François au Bailly de R. 1542.

N Ostre amé et feal, Pource que vous pourriez faire difficulté de comprendre en la contribution de nos bans et arrièrebans, les mineurs qui sont en vostre bailliage, dot la garde nous appartient, sans sçauoir quelle est sur ce nostre intention-Nous auons bien voulu vous aduertir que nous voulons et entendons que ceux ausquels nous auons baillé les gardes nobles, et que ne tenons en nostre main, contribuent et fournissent audit ban et arriereban, pour raison des fiefs et terres nobles appartenans ausdits mineurs, suyuant la nature de leursdits fiefs : sans ce qu’ils en soyent aucunement exempts.