Si vous souhaitez signaler des coquilles dans ce passage, vous pouvez écrire à Morgane Pica (ingénieure d'étude du projet), en précisant l'URL et le titre du passage.
De Banon, et Deffens. Chap. XII.
La Coustume.
T Erres sont en aucun temps en deffens, et en autres sont communes, Toutes terres cultiuees sont en deffens, de quoy bestes peuuent legerement tollir les fruicts. Vuides terres sont en deffens depuis la my Mars iusques à la saincte Croix en Septembre 1 : en autre temps elles sont communes, s’elles ne sont closes ou defenduës d’ancienneté3, si comme de hayes, ou de telles choses. Le temps en quoy le terres sont commub nes, est appelé banon en quoy les bestes peuuent aller communement par les champs sans pasteur. Aucunes bestes sont qui n’ont point de band, ains doyuent estre gardees à en tout temps, et les dommages qu’ils font doyuent etre rendus : si comme sont chieures4 qui mangent les bourgeons des vignes en la croissance des arbres, et porcs qui fouyset les prez, et les terres semees : et toutes autres bestes mal-faisantes, qui tousiours doyuent estre gardees, et les dommages. qu’elles font doyuent estre restaurez., Nul ne peut defendre sa terre en temps de banon, s’elle n est close d’ancienneté : excepté les deffens des bois, qui par vs et coustume sont tousiours en deffens. Banon doit estre osté de toutes terres en quoy le blé est apparissant, qui pourroit estre empire par les auoirs5, si qu’il n’y en doit point auoir.
Depuis la my Mars iusques à la saincte Croix de Septembre.
Qui est le temps d’entre l’equinocce du Prim-temps, et l’equinocce d’Automne : comprenant six mois, par lesquels e l’Esté est diuisé d’auecques l’Hyuer qui dure les autres six mois de l’annee, selon qu’il e est escrit in l. 1. 8. estatem ff. de ad quotid et esti.1
ADDITIO.
Pline Il ne faut pourtant exclurre le prim. temps et l’automne, veu que l’un est distingué en quatre parties : dont les commencemens de chacune par diuers autheurs, et en diuers regions sont diuersement assignez : tellement que nous pouuons dire apresPline , Dierum ipforum, anni, solisque motus, atque adeo aequinoctiorum et soistitiorum propé inexplitabilem esse rationem.
Closes d’ancienneté.
Ce n’est pas à dire qu’on ne puisse clorre de nouueau sa terres mais ce ne seroit au preiudice du banon au temps duquel on seroit suiet d’y faire et laisser ouuerture, selle n’auoit esté close d’ancienneté. Et quant aux terres qui ont accoustumé d’estre closes, comme iardins, si on les laisse sans closture, elles sont de banon comme les autres, pour le temps qu’elles seront descloses.
Comme sont chieures.
Earum morsus arbori exitialis : comme escrit Plin. lib. 8. cap. 50. Les oyes aussi trouuees en prez ou terres labourables, ou semees, peuuent estre prinses en tout temps. Et est permis à vn chacun prendre bestes d’autruy qu’il trouue en son héritage faisans dommage, pour les amener en Iustice dedans vingtquatre heures pour estre payé de son interest. Et en aucunes Iustices y a lieu propre pour les amener, appele parc. Et est accoustumé en aucuns lieux de constituer des messiers pour prendre garde durant la mession que les bestes ne facet dommage. Lesquels font serment à Iustice, et sont creus de la prinse des bestes en dommages : mais il faut visiter et estimer le dommage. Et doit l’action en dommage de bestes etre intentée dedans l’an et iour. Voyez ci apres au Tit. De Iusticement. S. 9.