceci est entendu que la femme ne doit estre ouye que sur le possessoire qui ne se peut intenter que dedans l’an et iour. Et par mesme raison on peut dire qu’elle deuroit estre ouye és actions annales et autres qui pourroient perir par la demeure du mari.

2

Contree.

C’est à dire au pays et duché de Normandie, comme le texte le déclare assez par apres : et aussi entend pelerinage, ou loingtaine marchadise, le voyage qui est entreprins à faire hors du pays. Et ce qui est dit en cest endroit, appartient aussi au titre qui sera mis cy apres, De ceux qui ne sont personnes legitimes d’estre en iugement.