La Coustume.

xoine est vn delay qui monstre cause pourquoy cil qui est semons, ne vient à Cour, pour maladie qu’il a Il y a vne exoine de voye de Cour, et autre de mal resseant. Exoine de voye de Cour est ainsi appelee, pource que cil qui plaide est empesché en la voye de Cour pour soudaine maladie, si qu’il ne peut venir à la Cour. Ceste exoine est faite en ceste manière : Richard venoit en ceste Cour plaider contre Guillaume : maladie luy est prinse en la voye de la Couresi qu’il ne peut venir à ceste Cour, ni à autre par santé de son corps-de quoy ie suis prest de faire l’esgard de la Cour. Et si est tenu de dire le lieu ou il la laisse malade, s’on luy demande.

Ceste exoine doit estre receuë en la presence de l’autre partie : et si doit estre iour assis à l’exoineur d’estre au premiers plets, ou la première assise de celle Cour, pourtat que l’autre partie ne vueille de rien casser l’exoine. Ceste exoine peut estre cassee1 s’elle a esté autresfois faite. Car nul n’en peut estre exoine qu’vne fois, ne le plet n’en peut plus estre prolongé.

Quand cil qui a esté exoiné viendra à Cour, se l’autre partie demande droict de l’exoine, et dit qu’il ne croit pis qu’elle fust vraye, ains fust faite pour le greuer et pour delayer le plet : s’il en deman de le serment, face tant qu’il en soit creu, ou il amende sa defaute : car il est tenu à l’amender, ou sauuer son exoine par son serment, ou par le serment de l’exoineur, se l’autre par tie le requiert. Et s’il ne la veut sauuer, il l’amendera comme defaute. Et ne pourra plus enuoyer en Cour exoine en celle querelle, pource qu’il est cOuainecu d’enuoyer en Cour fausse exoine.