La Coustume au chapitre De iugement.

Vgement est sentence donnee par les Iuges des choses que les parties proposent, et restondent en Cour. Les Iugeurs sont sages personnes et authentiques qui en Cour font iugement de ce qu’ils oyent, si comme les Archeuesques, Euesques, les Chanoines des eglises cathedraux, et les personnes qui ont dignité en saincte eglise : les Abbez, les Prieurs conuentuaux, et les Gouuerneurs, des eglises qui sont creables par leur discretion, et par leur honnesteté : les Baillis, les Cheualiers, les Sergens de l’espee, et les Seneschaux aux Barons : qui sont creables par leur sens, et par leur honnesteté.

De ces personnes est aussi parlé cy dessus au titre De loy qui est faite par record, par l’opinion desquels anciennement se faisoit le iugement des causes et matieres en Normandie. Ce qui ne se fait plus à present : ains se fait par les Aduocats iurez : desquels est parlé cy dessus.