Henry 1556.

Auoir faisons que nous bien memoratifs et records des ordonnances par nous faites pour la police des pauures de nostre ville et faux-bourgs de Paris donnees à S. Germain en Laye, le ix. iour de Iuillet, l’an 1547. et desirans pouruoir et subuenir aux pauures malades qui sont dignes de l’omosne, et aux valides oster toute occasion d’oisiueté, et leur donner moyen de gaigner leur vie : Auos par l’aduis et deliberation de nostre priué Conseil, ordonné et ordonnons à nos Baillis de Roüen, Caux, Caen, Costentin, Eureux, Gisors, et Alençon, Capitaines. desdites villes ou leurs Lieutenans en chacune viconté de nostre pays de Normandie, Escheuins et Conseilliers desdites villes, chacun endroit soy, faire dresser dedans huit iours apres la publication de ces presentes, oeuures publiques en vn, deux, ou trois diuers lieux, de chacune de nos bonnes vil les de nostredit pays. Et à faute de ce faire dedans ledit temps, voulons tous et chacun les deniers et reuenus communs desdites villes estre prins, saisis et mis en nostre main, par nosdits Baillis ou leurs Lieutenans, chacun endroit soy, pour des deniers qui en viendront, lesdites oeuures estre mises sus et ordonnees. Et lesdites oeuures publiques ainsi dressees et establies, voulons estre proclamé à son de trompe et cry public par les carrefoures desdites villes et faux bourgs, Que toutes personnes soyent hommes ou femmes, valides et puissans pour estre employees à telles oeuures, ayent à eux retirer esdits lieux, pour y ouurer, trauailler et besongner à salaire raisonnable. Et ausquelles oeuures nous voulons toutes sortes de pauures vali des habitans en nosdites villes et faux-bourgs estre receus et admis. Auce inhibitions et defenses à toutes personnes de quelque qualité et sexe qu’ils a soyent de ne plus mendier1, ou demander l’omosne par les rues, portes des eglises, ni autrement en publie : sur peine quant aux femmes, du fouët, et d’estre bannies de nosdites villes et bailliages dont elles seront, et quant aux honmes, d’estre enuoyez aux galeres, pour nous y seruir comme forsaires, au temps qui sera arbitré par nosdis Baillis ou leurs Lieutenans. Et lesquels si apres lesdits establissemens d’ouurages, inhibitions et defenses dessusdites sont trouuez faisans le contraire, nous voulons estre prins et apprehendez prisoniers par le premier de nos Huissiers ou Serges, a la requeste d’un cha cun qui premier les aura trouuez, et par nosdits Baillis ou leurs Lieutenans la vérité sommairement cogneue, estre punis comme dessus. Et pour le regard des pauures malades inualides et impuissans, qui n’ont aucun moyen de trauailler, ne gaigner leur vie, et qui n’ont aucunes maisons, chambres ne lieux à eux retirer : Nous voulons et ordonnons iceux estre promptement me nez, et distribuez par les hospitaux, leprosaries, hostels et maisons-bieu, de nosdites villes, bailliages et vicontez de nostredit pays : pour y estre nourris secourus et entretenus, des deniers et reuenu desdits hospitaux, leprosaries, et maisone-Dieu, selon le reuenu d’iceux : les ladres preallablemet logez et nourris, si aucuns en y a, pour le regard desdites leprosaries. Et à ceste fin tous gouuerneurs, hospitaliers, et administrateurs d’iceux estre, comme pour nos propres deniers et affaires, contrains rendre conte, meubler, et vtensiler raisonnablement lesdites maisons, fournir aux frais, nourriture, cousts et despens desdits pauures qui leur seront ainsi baillez et distribuez iusques à la concurrence et valeur dudit reuenu. Et en cas de refus ou delay, seront tous les biens et reuenus desdits hospitaux, leprosaries, et maisons-Dieu, prins et saisis en nostre main, pour estre employez aux choses dessusdites.

Et pour le regard des pauures, malades et impuissans qui ont maisons chambres, logis et lieux de retraite esdites villes et faux-bourgs, et n’ayans pareillement aucun moyen de trauaillier et gaigner leur vie-ou qui ayans fait leur deuoir et trauail ne se peuuent entièrement sustenter : Nous voulons et ordonnons qu’ils soyent, nourris secourus et entretenus par les parroisiens de chacune parroisse, qui à ceste fin en feront faire les rolles par les curez ou vicaires, thresoriers et marguilliers, chacun en son eglise et parroisse : pour leur distribuer en leurs maisons, ou en tel autre lieu commode qui sera aduisé par lesdits curé ou vicaire, margueilliers et thresoriers, en chacune d’icelles parroisses, l’omosne raisonnable : sans ce qu’il soit permis à eux et leurs enfans aller quester ne mandier par les villes et parroisses, sur peine du fouer pour les grans, et des verges pour les petis enfans. Et à ce seront employez les deniers prouenans des questes et omosnes qui se cueillent chacun iour, tant aux eglises, que par les maisons desdites parroisses, et ausquelles chacun se quotize volontairement-.2

Et outre ce pour recueillir les aumosnes des gens de bien de nostredit, pays, seront establis trones et boëttes desdits pauures par toutes les eglises et parroisses : qui par chacun iour de Dimanche seront recommandez par lesdits curez ou vicaires en leurs prosnes, et par les prescheurs en leurs ser mons et predications. Et pour faire lesdites questes, mesmes pour distribuer icelles, seront esleus en chacune parroisse quelques bons personnages. Et pour ce mesme effect les abbayes, prieurez, chapîtres et colleges de nostredit pays qui d’ancienne fondation sont tenus faire aumofnes publiques, ( d’autant que ladite aumosne est occasion d’attraire les valides, et les destourner d’ouurer et trauailler ) seront tenus bailler et fournir en deniers à la parroisse en laquelle lesdites abbayes prieurez, colleges et chapitres sont assis, la valeur et reüenu de ladite aumosne. Et pource qu’il se pourra trouuer en aucunes parroisses si grand nombre de pauures, malades et impuissans, et si peu degens riches et bien aisez, que les questes et aumosnes dessusdites ne leur pourroyent fournir : Nous voulons et ordonnons que les prochaines parroisses, abbayes, prieurez, chapitres, colleges et autres communautez de nostredit pays, ayans deniers bons et puissans de leur faire subuention en aident et secourent lesdites parroisses par trop chargées de pauures : à ce que lesdits pauures n’ayent occasion, delaissant leurs parroisses, eux retirer ausdites parroisses prochaines plus riches et aisees. Par ce toutes fois que les Commissaires des pauures3 cy deuant commis en nostre ville de Rouen, demeureront pour auoir la superintendence pour le regard du faict desdits pauures, ainsi qu’ils ont accoustumé de faire : et pour à l’exemple d’iceux, en commettre de semblables aux autres bonnes villes, et parroisses de nostredit pays.