La Coustume.

Lconuient apres voir de bref de mariage encombré : de quoy la femme doit faire clameur dedans an, et iour apres la mort de son mary qui l’encombra. Car s’elle laisse pafser l’an et iour, on ne luy respondra plus par enqueste de bref.

L’en doit sçauoir que l’en encombre le mariage de sa femme, quand il fait, en quelque manière que ce soit, qu’elle en est dessaisie, mesmes selle le vendoit : s il n’est gaigné vers elle par loy de bataille, ou par recognoissace. Car se concorde en estoit faite par son mary, la femme ne seroit pas tenuë à la garder. Car dés ce que la femme est en la pooste de son mary, il peut faire à savolonté d’elle, et de ses choses, et de son héritage. Et elle ne peut rien vendre tant comme il viue, ny encombrer en derrière de luy, qu’il ne puisse rappeler. Mais elle ne peut rappeler ce qu’il fait, ny estre ouye tant qu’il viue, en derrière de luy. Mais ils doiuent estre ouys ensemble de toutes les choses qui appartiennent à elle.

L’en doit sçauoir que de mariage encombré doit le bref estre fait en ceste forme. Se M. te donne plege de suyr sa clameur, semon le recognoissant du voisiné, qu’il soit aux premieres assises du bailliage, à recognoistre sçauoir se la terre que T. luy deforce, est de son mariage, ou son héritage qui luy. soit escheu : et sçauoir que G. son mary qui mourut en cest an la luy encom bra, et comment. La terre soit veuë dedans ce, et soit en paix.

Ceste veuë ensuit la manière de nouuelle dessaisine : mais garant y peut estre appele.

S’aucun vend l’héritage de sa femme qui luy estescheu de ces ancesseurs, iaçoit ce qu’elle n’en eust la saisine, elle aura dedans l’an et iour de la mort de son mary, la saisine qu’il luy encombra.

S’aucun rappelle par la raison de sa femme, terre qui soit venduë, par ce qu’elle est du lignage de celuy qui la vendese le mary la vend apres, la femme la pourra rappeler apres sa mort, comme mariage encombre. Car le mary n’eust peu rappeler lavente pour luy, mais à sa femme : et pource ne la rappelle il pas pour luy, mais pour sa femme.