Au Style.

S Ile garant faut de garantie qui l’appela, la partie contre qui le garant est sappelé, aura attainte de cause sur celuy qui appelle garant : sauf son reston sur son garant. Sur lequel restor, et pour soustenir à tort la faute, les parties sont reglees en procez comme és autres matieres : sil n’est ainsi que le demandeur en restor face apparoir d’obligation de garantie, auquel cas celuy qui a failly est presentement condamné audit restor.

Si celuy qui est appellé à garant ne vient à Cour, ains se laisse defaillir, et est mis en amende par iugement : celuy contre qui il est appelé, aura attain-. te de cause, quand l’appelant s’est arresté à garantie absolute : et par ce s’est priué de toutes defenses, et les a laissees à son garant. Et l’amende par iugement vaut et equipolle faute de garantie, parquoy celuy qui appelle garant enchet de la cause : sauf son restor sur sondit garant.