La Coustume au chapitre De veuë, et au chapître De Iusticement, et De bref de nouuel. dessai.

L’En doit sçauoir que s’aucun a gaigné par iugement la saisine d’aucuene chose contre vn autre, et cil qui l’a perdue y met puis la main, il doit estre justicé par corps et par biens, tant qu’il ait restoré l’autre de tous les dommages qu’il a eus par luy, et qu’il ait amendé à la Cour. Autrement de speceroit on chacun iour ce qui seroit fait et iugé en Cour. Car tout ce qui est iugé en Cour doit estre gardé sans contredict, iusques an tant qu’il soit rappelé par plus solennel iugement. Pareillement quand aucun met la main à la chose qui est arrestee ou prinse en la main de Justice, deuant que la querelle soit finee, le corps de luy doit estre mis en prisosi et retenu iusques a tant qu’il l’ait amendé, et rendu ce qui a esté empiré par son meffait.