Au chapitre De loy apparissant.

A Pres il peut faire la quarte exoine de voye de Cour. Sil la fit ains qu’il efit les trois autres, il ne pourra pas faire la quarte. Car elle ne peut estre faite, sinon vne fois en la querelle. Et peut estre faite au deuant cy apres selon la volonté de l’exoineur.

Se cil qui est exoiné de mal resseant vient à Cour apres ce que la premie. re ou la seconde sera faite, ou il defaut, il ne pourra pasfaire la tierce exoine de ceste mesme maladie, Car dés ce que la premiere exoine est faite de mal resseant, les autres deux doyuent estre faites de ce mesme mal sans interrompre.

Quand il aura fait toutes exoines, sil vient à Cour il doit amener tous ses exoineurs, et leus tesmoins. Et se l’aduersaire requiert que toutes les exoines soyent sauuees, la Iustice luy doit comander qu’ils les sauue. S’il respod qu’il n’enuoya aucune exoine à Cour, lors doyuent tous les iours qu’il fut exoiné estre tenus pour defautes, et il les doit amender maintenant : et tous les exoineurs, leurs tesmoinset leurs pleges le doyuent amender cherement, pource qu’ils ont demoqué la Cour. Et pourra apres faire toutes ses exoines aussi comme sil n’en eust aucunes faites : lesquelles seront receuës : et il ne les pourra pas nier autrefois.