L’Eschiquier 1383. et 1497.

P Ource qu’en aucunes expeditions et audiences donnees en ceste Cours et autrement, la Cour a esté aduertie que les Iuges tant Baillis, Vicontes, que leurs Lietenans, vont si tard et à si grande heure à l’auditoire tenir leurs plets et assises, que les matieres ne peuuent estre expedices : et à ceste occasion le peuple illee venu, fort vexzé et trauaillé, et si tard tenu, qu’il ne peuuent retourner à leurs maisons à heure ni à temps conuenable : La Cour a ordonné et ordonne que d’orenauant lesdits Baillis, Vicontes et leurs Lieutenans, chacun endroit soy, entreront en l’auditoire accoustumé pour tenir leurs iurisdictions ordinaires : c’est à sçauoir depuis la sainct Michel iusques à Pasques, à heure de neuf heures deuant midy du plus tard : et depuis Pasques iusques à la sainct Michel, à heure de huict heures de matin. Et leueront de bonne heure à la discretion de Iustice pour prendre la refection des Conseilliers. Et seront diligens d’aller en cohue dedans deux heures de releuée, afin que le peuple puisse estre mieux et plustost expedié, et renuoyé en leurs maisons.