Eschiquier 1402.

E pource que souuent vn ou plusieurs garans sont appellez, soit pour garantir, adioindre, prendre la defense, ou les sommer, sauf à l’appelant à defendre, et combien que par ladite reseruation l’appelant soit entier à defendre, supposé que tous les garans luy faillissent du tout, si peut l’appellant delayer sans soy arrester à garant deliureur, iusques à ce qu’ils ayent eu tous leurs delais coustumiers : et apres demandent la veuc, qui sont longueurs infinies et somptueuses : La Court a ordonné que d’orenauant en telles matières d’appeaux de garans, qui se feront pour garantir, adioindre, prendre la defense, ou les sommer sauf à defendre, l’appelant fera diligence telle qu’il verra bon estre dedans les prochains plets ou assises ensuyuans l’appellation, de faire sommer et venir ses garans à la fin de ladite appellation. Et au cas qu’aux prochains plets ou assises l’appelant ne s’arrestera a garant deliureur, trenché et absolut, il n’en sera plus delayé : pourueu toutesfois qu’il ait eu temps de faire l’adiournement coustumier.